媽媽衫 - 楓葉及妝嫁

媽媽衫係一個好快完成o既項目。

 

小墨媽自己無啦啦都可以租到一件的﹐第二件陪佢行在兩個小時左右就租到﹐麵媽哩... 就 Target搵 D 傳統D o既款﹐又係幾個鐘就攪掂非常方便。

 

以下係小墨媽的晚裝.... 左邊是楓葉出品﹐右邊是妝嫁的。

左邊那條就是媽媽係未試上身就已付錢造租的那件.... 她超愛那魚尾﹐但... 我卻不喜歡看上去腰不修身....

 

再以下係麵媽的晚裝﹐兩件都是楓葉的。

租了左邊那件後﹐我與麵嫂嫂都不約而同話﹐不如試埋件淺色的來看看﹐一試出來我地都覺得看上去年輕得多。

 

最後﹐兩位媽媽每人兩件。

 

金都楓葉別看門口裝修有點陳舊﹐但真的很多人幫襯﹐新娘晚裝沒媽媽衫那麼強﹐還有很多小姐向她們租姊妹裙。相對外邊來說﹐價錢很便宜﹐但麵媽說後來她在廣州看見這些款買走原來都是三百左右而已。

 

妝嫁那Sales姐姐很努力的跟小墨媽聊天﹐但她又不是奉承為開單﹐說的話都比較中肯﹐本來媽媽覺得這Sales姐姐講o野沒分吋﹐後來我跟小墨媽說俾我都一樣回答你啦! (因為小墨媽很Cher 佢地減價﹐但只租一件沒Bargaining Power)。

 

兩家的即時改衫都很快手﹐只是楓葉如果全部試身室都要用就要等上一手試完才可以開始試衫﹐有利有害啦。

婚紗晚裝 @ 唯美主義

唔係話唔靚﹐亦唔係話佢地Serve得我唔好﹐咁我又未至於唔滿意D衫﹐不過.... 其實都幾後悔 Join在哩間囉。

 

我明明Join之前好口響﹐話唔怕遲租衫﹐覺得等遲D都唔怕﹐但二月Expo無啦啦連續係幾間o野聽到話我遲﹐就突然俾佢地嚇親﹐又無啦啦行完個Expo﹐睇在佢地現場新番果 D 衫就決定在Join﹐其實我真係衰衰衰衝動!

 

之後去佢地舖頭 1st Trial﹐覺得只可以Total 試10件其實真係太少喇﹐但佢地不停安慰我﹐2nd Trial o既時候就可以任試；但由 1st Trial後至 2nd Trial中間﹐次次經過佢地舖頭﹐都無咩邊件新衫我係鐘意的﹐唔係顏色唔o岩﹐就係款式唔o岩﹐有時問問佢地問題有無咩新款添﹐就只係識答係晒度或出晒街﹐又猛話到時實揀到之類﹐有時都幾擔心。2nd Trial又迫人地係Office Hour試﹐攪到要請假之餘仲好難搵朋友陪幫下眼 ﹐好彩果日最後有朋友仔可以抽空黎幫幫手﹐如果唔係唔知點算好。

 

如果唔係我眼利﹐哩件婚紗我就無份o架喇﹐因為佢相簿入面又無﹐Sales姐姐又無推介俾我﹐事緣哩件衫佢地不知何解掛在係Fitting Room﹐正想拎走之際我問哩件有無期﹐可唔可以試下﹐o岩橋有期喎﹐試完又最鐘意所以揀在。勁勁勁後悔證婚時有用拱紗.... 人地Sales姐姐話在個款唔用拱紗就唔好多口問佢地可唔可以俾拱紗啦嘛....

 

其實我係鐘意橙色版o架﹐不過又係俾人Hold在﹐淨番藍色﹐想Out佢出局o架喇﹐但又無其他好代替o既選擇﹐所以... 就係咁揀在囉....

 

為在襯金器而揀o既一件﹐佢其他紅色的我都著唔起﹐佢地金色o既晚裝我又唔多鐘意﹐咁... 就係咁揀在囉....

