上星期終於Confirm在造相簿﹐二話不說仲落埋Order添! 星期五收到Email 話已寄出﹐早知就直接寄番屋企﹐咁星期六日時就剛剛係屋企收到喇。
今朝番公司行在好多次出Mailing Room﹐十一點幾先至真係收到個Parcel。
果然Pack得好穩陣喎‧‧
今晚番屋企先至小心翼翼咁映相﹐費是係公司太揚啦。
真身‧‧‧
俾 D 內頁你地睇o丫‧‧‧
不過其實對哩本相簿都有小量o既Comment
1. 顏色有點過深﹐如果我用『濃了一點』可能會易明少少。
2. 封面用白底﹐佢本來有顏色揀﹐不過都係 D 比較深o既顏色。
3. 有一張用黎分Section o既相﹐到放大晒先睇到﹐原來相本身係有點鬆郁懞的。
未造相簿前﹐覺得自己可以拎黎造相簿o既相比較少﹐造在相簿後先發現﹐原來用得著o既相都唔少喎。
經DC Fever 訂有九折!
http://www.dcfever.com/photobook/index.php?main_page=1
媽媽衫係一個好快完成o既項目。
小墨媽自己無啦啦都可以租到一件的﹐第二件陪佢行在兩個小時左右就租到﹐麵媽哩... 就 Target搵 D 傳統D o既款﹐又係幾個鐘就攪掂非常方便。
以下係小墨媽的晚裝.... 左邊是楓葉出品﹐右邊是妝嫁的。
左邊那條就是媽媽係未試上身就已付錢造租的那件.... 她超愛那魚尾﹐但... 我卻不喜歡看上去腰不修身....
再以下係麵媽的晚裝﹐兩件都是楓葉的。
租了左邊那件後﹐我與麵嫂嫂都不約而同話﹐不如試埋件淺色的來看看﹐一試出來我地都覺得看上去年輕得多。
最後﹐兩位媽媽每人兩件。
金都楓葉別看門口裝修有點陳舊﹐但真的很多人幫襯﹐新娘晚裝沒媽媽衫那麼強﹐還有很多小姐向她們租姊妹裙。相對外邊來說﹐價錢很便宜﹐但麵媽說後來她在廣州看見這些款買走原來都是三百左右而已。
妝嫁那Sales姐姐很努力的跟小墨媽聊天﹐但她又不是奉承為開單﹐說的話都比較中肯﹐本來媽媽覺得這Sales姐姐講o野沒分吋﹐後來我跟小墨媽說俾我都一樣回答你啦! (因為小墨媽很Cher 佢地減價﹐但只租一件沒Bargaining Power)。
兩家的即時改衫都很快手﹐只是楓葉如果全部試身室都要用就要等上一手試完才可以開始試衫﹐有利有害啦。
唔係話唔靚﹐亦唔係話佢地Serve得我唔好﹐咁我又未至於唔滿意D衫﹐不過.... 其實都幾後悔 Join在哩間囉。
我明明Join之前好口響﹐話唔怕遲租衫﹐覺得等遲D都唔怕﹐但二月Expo無啦啦連續係幾間o野聽到話我遲﹐就突然俾佢地嚇親﹐又無啦啦行完個Expo﹐睇在佢地現場新番果 D 衫就決定在Join﹐其實我真係衰衰衰衝動!
之後去佢地舖頭 1st Trial﹐覺得只可以Total 試10件其實真係太少喇﹐但佢地不停安慰我﹐2nd Trial o既時候就可以任試；但由 1st Trial後至 2nd Trial中間﹐次次經過佢地舖頭﹐都無咩邊件新衫我係鐘意的﹐唔係顏色唔o岩﹐就係款式唔o岩﹐有時問問佢地問題有無咩新款添﹐就只係識答係晒度或出晒街﹐又猛話到時實揀到之類﹐有時都幾擔心。2nd Trial又迫人地係Office Hour試﹐攪到要請假之餘仲好難搵朋友陪幫下眼 ﹐好彩果日最後有朋友仔可以抽空黎幫幫手﹐如果唔係唔知點算好。
如果唔係我眼利﹐哩件婚紗我就無份o架喇﹐因為佢相簿入面又無﹐Sales姐姐又無推介俾我﹐事緣哩件衫佢地不知何解掛在係Fitting Room﹐正想拎走之際我問哩件有無期﹐可唔可以試下﹐o岩橋有期喎﹐試完又最鐘意所以揀在。勁勁勁後悔證婚時有用拱紗.... 人地Sales姐姐話在個款唔用拱紗就唔好多口問佢地可唔可以俾拱紗啦嘛....
