天公造美﹐我今天係Day Off唔駛番工﹐可以訓飽飽先至起身﹐仲有時間執下自己﹐企企理理先至出去。晏晝ar mui、Bevis同PY陪我去食Lunch + Dessert﹐我好想悠悠閒坐下﹐嘆下茶﹐傾下計。
可能人真的大了﹐細個果陣就鐘意安排大量節目﹐務必將全日安排到密麻麻好豐富先至收手﹐但宜家我好鐘意Hea下Hea下﹐感受悠閒感。所以好期待今日晏晝可以輕輕鬆鬆﹐影下相﹐食下Cake咁囉。
好多謝各為我今日而張羅o既朋友﹐感謝你地出心出力安排各樣活動俾我﹐你地對我好、錫我﹐我係知o架 !! 亦都希望你地都Enjoy今日你地為我所安排o既玩意。其實大家記得哩一日我已經感激不盡﹐從來都覺得﹐人家無責任記住我幾時生日﹐當然﹐收到你地o既祝福﹐就算只是跟我說一聲生日快樂或發了一個sms給我﹐我已經好多謝好多謝!!
HaPPy BiRthDay to myself...!!
亦都Thank you very much for all my friends.....!!
又一年了‧‧‧
今晚係前夕﹐約在高比佢地一班舊同學食飯。對我黎講地點係非常之方便﹐就係Mega Box﹐但抱歉﹐秉承一貫最近果個好少準時o既習俗.... 無錯﹐我都係遲到格。哈哈哈哈....
其實近年相對地少在同佢地見面﹐沒有特別原因﹐只是巧合地少在聯絡﹐所以先至少見面；所以有時都唔係好知道大家o既近況﹐查實係唔應該o既﹐有機會時我會嘗試改變一下哩一個模式o架喇 。
今晚食o既係潮菜﹐Sa Sa 有『痕身』咭所以有Discount﹐咁確係好抵喎﹐不過優惠只到七月三日﹐仲星期六、日停用添!! 不過都算係咁o架喇!! 今晚有壽飽食﹐不過比較突然o既係‧‧‧點解唔見在個蒸籠o架???
我都係第一次見係酒樓order一打壽飽時係無蒸籠格!! 攪到D飽凍得好快!
係咪係樹數緊點解唔夠12隻呢?? 無錯.... 映相時其實我已經o趙緊一隻﹐高比一隻﹐仲有Ivan都o趙緊一隻!!
今晚去在一間Cafe度食飯﹐睇唔出哩間其貌不揚o既小Cafe﹐D o野食都過得去喎；點解我咁講哩﹐係因為以前我都去過哩D小Cafe﹐但食過D o野真係非常『油麻地』﹐所以自始舉晒白旗﹐對於上樓Cafe失在信心﹐但今日覺得﹐原來哩間都Ok 喎。
當我地三位小姐試完人地D焗飯啊、麵啊之類後﹐我地就試下人地D蛋糕o勒! 不過咁﹐我就覺得D糕點並唔係佢地自己o既出品黎﹐而係係外面買番黎﹐唔打緊啦﹐如果佢係出面買得好味﹐咁哩個絕不成問題。但後尾只係叫在一件Tiramisu﹐然後就order佢地o既廚房製品『心太軟』。
我睇雜誌見得多﹐但親眼見、親口食就係第一次。嘩... 好味啊﹐D朱古力槳流出黎﹐同埋個皮好好味.... 嘿嘿..... 正啊!!
唉... 我以後唔敢唔帶相機出街啦﹐用手提映唔到近鏡哩!!
記得我上個星期去整『鞋碼』嘛?? 你都咪話﹐都抵我覺得佢呃我錢﹐點解?? 無... 其中一隻腳個鞋碼又甩在之嘛 ... 攪到我係公司好似跛腳鴨﹐真係激氣啊﹐拎到咁遠整﹐仲咁快又甩過﹐都唔知係咩手工來的﹐所以尋日﹐我拎去另一間度再整過!! 點知哩一個一睇就知我唔係佢度整﹐串在我一句：『你對鞋唔係係我度整o架喎!! 』唉... 咁點o即... 你肯整我咪俾錢囉﹐我都無得選擇﹐除在決定唔著哩對鞋o架姐﹐咁點知佢突然答多我一句：『今次幫你整啦﹐下次要收錢o架喇。』
嘩... 我突然覺得... 你好好人啊... 竟然唔收我錢﹐咁我邊好意思啊?!!? 好彩﹐我仲有樣o野俾佢整﹐等佢唔好白白幫完我乜錢都無得收；要整o既就係我條皮帶扣﹐著一日就成個扣甩在；唉...其實我好錫住D o野黎用﹐點解都要咁化學...
今日係Tammy係外面工作o既第三日﹐唉... 都唔知佢下星期可以番來未﹐我身為佢o既back up同事﹐要幫佢睇住個email﹐有事就要follow up﹐有客問o野又要答﹐唔可以稱得上好辛苦﹐但一個人睇兩個email 睇到眼花就係不爭o既事實。我已經一段時間無呼吸困難o既感覺﹐而今次係有囉.... 不過﹐我會同自己講﹐其他同事跟佢地自己一個人o既o野都係好辛苦﹐所以我唔會怨﹐只是公司咁樣安排﹐真係苦了Tammy又苦了我﹐同埋我會堅持唔OT o架!! 咁根據公司planning﹐我地確係唔應該OT o架嘛﹐話我反斗都係咁話格o勒﹐我只不過係聽聽話話之嘛﹐希望Tammy快D番來啦﹐ 因為我知佢係果邊都好難頂。
Tammy﹐加油啊!!