 

1st Trial 到 2nd Trial 都無被飛o既一件﹐伴娘同另一朋友仔係1st Trial 時讚不絕口的一件而麵都讚同﹐最緊要係.... 到 2nd Trial時已經無咩好揀喇﹐更加唔轉啦。

 

點解話後悔? 佢地真係唔係平o架﹐仲後尾我巧合地需要行幾間唔同形式o既婚紗店﹐以我哩個價錢可以分開二間租﹐可能揀到更鐘意o既款、或可選擇o既衫會多好多﹐最少.... 唯美 D黃色Gown唔係好掂﹐紫色o既款一係好成熟、一係好『Lau Pau』﹐總知唔o岩我啦﹐另一致命傷係佢有擺Expo﹐佢D衫又唔係唔靚所以吸引太多人Join在﹐導致大量人搶住Mark衫o既問題出現﹐又或... 都係果句.... 隔離飯香D囉。

 

但我要說明一點﹐係網上面好多人話佢D Sales無禮貌又或黑口黑面﹐無疑... 佢地D Sales姐姐係比較.... 豪氣o既﹐講o野係大聲D﹐有時傾計係明顯D﹐不過以我哩D豪氣對豪氣o既顧客就覺得問題不大﹐佢地唔會恭恭敬敬﹐但對我就無黑口黑面﹐係問佢地仲有無衫介紹時佢地就一幅個樣.... 『係咁多 la....俾晒你睇o架喇...』又或我識識地對應佢地啦﹐佢地對我都Ok﹐當然我唔駛奉承佢地啦!

 

佢地另一樣唔好係會係舖面試衫﹐出出入入o既人甚至係門口經過o既人都可以睇餐飽﹐如果好彩Hold到舖深處果個Fitting位會好好多囉﹐不過.... 佢地舖面真係好多人。

電話...你乖乖地啦...

乖啦... 電話你乖啦... 你做咩唔肯嘔番D相俾我o即.... 你越來越曳呀~!!!!

 

 

我已經試在好幾日想用條Cable駁電腦拿相﹐但佢就係死都唔通線.... 點都Detect 唔到﹐有無人有辦法呀~~~~

Big Day MUA - Candy Lam @ J'Classy

Book完酒樓、搵在攝影、跟住就搵MUA喇。

 

其實我果陣一D概念都無﹐見好多人話哩樣好緊要﹐咁又係﹐一個MUA一日只可以做一單﹐俾人Book在就無o架喇﹐咁我都學人搵在先啦。

 

係完全無頭緒o既情況下﹐見到有位化妝師好似佢o既Style我都鐘意﹐咁問在佢有無期﹐佢話有﹐但我又懶懶閒﹐唔覺得好急﹐又Hea下Hea下﹐到好o勒﹐隔在成兩個幾星期﹐不如搵佢試妝啦﹐點知再聯絡佢﹐有另一個同日o既新娘已經o岩o岩果日試在裝仲Confirm埋! 呀.....

 

然後有小小開始亂亂地﹐心諗﹐真係咁急? 死火死火﹐然後搵到另一個﹐佢有期﹐但其實睇相已經覺得有小小唔對路﹐但講唔出係咩問題﹐心諗﹐試在先講啦﹐就係咁... 就乖乖地奉上我o既第一次試妝....費!

 

果個MUA好攪笑﹐試妝會好似鍾無艷咁﹐一半面咁試﹐佢係好似好有心機﹐不過... 真係怪怪地﹐朋友仔黎到﹐睇在一陣已經頭Fing Fing﹐但當然我會俾佢玩完先至停啦﹐全程試在幾妝幾頭我都唔記得喇﹐去到尾佢句句都話﹐到時就唔會咁、或哩個可以再慢慢睇﹐但... 我地已經打緊退堂鼓啦﹐最後撤賴話要番屋企俾媽媽睇唔Confirm得住﹐最後雖然佢係Email 以唔即時Confirm都可以Waive試妝費黎引我﹐但... 我真係唔係幾鐘意佢o既手勢囉。

 