其實我係鐘意橙色版o架﹐不過又係俾人Hold在﹐淨番藍色﹐想Out佢出局o架喇﹐但又無其他好代替o既選擇﹐所以... 就係咁揀在囉....
為在襯金器而揀o既一件﹐佢其他紅色的我都著唔起﹐佢地金色o既晚裝我又唔多鐘意﹐咁... 就係咁揀在囉....
1st Trial 到 2nd Trial 都無被飛o既一件﹐伴娘同另一朋友仔係1st Trial 時讚不絕口的一件而麵都讚同﹐最緊要係.... 到 2nd Trial時已經無咩好揀喇﹐更加唔轉啦。
點解話後悔? 佢地真係唔係平o架﹐仲後尾我巧合地需要行幾間唔同形式o既婚紗店﹐以我哩個價錢可以分開二間租﹐可能揀到更鐘意o既款、或可選擇o既衫會多好多﹐最少.... 唯美 D黃色Gown唔係好掂﹐紫色o既款一係好成熟、一係好『Lau Pau』﹐總知唔o岩我啦﹐另一致命傷係佢有擺Expo﹐佢D衫又唔係唔靚所以吸引太多人Join在﹐導致大量人搶住Mark衫o既問題出現﹐又或... 都係果句.... 隔離飯香D囉。
但我要說明一點﹐係網上面好多人話佢D Sales無禮貌又或黑口黑面﹐無疑... 佢地D Sales姐姐係比較.... 豪氣o既﹐講o野係大聲D﹐有時傾計係明顯D﹐不過以我哩D豪氣對豪氣o既顧客就覺得問題不大﹐佢地唔會恭恭敬敬﹐但對我就無黑口黑面﹐係問佢地仲有無衫介紹時佢地就一幅個樣.... 『係咁多 la....俾晒你睇o架喇...』又或我識識地對應佢地啦﹐佢地對我都Ok﹐當然我唔駛奉承佢地啦!
佢地另一樣唔好係會係舖面試衫﹐出出入入o既人甚至係門口經過o既人都可以睇餐飽﹐如果好彩Hold到舖深處果個Fitting位會好好多囉﹐不過.... 佢地舖面真係好多人。
Book完酒樓、搵在攝影、跟住就搵MUA喇。
其實我果陣一D概念都無﹐見好多人話哩樣好緊要﹐咁又係﹐一個MUA一日只可以做一單﹐俾人Book在就無o架喇﹐咁我都學人搵在先啦。
係完全無頭緒o既情況下﹐見到有位化妝師好似佢o既Style我都鐘意﹐咁問在佢有無期﹐佢話有﹐但我又懶懶閒﹐唔覺得好急﹐又Hea下Hea下﹐到好o勒﹐隔在成兩個幾星期﹐不如搵佢試妝啦﹐點知再聯絡佢﹐有另一個同日o既新娘已經o岩o岩果日試在裝仲Confirm埋! 呀.....
然後有小小開始亂亂地﹐心諗﹐真係咁急? 死火死火﹐然後搵到另一個﹐佢有期﹐但其實睇相已經覺得有小小唔對路﹐但講唔出係咩問題﹐心諗﹐試在先講啦﹐就係咁... 就乖乖地奉上我o既第一次試妝....費!
