泰簡單

無事無幹搵人Dinner最好!! 今晚Bevis搵來Vvn、Fiona、La La、佢自己同埋我dinner

。地點係銅鑼灣的『泰簡單』

﹐佢地已經去過幾次而我係第一次去﹐因為今晚要見張醫師﹐所以我一早講在會遲點來﹐但又唔識搵哩間o野

﹐好彩以我o既聰明頭腦 + 佢地o既口頭指導﹐要搵到佢﹐無難度

﹐Yeah。

 

 

味道Ok特別係冬陰公﹐味道濃郁

﹐但佢地話燒豬頸肉好肥膩﹐另外order在柚子沙律﹐我都係鐘意木瓜絲沙律多D

﹐我地仲叫在個炒菜但Bevis話D菜有楂﹐菜有楂係D菜唔靚﹐但賣相Ok﹐另外仲order在咖哩炒蟹﹐味道唔錯不過唔係好熱~~

 

 

但要踩o既係service﹐差! 不知何解D Waitress好似嬲在成村人﹐膚膚衍衍咁唔知發生咩事

。找錢時Vvn明明未拎完錢就『拍』咁收埋D錢﹐好彩Vvn不怕佢地直說『未找完』﹐佢地咁o既態度點叫人俾Tips俾得落手

。

 

 

我今日係公司映在我枱頭o既擺設回來

﹐有咩特別?? 其實唔算好特別﹐但目的想話俾PY知﹐何解我D同事一個二個見到Dallas都話佢好cute

﹐因為Dallas同我o既合照實在擺係我枱面o既非常當眼處

﹐連Suzanne同Venessa都話：『嘩.. 隻狗你o架? 好cute 啊﹐好似公仔...』呵呵~~

       

        

小禮品

早幾日見到Pauline﹐佢送在哩一隻Woodstock吊飾俾我。

估唔估到黃色一粒粒哩D係咩黎?? 哈... 我諗你地遺忘在佢喇﹐一粒粒哩D係香珠黎!!

細細個時最鐘意將D零用錢黎買文具同精品﹐唔知點解買埋買埋一堆小簿仔﹐但就一張都唔捨得用﹐好似寫一張都好肉赤﹐因為用完就無o架喇

。而哩D香珠﹐就算唔買零食﹐都係要買幾包一次過倒晒落個筆盒到先至覺得『好正!!好正!!』

宜家再見到﹐除在覺得哩D係兒時玩意之外﹐都唔明﹐點解細個果陣時﹐可以容許幾隻唔同味道o既香珠擺埋一齊

﹐其實幾隻味溝埋一齊原來係幾臭o下

﹐因為太俗喇~ 而哩一隻Woodstock嘛﹐就梗係黃色啦﹐所以成隻都係檸檬味﹐哈哈... 見到香珠﹐唔知點解小六年代o既回憶一次過番晒黎。

午睡

曾幾何時﹐覺得中午小睡片刻係唔好o既

﹐因為o岩o岩食飽飯﹐屈住個肚腩會訓得好辛苦﹐同埋﹐哩頭訓著﹐果頭又要起身喇!!

 

 

但近排我‧‧變在喇﹐唔小休直頭覺得周身唔聚財﹐仲覺得如果無訓晏覺﹐咁兩點左右飯氣攻心真係好辛苦

﹐所以每日最少最少﹐都要有二十分鐘俾自己小昏迷至得

。有時唔覺唔覺﹐訓到過晒籠添喎(當然指時間啦﹐而唔係訓到轆在落地下)。

 

 

仲要蓋住件外套扮晒蓋被咁﹐唔蓋訓唔著呢~~ 訓慣在﹐Lunch都唔想出街食飯﹐因為無得訓好慘~~

如果係街見到有人打交﹐你地會點做??

今日睇報紙﹐有個童黨係街活活俾人打死﹐而周圍有好多人睇住﹐但無人施以緩手﹐如果俾在係你﹐你又會點做呢??

 

其實我覺得唔怪得唔出手果個人﹐如果俾在見到人地打交o既係你﹐你係咪真係夠膽出聲叫佢地停手?? 我今日睇到哩段新聞之後﹐我都有問自己﹐如果見到人打交果個係我﹐我又會點做?? 其實我都唔係好肯定﹐可能因為我係怕事一族所以會唔敢出聲﹐而另一方面﹐亦都可能我係被嚇到目瞪口呆而唔識反應。

 

當冷靜o既時候可能大家都會話『有咩好驚??』﹐但我相信如果你突然睇到棍如雨下打係一個人身上﹐你唔驚無啦啦被打埋一份我就唔信o勒﹐所以千期唔好話人地冷血﹐有時真係愛莫能助﹐或者如果大家夠冷靜﹐就好應該行去一個安全o既地方打999報警(即係唔好俾哩班打緊交o既人知你原來報緊警)﹐我相信除非你係Superman﹐如果唔係﹐你隻手又點夠人地水喉、鐵通打?

 

或者當大家比較清醒時就諗定Touch Wood俾我地見到哩D場面o既時候可以做o既o野。當然﹐practice定又唔等於你見到唔驚﹐但希望大家保持適當o既冷靜囉﹐同埋﹐最好我地唔會咁好彩遇到哩D事‧‧‧

最高領導生日快樂

今日係我地馮氐家族最高領導人 --- 嫲嫲o既生日。

 

 

 祝嫲嫲生日快樂﹐身體健康﹐龍精虎猛!!!

開幕禮之‧‧出前一丁麻雀

早排香港美食展覽﹐ar mui 呯嚦拍o勒走去買在一幅出前一丁麻雀!!!

嘩~~ 係咪覺得好靚呢??

仲覺得好趣緻添﹐打果陣都覺得好得意﹐特別係用『出前一丁』代替『東南西北』

﹐而日清o既標誌、清仔隻狗同埋果個麵箱分別代替我地係廣東麻雀裡面o既『中發白』

﹐但我相信你地見到索子都有D R頭﹐黃色係昏暗o既黃色室內燈下﹐少D眼力或者大意小小都會睇錯

﹐佢最相似o既係一索同埋二索﹐差少少就一樣o架喇﹐Cindy (ar mui姊姊)都因為睇錯在而碰錯牌。

 

  <--左面係一索、右面係二索﹐如果眼訓﹐真係分分鐘食炸糊!!!

燈燈燈櫈﹐各位觀眾﹐十三么(設計圖畫﹐即係我執出黎o架啦!!!)-->

 

 

而我哩﹐由於係度不停計『出=東、前=南、一=西﹐丁=北』

咁即係咩我要咩先至有番加哩、同埋一索?! 二索?! 攪到超級分神不停出沖七番、八番牌﹐陰公﹐最嚴重時差D番屋企o既的士錢都唔夠啊!!

好彩大家後尾都 agree換番普通麻雀﹐如果唔係﹐可能打到天光都唔知打完四圈未。

 

 

同場加映 ar mui brother係美國幫我買的Shocking Pink A&F 拖鞋!!

而 ar mui 果對係 light pink o既!! 我之前都無為意﹐原來正如mon mon話齋﹐哩D顏色好draw我attention!!!

 

但係PY對要果對就無貨﹐美國D sales姐姐話可能Leather款係online product﹐shop無得賣哩!!!