Candy係我第二個試妝o既MUA﹐佢係佢地公司唔係最出名果個﹐佢地最出名果個Full在﹐其實我打電話去時我真係15/16﹐我好唔清楚自己想點﹐會唔會浪費錢o架?!?! 最後把心一橫﹐唉.... 都約在咯﹐是旦啦咁就試在喇。果日去之前都諗緊好唔好甩底﹐因為真係好擔心唔知自己要乜﹐試在係浪費錢﹐最後無甩底﹐仲試得好開心添~ 因為Candy真係可以做到我想o既o野﹐仲好鬼鐘意﹐不過果個超鐘意o既褂頭係Big Day並沒有出現。

 

其實係Confirm在Candy後﹐睇其他人Blog的我睇到上癮﹐見到網友化妝超Young又靚﹐雖然我好滿意Candy﹐但都有點心郁﹐更靚有邊個唔想﹐但果次試妝經驗令我更加覺得唔需要再考慮其他人﹐講到幾好係人都識﹐但得唔得就全憑自己感覺喇!

 

朝早五點開始化妝﹐無錯...要七點鐘準備好﹐所以要五點開始化妝﹐四點五十分Candy已經係我屋企樓下打俾我了!

 

下晝證婚﹐係男家敬茶後食晏 + 轉妝﹐然後開車出太子‧‧

 

證婚後要番屋企回門﹐回門後去酒樓﹐著住婚紗玩在個幾鐘﹐切埋蛋糕然後換第一套晚裝....﹐Candy知我想再著褂話可以轉多一次妝o架喎﹐係我自己怕唔夠時間所以無堅持著多次褂... 勁後悔。

 

Match In Look....

 

敬酒Look... (我棚哨牙攪到好多相都只係見到棚牙....暈 )

 

送客Look...

 

謝謝Candy!

再戰Risotto

努力不懈﹐要加油練習喔!

 

今晚麵出差了﹐所以今日小墨要.... 食自己!!!! (其實係自己懶出街﹐順便試試過到自己先再俾阿麵食!)

 

今次要煮二人份量﹐點解二人? 因為我自己食同埋聽日帶飯嘛! 煮了一殼半的意大利米﹐今日豪小小﹐係叔婆度買餸!

 

係煮飯之前... 先攪掂我D羊先.... 用迷你焗爐焗熟佢﹐不過今次似乎過熟....

哩個對我黎講係前菜啦! 雖然過熟... 都好味!

 

好o勒... 首先介紹主角﹐意大利米!

網頁Searching﹐發覺原來意大利米都好多種﹐Arborio係其中一種﹐我哩D新手﹐用最Basic就得喇﹐其他果D一來貴D﹐二來﹐煮出黎效果差唔得幾多喎﹐咁我照跟啦﹐本來某網頁話最常見的牌子係Scotti ﹐但我分別行兩間叔婆都只見到哩一個牌子﹐超人旗下的Superstore直頭唔覺有賣﹐咁... 是旦啦! 有朋友仔叫我可以用普通白米試下先﹐其實我試在o架喇﹐就係覺得佢地太Lim﹐所以先至乖乖地奉錢換正統米番來喔!

 

仲係叔婆度買在菇菇番黎﹐D磨菇好香呀! 另外仲有雪櫃存倉產品﹐蝦同雞肉! 其實隨手執到D咩料覺得佢地應該都o岩的都可以喇。怕死無味的我.... 仲開多罐粟米湯!

落鑊先將雞肉、蝦同菇菇炒埋一碟﹐以防菇菇有Up味﹐要先用水烚佢一烚。本來想用蒜開鑊﹐但臨開鑊先知我D蒜頭又再宣佈Game Over﹐因為發晒芽唔食得喇!!!! 好彩仲有中堅份子.... 薑。

 

然後滾一滾D湯﹐再加米! 開始時份量係緊緊夠黎煮D米就得o勒﹐然後佢一臨乾水又加湯、臨乾水又再加湯﹐每次我都係加小小而已。

 

米都未煮熟我就走去倒罐粟米湯落去﹐一大敗筆呀! 份量突然多在好多﹐我要一邊煮一邊兜﹐變在隻手不停咁兜﹐好累....