果個MUA好攪笑﹐試妝會好似鍾無艷咁﹐一半面咁試﹐佢係好似好有心機﹐不過... 真係怪怪地﹐朋友仔黎到﹐睇在一陣已經頭Fing Fing﹐但當然我會俾佢玩完先至停啦﹐全程試在幾妝幾頭我都唔記得喇﹐去到尾佢句句都話﹐到時就唔會咁、或哩個可以再慢慢睇﹐但... 我地已經打緊退堂鼓啦﹐最後撤賴話要番屋企俾媽媽睇唔Confirm得住﹐最後雖然佢係Email 以唔即時Confirm都可以Waive試妝費黎引我﹐但... 我真係唔係幾鐘意佢o既手勢囉。
Candy係我第二個試妝o既MUA﹐佢係佢地公司唔係最出名果個﹐佢地最出名果個Full在﹐其實我打電話去時我真係15/16﹐我好唔清楚自己想點﹐會唔會浪費錢o架?!?! 最後把心一橫﹐唉.... 都約在咯﹐是旦啦咁就試在喇。果日去之前都諗緊好唔好甩底﹐因為真係好擔心唔知自己要乜﹐試在係浪費錢﹐最後無甩底﹐仲試得好開心添~ 因為Candy真係可以做到我想o既o野﹐仲好鬼鐘意﹐不過果個超鐘意o既褂頭係Big Day並沒有出現。
其實係Confirm在Candy後﹐睇其他人Blog的我睇到上癮﹐見到網友化妝超Young又靚﹐雖然我好滿意Candy﹐但都有點心郁﹐更靚有邊個唔想﹐但果次試妝經驗令我更加覺得唔需要再考慮其他人﹐講到幾好係人都識﹐但得唔得就全憑自己感覺喇!
朝早五點開始化妝﹐無錯...要七點鐘準備好﹐所以要五點開始化妝﹐四點五十分Candy已經係我屋企樓下打俾我了!
下晝證婚﹐係男家敬茶後食晏 + 轉妝﹐然後開車出太子‧‧
證婚後要番屋企回門﹐回門後去酒樓﹐著住婚紗玩在個幾鐘﹐切埋蛋糕然後換第一套晚裝....﹐Candy知我想再著褂話可以轉多一次妝o架喎﹐係我自己怕唔夠時間所以無堅持著多次褂... 勁後悔。
Match In Look....
敬酒Look... (我棚哨牙攪到好多相都只係見到棚牙....暈 
送客Look...
謝謝Candy!
雖然Pre-Wedding我地映過咁多次﹐不過大相得一張﹐感覺擺現場好似欠在小小o野﹐二人商量後﹐就決定起用 X 架﹐貪佢方便收藏﹐卷埋就可以喇!
無錯﹐就係箭咀指住果張!
因為Backdrop都算係粉紅系列﹐所以設計師幫我就番同相似o既顏色﹐仲好快起貨添﹐本來設計師送在朵花仔俾我地﹐不過最後用唔著﹐浪費在佢一番心機o丫。揀哩張因為阿麵個樣夠攪笑夠活潑。嘻嘻~ (不過整之前我無話俾阿麵聽點解揀哩張o架!)
簽名布﹐羅浮宮果輯確實有一張﹐不過Size勁細﹐我地唔想D來賓簽到無位簽同埋... 有多D位可以寫多D o野o架嘛! (雖然哩個係我地單方面o既諗法。)
哩張相同我地囍帖背卡張相非常相似﹐不過果張就係背脊﹐而哩一張係正面囉!
本來有話聘珍包基本佈置o既﹐但講講o下﹐D網友又話佢個基本佈置好唔掂﹐又話哩樣無、果樣無﹐當日開單o既經理無明言究竟佢地包D乜﹐但就不停話如果想做好D佈置就有相熟公司可以Referral；後尾﹐識得一樣係KT聘珍擺酒o既網友仔﹐佢地拉隊去B&A睇Decoration﹐咁我同阿麵就拉衫尾跟去睇埋一份。
人睇我地又睇﹐當然去睇之前參考在其他佈置公司一般幾錢同包D乜先﹐咁上到去﹐人地傾我地又睇又聽埋一份﹐見佢地傾到埋晒尾﹐我地聽落又無咩問題﹐見價錢相對出面算平小小﹐就係咁﹐無啦啦 Join 埋!
