同上年一樣﹐幫老細訂在束花俾佢太太﹐依然係搵吳小姐幫手!
原來吳小姐話上年佢同事行得好辛苦先搵到老細間屋﹐佢話係好山卡拉同埋又有狗﹐嚇到佢同事半死﹐所以今年要Quote Call車直接去﹐車費要貴番小小! 不過唔緊要啦﹐今年玫瑰品種唔同在﹐計落﹐Total Cost都係差不多。
我覺得今年哩束o既襯花靚過上年o即。
2010年5月26日 星期三
2010年5月23日 星期日
電腦曾入ICU
上星期‧‧
某晚一點左右‧‧
我已經跟周小姐Shopping去也﹐阿麵番入房玩我部電腦﹐到兩點時我突然醒了﹐就坐起身說了一句.... 『呀.... 你仲玩緊電腦....』然後隱約聽到佢話『差不多喇‧‧』個喇字都聽唔清楚我又再ZZzz 過﹐然後第二朝﹐阿麵就話我部電腦死了!!!
呀!!!!! 佢又玩壞我部電腦?!?!?!
其實非也... 因為電腦其實果晚都已經怪怪的﹐我玩果陣已經行動超緩慢﹐只係我無理咁多而已﹐唔知阿麵話什麼Bad Sector..... bla bla bla..... 其實我對電腦真係唔係太了解﹐以前遇上哩個問題只管大叫一聲『爸爸.... 我電腦開唔到....』然後爸爸就會幫我醫好佢~
好彩阿麵都有點醫電腦手﹐唔知點解好怪的﹐佢自己整o既電腦就係佢手就好地地﹐俾其他人玩就好易死﹐而....到佢一玩人地部腦好易玩死人地部腦
幸好... 宜家都ok番﹐無o野唔見度~~~
2010年5月16日 星期日
四季豆 + 麻婆豆腐
上星期四買菜時見有四季豆﹐係賣菜嬸嬸努力遊說下買在D番黎炒﹐失常o既我唔知點解無將佢地劈開一段段﹐而成條就咁掉晒落鑊度炒。
雞柳購自百佳﹐原來公司附近間百佳D o野都算Ok﹐上次買在兩大塊去骨雞扒先至$15!
另外係麻婆豆腐‧‧用在豬肉碎同硬豆腐 + 李錦記醬料煮成! 仲要俾麵潤在句『肯用醬料咪幾好﹐唔駛堅持到差D連條蔥都想自己種咁滯啦』。(我‧‧
我都算失敗喇﹐係佐敦買o野咁耐﹐都唔知菜檔轉角就係豆腐檔囉﹐好彩同事話我聽我先至知!!
宜家感覺好攪笑﹐N年前係放工去行街﹐宜家係放工去行街‧‧‧市! 果日我同同事兩個係百佳團團轉睇買咩時﹐我覺得好好笑‧‧‧
雞柳四季豆：
先用鹽、糖、豆粉將雞柳醃一醃﹐鐘意的可加少量酒或胡椒粉之類。
四季豆應該要切一段段﹐頭同尾都應該飛在佢。
先炒雞肉然後兜起﹐然後再炒豆﹐D豆炒到七成熟再將雞肉倒番落去再炒。埋尾睇情況駛唔駛用獻....
切記!!!! 唔好學我咁豬唔記得將D豆切開呀!
豆腐：
網上Menu話要用硬豆腐﹐仲要出水﹐出水可以將佢地擺入鑊蒸10分鐘。(果然會有水出架喎!!! 
豬肉碎要用糖、豆粉、豉油去醃﹐唔好用鹽﹐聞說會『那』到D豬好實﹐但我其實唔Sure咁肉碎有無問題﹐Any肥... 咁繼續用豉油啦咁。
開鑊﹐加蒜﹐加豬肉碎炒﹐半熟再加入豆腐﹐再倒埋果包麻婆豆腐醬汁入去煮、兜! (究竟有咩辦法炒肉時唔痴底.... 有無人教下我?!?! 我已經熱在鑊先至落油同埋肉o架喇!! 
煮到收水得似似地樣就上碟啦....
2010年5月15日 星期六
2010年5月13日 星期四
2010年5月11日 星期二
2010年5月10日 星期一
母親節 2010
差不多每年的母親節﹐都會去姑姐屋企開扒地﹐今年亦都唔例外。
早早入到去﹐為的係相會144!
果日我地由沙田撘車去元朗超快﹐35分鐘由開車到落車﹐唔錯! 唔錯! 不過仲要駁Shuttle Bus去姑姐屋企!
一入門口未開場﹐已經有個網吧招呼我地....
唔知係咪哩期掛住睇電視夜Zzzz﹐打足11圈就累足11圈﹐表妹話同我打在咁多年我都仲係咁鐘意俾錢佢駛﹐其實我唔想o架~~
等齊人﹐切蛋糕﹐年年母親節都係唐妹豬蕾茵牛一﹐年年生日蛋糕同母親節蛋糕都差不多係同一個! 不過今年﹐有兩個!
迷迷糊糊地同144溝通﹐哩日無咩映相....
到晚飯時間.... 開餐!! 亦都暫時精神一陣子啦。
好飽....
姑姐話下次去我屋企踩場﹐當然歡迎啦﹐不過.... 要唔好介意全場企位(我地家族都要兩圍o架﹐想唔企位就怪咯)﹐同埋廚房細小﹐煮唔出D咩喎....
2010年5月3日 星期一
新砧板
初初入伙時﹐我地兩個不知就裡﹐是是旦旦買塊竹砧板番黎﹐但早排黃梅天時﹐一個唔該﹐一晚之間勁發 Mo! 明明早一晚仲用過無事無幹﹐然後話變就變﹐第二朝發Mo到好似十年無用過o既一樣。
阿麵上網Check哩個係咪好多人會遇見o既問題同埋係唔係可以清理到﹐都見好多人話用漂白水浸﹐咁我地又試下.... 不過﹐其實我地覺得用漂白水浸都幾驚嚇!
浸完之後﹐無錯D Mo係無在﹐不過砧板浸過o既部份漂到淺色在! 但網上面D人話係咁清潔o架喎...
但我唔係好敢掂曾經浸過漂白水o既部份﹐近日阿麵見發Mo o既跡象係砧板o既頂部出現﹐我地決定投降喇﹐買在塊新o既番黎‧‧
認得佢嘛?? 無錯﹐係惠康賣緊果塊! 交接儀式進行中~
阿麵話連惠康D Sales姐姐都話估唔到哩塊砧板好好賣﹐咁模上手佢真係好有質感o架。
訂閱：
文章 (Atom)