重複加清湯... 煲到乾乾地再加清湯﹐直至飯變淋﹐傳統正式o既意大利飯﹐聞說應該係硬硬地﹐好似有小小生米咁先係最正確﹐不過我地自己煮梗係想要林到咩程度都可以自己調較。其實我哩張相已經已經太多水喇‧‧‧

 

支持唔住個煲﹐換番隻Pan﹐然後將之前大兜亂的餸倒埋落去! 啡色係因為D磨菇會煮到啡啡地色....

 

試過米o既林度﹐差不多可以了...

 

剛入主時已買的磨胡椒粒﹐同埋早排買的香草... 個香草一般般﹐但如果鐘意黑椒的﹐一定要買磨胡椒粒粒番屋企!

 

成品!

夠膽的應該煮多一陣等佢乾多小小﹐不過我怕燶多D~

一鑊熟

最近好想研究煮意大利飯﹐我想在好耐o架喇!!!

 

不過我都唔知自己個腦裝乜o既﹐竟然我無為意應該買意大利米﹐反而去在買糙米﹐還好... 煮出黎都似似地樣﹐所以唔覺唔覺﹐哩幾日又突然諗起再次研究哩類菜色o既問題。

 

今日放工去在叔婆度望望﹐究竟意大利米咩價位同幾大包呢? 噫... 無某網頁推介o既果一種﹐咁我唔係咁敢買﹐不過唔緊要﹐今晚係麵煮飯﹐我唔駛下廚﹐所以今日唔買無問題。

 

早前某次想用南瓜黎煮飯﹐隔晚先將糙米用水浸足一晚(都夠24小時o架!) ；

 

然後將雞肉調味﹐再將南瓜同紅蘿蔔切開﹐嘩... 原來南瓜未熟時好鬼硬﹐切到我手都痛! 而紅蘿蔔係因為之前o既剩餘物資。

 

加在史雲生﹐然後將材料倒晒落去﹐一鑊熟... 非常方便﹐唔駛炒、唔駛烚﹐不過菜就梗要烚兩條o既.......

 

不過... 不需技術好似無咩練習價值﹐最好o既好處係唔駛煮到一身油煙味而已﹐不過... 有油煙味o既時候又覺得咁先係煮飯﹐唉.... 我15/16咁真係麻鬼煩。

初初入伙已經買在黑椒磨粒、最近添置埋有機香草﹐廚房越來越多用具同配料喔!

 

 

下次要買意大利米向正式Risotto進發!

回家巴士上的非禮事件(我不是主角)

早幾晚﹐七點幾係尖咀番屋企﹐上在一架熱狗! 熱狗在宜家時節的天氣不是什麼問題﹐還很舒服哩。

 

當車去到窩打老道時﹐坐我後面的一位小姐﹐突然同她隔鄰的一位先生發生以下的事件...

 

小姐：先生﹐麻煩你唔好坐得太近可以嗎﹐你真係坐得太貼喇。

先生：小姐﹐有人行我咪要坐埋 D 囉...

小姐：但我見無人行o既時候你都係坐好貼囉。

先生：邊有呀﹐有人行先係咋嘛。

小姐：唔係! 我明明睇住無人行時你都係咁﹐你再係咁我報警話你非禮o架!

 

然後哩位先生有個朋友坐係佢地後面果排櫈﹐然後哩個先生二號就開始答咀o勒...

 

先生二號：小姐﹐坐巴士係咁o架啦﹐你唔係話我個 Friend非禮你呀嘛?

小姐：宜家係你朋友坐得太近﹐我係請佢坐過小小姐。

先生二號：巴士係咁o架啦﹐唔係點坐呀﹐你咁就話我Friend非禮?!

小姐：宜家你係佢咩﹐你點知佢係咪特登o架﹐你咁多o野講o既﹐你朋友都未出聲呀!

先生二號：我唔知?! 我同我Friend 職在幾十年呀我唔知?!

小姐：你同佢識得耐係你地o既事與我無關﹐宜家我只係覺得佢坐得太近令我好唔舒服囉!

 

被嫌人士已經起身離坐走在去樓下搵第二個位坐﹐哩兩個人繼續係樹口角!