其實我好想個Backdrop用相﹐不過考慮到之後處設o既問題而放棄了﹐因為唔想掉自己嘛﹐但唔掉屋企擺邊哩﹐所以.... 都係算啦。
另外我好鐘意哩類名牌﹐不過阿麵同B&A o既阿Chris都話唔好﹐點解o即... 其實我覺得幾靚o丫....
最後﹐我地o既Backdrop變在係咁o架喇。
而我地o既Reception係咁的....盞燈係加錢租的﹐因為曾經朋友仔o既婚禮上個Reception勁暗﹐我個人鐘意光D﹐所以係都要租!
同埋相簿檯﹐我唔記得在叫佢開多張檯﹐攪到好迫。同埋﹐睇相先知﹐唔知點解最鐘意果張相架相竟然無拎到出黎。(+_+)
最後﹐大門口的擺設.... (無錯... 又係哩張呀!)
睇到聘珍樓係真係一個巧合黎的﹐當我地要開始準備去睇場時﹐係觀塘地鐵站見到聘珍的廣告﹐話剛剛開業云云﹐果日我地去觀塘係開飯的﹐臨離開時我地覺得睇埋先走都唔係用好多時間姐﹐所以就係無預約o既情況下上去睇場；睇完哩度都仲有去酒尖旺逛下o既﹐但都無咩邊度係鐘意的﹐一係就個廳三尖八角、一係就樓底超矮﹐過海又免了﹐雖然去APM要行大約十分鐘﹐但哩個Location無論邊一個散席後去邊區都極度方便﹐所以就揀在哩度。
個場自己好鐘意﹐到今時今日都仲係咁鐘意﹐但亦到今時今日依然俾阿媽哦話個場黑﹐我知... 無佢鐘意o既水晶燈o丫嘛﹐係o架喇係無o架喇﹐我地唔鐘意嘛!!
基本上都無咩大問題﹐但有樣o野好古怪的﹐佢地個經理竟然係我地未散場就放在工﹐仲要講緊o既係好早o既時段﹐應該係剛開席無耐o既時段﹐但之前佢無提過、佢走又無出聲﹐雖然我張單唔係你開的﹐但個場係你管的﹐係咪應該有更好o既交帶?
映相時佢地D Staff 經驗未夠﹐成日問要幾多張櫈﹐其實你如果見到一大棚人仲有外形似Uncle、Auntie或老人家o既咪放四張上黎先囉﹐多得滯就會叫你拎開o架啦﹐駛唔駛不停問呀。
最唔鐘意o既應該係上菜超快﹐叫在佢地慢 D o架啦﹐都仲係咁快﹐究竟有無聽人講o野o架o即 !!!!!
同埋另有一昂居居事件﹐已經去到敬完酒時段﹐媽媽唔知洋酒擺係邊﹐走黎問我究竟係邊度有白蘭地 (另一無o野呀嘛之作.... 問我都有o既.....
婚後已經三個多月﹐在Honeymoon回來後收到了 Elite 給我的CDs﹐正常黎講我係無可能唔第一時間睇的﹐但渡蜜月回來的相片多達四千多張﹐在一片相海之中﹐我沒法子不先行將日本的照片處理好﹐然後再細心看Elite的出品﹐尋日我終於開始睇相喇。
謝謝Elite三子 - Michael(Video)、Ryan(Standard)同Jan(Snapshot)!
由於是日太多相片同親戚朋友有關﹐恕我未能將其他相片 Post 出黎﹐就只 Post 幾張由阿Jan所拍的Snapshot吧!
睇番D Video原來阿麵都有多口o既一面﹐就在朝早接新娘時段﹐佢口多多亂咁Up當秘笈好好笑。謝謝Michael!
另外當然少不了 Ryan﹐除在Standard Photos﹐果日o既成長片段係 Ryan 負責o架!! 我地一心諗住擺多D相然後再擺多D相﹐又將 D 相推前又移後﹐及後又將 D 相換來換去﹐多謝 Ryan 的耐性!