 

至於哩兩個人繼續係樹嘈都離不開哩兩句o既爭執﹐先生二號仲開始夾雜 @#$%@& 問候哩位小姐o既媽媽﹐哩個小姐睇佢都係Office Lady﹐好激氣咁回答話：『識講粗口大晒呀﹐宜家係巴士上面講粗口都係違反法例 (好似又係喎!)』 哩個先生仲繼續係咁講﹐個小姐話

 

小姐：你再係咁我就叫司機車去警局報警o架喇。

先生二號：發癲啦你﹐俾心機發癲啦講粗口犯法! (然後繼續係咁鬧個女仔)

 

小姐然後真係走落樓下同司機講話要報警! 巴士司機跟上黎睇睇咩事啦﹐仲同果位先生講唔好再騷擾哩位小姐﹐一人少一句啦﹐但個先生仲要話係個小姐攪事在先﹐咁個小姐落番下層同埋要求司機報警! 然後我地全車人就係咁被困係巴士上面唔走得﹐要先等警察黎先得。

 

隔在五分鐘左右﹐先生二號話小姐係樹攪事走埋落下層﹐繼續鬧個小姐﹐鬧鬧下仲話『我個 Friend非禮你? 我地係教徒黎o架!』然後上層乘客全部一齊爆笑﹐教徒?! 邊間教會教你咁樣用大量粗口問候人呀? 係有o既就講出黎喇﹐我地一定叫人唔好參加啦!

 

上層乘客開始議論紛紛﹐有人話個女仔好大膽﹐有人又話早知幫口叫先生二號唔好出聲咪算囉﹐更有人話﹐個女仔個Look咁似做會計o既....

 

後尾警察黎到﹐Basic咁Settle Down之後﹐司機開門放我地走同埋叫下一班巴士司機接載我地哩班人﹐但最攪笑o既係﹐我走時﹐先生一號Mark完身分證就同我地哩班人一齊排隊﹐但先生二號反而要留係事發現場同警察傾緊計!

 

就係咁﹐無啦啦 Delay 在成半個鐘頭﹐同埋無啦啦無位坐要係巴士企到番屋企；雖然證實唔到究竟個男o既係有心定無意﹐但個女仔夠膽出聲哩下真係好叻﹐奉勸各位男士坐巴士都係小心D好﹐起碼如果你無心的﹐都唔好被嫌疑o丫。

mon mon與張總婚禮 - 17.04.2010

上星期六係mon mon同張總o既婚禮﹐身為姊妹團o既其中一員﹐整日都有幫手﹐雖然唔至於幫好大忙﹐但我都盡量將我Big Day日覺得可以做好D o既部份多加留意。

 

 

行禮係世紀見證﹐就係公司隔離﹐我當然非常熟地頭可以帶住各位周街走啦。

o丫... 哩間o野都幾好Service喎﹐起碼比奇妙姻典o既Staff細心﹐同埋映相時間勁長!

 

 

行禮時各位攝影師努力爭取最佳角度。

 

 

晦宴地點紅磡海景酒店天澄閣﹐個樓底好高呀!

 

 

主家席紅卜卜﹐好靚!

 

 

祝張生張太新婚愉快、甜甜蜜蜜!

易拉架同簽名布

雖然Pre-Wedding我地映過咁多次﹐不過大相得一張﹐感覺擺現場好似欠在小小o野﹐二人商量後﹐就決定起用 X 架﹐貪佢方便收藏﹐卷埋就可以喇!

 

無錯﹐就係箭咀指住果張!

因為Backdrop都算係粉紅系列﹐所以設計師幫我就番同相似o既顏色﹐仲好快起貨添﹐本來設計師送在朵花仔俾我地﹐不過最後用唔著﹐浪費在佢一番心機o丫。揀哩張因為阿麵個樣夠攪笑夠活潑。嘻嘻~ (不過整之前我無話俾阿麵聽點解揀哩張o架!)

 

簽名布﹐羅浮宮果輯確實有一張﹐不過Size勁細﹐我地唔想D來賓簽到無位簽同埋... 有多D位可以寫多D o野o架嘛! (雖然哩個係我地單方面o既諗法。)

哩張相同我地囍帖背卡張相非常相似﹐不過果張就係背脊﹐而哩一張係正面囉!

B&A Decoration

本來有話聘珍包基本佈置o既﹐但講講o下﹐D網友又話佢個基本佈置好唔掂﹐又話哩樣無、果樣無﹐當日開單o既經理無明言究竟佢地包D乜﹐但就不停話如果想做好D佈置就有相熟公司可以Referral；後尾﹐識得一樣係KT聘珍擺酒o既網友仔﹐佢地拉隊去B&A睇Decoration﹐咁我同阿麵就拉衫尾跟去睇埋一份。

 

人睇我地又睇﹐當然去睇之前參考在其他佈置公司一般幾錢同包D乜先﹐咁上到去﹐人地傾我地又睇又聽埋一份﹐見佢地傾到埋晒尾﹐我地聽落又無咩問題﹐見價錢相對出面算平小小﹐就係咁﹐無啦啦 Join 埋!

 

其實我好想個Backdrop用相﹐不過考慮到之後處設o既問題而放棄了﹐因為唔想掉自己嘛﹐但唔掉屋企擺邊哩﹐所以.... 都係算啦。

 

另外我好鐘意哩類名牌﹐不過阿麵同B&A o既阿Chris都話唔好﹐點解o即... 其實我覺得幾靚o丫....

 

最後﹐我地o既Backdrop變在係咁o架喇。

 

而我地o既Reception係咁的....盞燈係加錢租的﹐因為曾經朋友仔o既婚禮上個Reception勁暗﹐我個人鐘意光D﹐所以係都要租!

 

同埋相簿檯﹐我唔記得在叫佢開多張檯﹐攪到好迫。同埋﹐睇相先知﹐唔知點解最鐘意果張相架相竟然無拎到出黎。(+_+)

 

最後﹐大門口的擺設.... (無錯... 又係哩張呀!)

聘珍樓

睇到聘珍樓係真係一個巧合黎的﹐當我地要開始準備去睇場時﹐係觀塘地鐵站見到聘珍的廣告﹐話剛剛開業云云﹐果日我地去觀塘係開飯的﹐臨離開時我地覺得睇埋先走都唔係用好多時間姐﹐所以就係無預約o既情況下上去睇場；睇完哩度都仲有去酒尖旺逛下o既﹐但都無咩邊度係鐘意的﹐一係就個廳三尖八角、一係就樓底超矮﹐過海又免了﹐雖然去APM要行大約十分鐘﹐但哩個Location無論邊一個散席後去邊區都極度方便﹐所以就揀在哩度。

個場自己好鐘意﹐到今時今日都仲係咁鐘意﹐但亦到今時今日依然俾阿媽哦話個場黑﹐我知... 無佢鐘意o既水晶燈o丫嘛﹐係o架喇係無o架喇﹐我地唔鐘意嘛!!

 

基本上都無咩大問題﹐但有樣o野好古怪的﹐佢地個經理竟然係我地未散場就放在工﹐仲要講緊o既係好早o既時段﹐應該係剛開席無耐o既時段﹐但之前佢無提過、佢走又無出聲﹐雖然我張單唔係你開的﹐但個場係你管的﹐係咪應該有更好o既交帶?

 

映相時佢地D Staff 經驗未夠﹐成日問要幾多張櫈﹐其實你如果見到一大棚人仲有外形似Uncle、Auntie或老人家o既咪放四張上黎先囉﹐多得滯就會叫你拎開o架啦﹐駛唔駛不停問呀。

 

最唔鐘意o既應該係上菜超快﹐叫在佢地慢 D o架啦﹐都仲係咁快﹐究竟有無聽人講o野o架o即 !!!!!

 

同埋另有一昂居居事件﹐已經去到敬完酒時段﹐媽媽唔知洋酒擺係邊﹐走黎問我究竟係邊度有白蘭地 (另一無o野呀嘛之作.... 問我都有o既.....)﹐咁我唯有問我後面果位似乎高級小小o既Waitress姐姐D洋酒係邊﹐叫佢幫我最少搵兩支出黎﹐佢叻到搵個膠袋入兩支俾我囉﹐神o架﹐哩個時候打包兩支酒做咩呀!?!?!