朋友們如果想要我同你地合照o既Print Out﹐就同我聯絡啦。
婚前﹐考慮在好耐﹐做唔做Gel甲好呢?
其實小墨唔鐘意做Gel甲的﹐對於那些Nail Art亦興趣不大﹐所以指甲都是短短的﹐但話晒結婚﹐係咪應該整一整呢?
後尾同好友傾開﹐佢話佢修甲o既舖頭有種叫蛋白甲﹐唔駛磨甲就可以造上去﹐Big Day用完可以拆! Good!! o岩晒我!
小墨媽係咁對住我講在幾次﹐話大婚果日應該要全紅指甲油﹐人地都話在唔鐘意咯﹐我次次應佢果陣都話『係襯褂﹐咁我套婚紗點呀﹐唔要!!! 唔做全紅。』
不過唔要還唔要﹐如果有其他方法都可以考慮o既﹐最後﹐修甲師姐姐建議我做閃粉係指尖﹐有紅啦... 但又唔Out喎﹐仲唔會太紅添。
話時話﹐雖然我只收在權哥D相﹐但好似係千四張相入面先至得唔知一張定兩張睇到對手﹐不過....果日勁敬茶﹐應該... 親眼睇到o既人會多D...
為在墨麵囍事﹐我前後買在三對鞋。
第一對﹐係映Pre-Wedding前買的﹐自以為買完安安樂樂﹐映相、甚至Big Day都靠晒佢﹐但原來唔係囉...
因為著著下覺得.... 個高度係咪唔係好夠﹐得兩吋﹐好似矮在D﹐諗諗下覺得係咪應該搵對高D o既哩‧‧‧
當我仲係樹15/16之際﹐同網友仔o既一次金都之行﹐途經其中一間鞋店﹐網友仔入去問如果俾對波鞋佢地加閃石要幾錢‧‧攪事之徒小墨就拎起人地o既高跟鞋左拼拼右看看﹐睇睇下仲著埋上腳﹐Wow... 好靚呀~~~~ 有人心郁度立時上升至90%﹐同埋哩對鞋可以造前Platform﹐望上去仲唔覺添﹐正呀....
然後同麵商量﹐麵話：『你鐘意啦。』就係咁﹐第二日就拉住麵去金都訂鞋﹐就係咁﹐兩個星期後﹐第二對高跟鞋就面世了。
哩對真係幾舒服﹐同埋Big Day果日﹐因為此鞋有『Cool』腳繩﹐完全無甩鞋o既擔憂﹐除在朝早著褂鞋外﹐全日其他時間都係著哩一對﹐不單無腳痛仲健步如飛!!!! 散席後拍埋最後一張相﹐心情依然非常趕緊o既我依然『跑』向新娘房﹐唯伴娘小姐立時提醒『散在席喇﹐換在衫就番屋企﹐唔駛再跑喇。』我到今日都仲好鐘意哩對鞋﹐雖然.... 佢同金都其他店的款其實都係大同小異。
最後一對係褂鞋﹐由於有利係專賣晚裝鞋同跳舞鞋﹐我完全無諗過佢會無貨﹐Big Day前兩星期先至去買﹐但原來係真係會我o既Size賣晒o架喎!
其實老早已經看上了此褂鞋﹐有如意結好可愛!!! 中途曾經想變掛﹐轉投更高跟的款式﹐及曾經考慮去買全金波鞋﹐但金波鞋很早就放棄了﹐因為小妹o既高度有限﹐我好希望可以高一點點﹐所以放棄了... 唔可以學小馬啦! 買褂鞋時想買更高跟﹐但喜歡的Cool腳款式已經唔出﹐又或另一些更高的﹐可是我又怕在Big Day PK! So... 還是回歸基本步吧!
Big Day高跟鞋：金都三樓333號舖 - 美滿鞋屋
褂鞋及第一對銀色高跟鞋：有利鞋店 (太子Nokia專門店左面幾個舖位的樓梯底及二樓)
係網友仔果邊見到一篇婚禮用的歌﹐我又整番篇先!!
首先先講幾首特別用途o既歌先... 我相信人人都覺得自己揀o既成長片段首歌好特別o架啦﹐我都唔例外!
大半年前﹐我已經開始留意D歌o架喇﹐應該搵邊首哩? 都好頭痕o下﹐初初想用飛輪海同 S.H.E. 的『新窩』﹐有打電話俾我o既朋友都知﹐我手機都係哩一首﹐點解鐘意?! 鐘意係自某次睇到佢地o既歌詞﹐好開心、好輕鬆、同埋好溫馨；不過由於一來阿麵唔鐘意哩首 (聽完我講無反應咪即係唔鐘意囉) 
有一日﹐係車上面聽歌﹐巧合地聽到媽媽叫爸爸特地將泰山 (商台成日同阿蘇去食o野果個泰山) 唱o既Say Yes錄在落USB係車聽﹐噫... 究竟哩首歌講咩o架哩?! 問阿麵﹐佢話咪果套『101次求婚』o既主題曲囉﹐然後我就叫佢幫我搵搵究竟首歌講咩.... 當然最後睇完覺得好正喎... 問阿麵好唔好﹐佢哩次有反應喇﹐仲舉腳讚成添!! 所以就拍在板揀哩一首﹐就算之後都有再搵有無邊首更好﹐都無其他歌o岩喇!
然後... 因為不停揀晚宴播o既歌﹐收集在好多歌；我想自己揀歌﹐覺得就算廣東歌都無所謂﹐最緊要首歌o既意思o岩用；因為唔記得在邊次去婚宴﹐有人可能將果D雜錦情歌CD就咁播﹐播播下播在首『好手分手』出黎﹐點可以咁o架!!!!! 
之前我都有諗... 究竟上菜歌用咩好呢? 我唔想用D太嘈o既歌﹐都頭痕在好耐o架﹐直至到11月尾好友o既婚宴﹐佢用在Kelly首囍菜﹐不過未到果首歌時我地以為已經播緊﹐係我地仲未估到o既時候﹐有人問『係咪大長今』呀? 好彩佢最後唔係大長今o即﹐因為哩一個事件就令我諗起大長今都係一個好選擇喎! 聽晒大長今o既Sound Track﹐最後揀在『蓮實』﹐一首通常一播時﹐個畫面都係長今係樹切切煮煮煲o既情景.... 同埋另有一個好處﹐就係個音樂有一D中樂係入面﹐同聘珍個場 - 有D中式Feel 好襯!! 我記得我上菜果陣都聽到個音樂﹐我自己就好鐘意o勒﹐唔知來賓覺得O唔Ok呢?
敬酒係另一頭痛﹐我唔想揀過年歌o丫.... 我又唔係慶新年﹐最後只係揀在三首﹐係日本版龍貓、新窩 (終於用到喇)、同埋今天我要嫁給你﹐本來 Last果兩日問網友仔有咩推介﹐佢地都有俾D 選擇我﹐不過最後因為太忙﹐已經唔得閒整喇!!
去到送客... 我一早已經諗定﹐想用Disney放完煙火後o既果首A Whole New World、每一個明天﹐仲有幾首不過已經唔係好記得。
好o勒... 黎個Summary o丫﹐好讓大家有個參考啦。
成長片段：Say Yes (Chage & Aska)
上菜：蓮實 (大長今)
即日剪片：In Love With You (Jacky Cheung & Regine)
敬酒：今天我要嫁給你 (蔡依琳 & 陶吉吉)﹐龍貓 (原裝日文版)﹐新窩 - (飛輪海 & S.H.E.)
送客：千與千尋﹐A World New World (送客)﹐Tonight, I Celebrate My Love (送客)﹐一切很美只因有你 - (Kelly Chen)﹐每一個明天
晚宴中途： Beauty and the Beast﹐流星雨﹐I Swear﹐我願意﹐小玩意﹐以妳為榮﹐等妳願意Marry Me﹐二人行一日後﹐幸福摩天輪﹐愛很簡單﹐分分鐘需要你﹐情非得已﹐大浪漫主意﹐Love Paradise﹐感激我遇見﹐小酒窩﹐Because I Love You﹐一生愛你一個﹐etc etc
婚後... 睇到權哥D相... 我敢講... 全日我最鐘意o既係我o既褂Look!
一早預在要 D媽媽級o既人陪我去揀﹐哩 D咁傳統o既o野﹐我點敢自作主張?! 加上我又點會識揀哩﹐所以要媽媽同我去睇；叫佢去睇o既時候﹐佢又係果句.... 『唔急啦!! 慢慢先。』幾時佢先至開始急呢? 就係當契媽問佢：『你同個女睇在褂未呀? 仲唔睇呀?? 俾人揀晒咯....』都話o架啦.... 我講o既o野永遠都無力﹐如果要話樣樣o野都唔聽屋企人話﹐其實我地都係半斤八兩姐。
當佢未肯去睇o既時候﹐我自己已經去睇在一次﹐諗住感受下先﹐同埋Short List定D店啦﹐無謂到我同媽媽去o既時候先至慢慢行。第一間去在永隆! 但我都唔明點解 D 舖頭咁得意的﹐雖然你地哩D傳統服飾、亦都靠口碑﹐都可以執一執果本相簿掛﹐但... 佢地本相簿係N年前o既超級舊款黎囉﹐所以睇都無用。負責小姐俾二件我睇以經攪到我眼花暸亂﹐同埋我打算望下姐﹐唔會攪住人地咁耐啦﹐所以都睇得唔湯唔水。之後無耐﹐某星期六特登去冠南華行下﹐個Auntie拎在幾件俾我﹐又係睇到一頭霧水﹐自此之後就唔敢自己去睇﹐直至媽媽出聲果陣o勒。
陪媽媽睇的之前一晚﹐途經旺角﹐走入去美華望望﹐老闆娘拎在一件俾我睇﹐今次我有DD概念喇﹐不過又係望在一眼就同老闆娘講﹐我想知咩價錢同埋要帶埋媽媽先至可以租! 第二日﹐同媽媽及另一位Auntie一齊去睇褂﹐第一間去番美華﹐入到去超多人﹐當時阿老闆係無咩禮貌的﹐但我明知網友們通報﹐唔駛理阿老闆﹐直接搵老闆娘啦。老闆娘問我想要邊類﹐我話想試多紅果D﹐咁佢拎在一套我睇﹐媽媽同Auntie話：『一般般啦﹐好新抱仔feel。』(其實自己都覺得有小小說不出的古怪) 然後媽媽問老闆娘仲有無其他款﹐老闆娘拎在第二套我睇﹐我本身唔想要咁多金銀線﹐驚老氣﹐哩一套係大五福 (宜家果套)﹐著上身覺得... um... 人家都唔係要咁樣﹐但望鏡﹐都Ok o既... 但媽媽同Auntie就連連說好﹐仲話襯得我白雪雪云云；然後媽媽話：『老闆娘﹐仲有無D更勁o既黎試o下?! 』我心諗... 唔係化....
經過錦發﹐果期佢地o既comment都幾差o下﹐所以直行直過走在!
去到永隆﹐劉姑娘招呼我地﹐俾在一件我睇﹐著上身﹐媽媽又係話一般般﹐但手袖過長﹐到Auntie問劉姑娘佢幾錢租﹐價錢貴過美華果套；要多一件試﹐媽媽話太多金色﹐唔o岩我同埋唔o岩Size﹐成件大晒﹐劉姑娘竟然同我地講可以改Size﹐真係聞所未聞呀!! 跟住佢地仲自動減價﹐Auntie覺得佢唔老實開大價﹐最大件事係Size邊有得改o架?! 所以媽媽同Auntie都打晒眼色話走啦走啦!!! 咁又係... 感覺真係唔多好。
然後去埋冠南華﹐等在好耐﹐媽媽開始唔耐煩﹐仲不停講美華果件咪幾好囉又行來行去
番去美華﹐Target番之前o既大五福﹐再試上身；可能一次過試在幾間﹐我都開始鐘意哩一套喇﹐沾沾自喜之餘仲落埋訂。
映相啦....笑~~~ (但我其實係著住波鞋o架囉。)
