Yo Yo Yo Yo ~~~~ 又一年喇﹐小墨覺得每年寫一篇回顧都好唔錯呀﹐所以‧‧今年繼續啦~~~~
一月番新工﹐回歸TST天下﹐點知番工感覺麻麻﹐仲俾同事冷落﹐成日心思思想走
然後﹐就係我o既小提琴考試喇﹐係腳又震、手又震o既情況下完成在﹐雖然總有錯漏﹐但都叫做合格﹐完成三級考試而成為四級學生﹐但係學費就即刻貴在好多囉‧‧‧
離開公司不成﹐就要努力融合哩間公司o既生活法紀﹐覺得有咩無理都只好盡量消化、接受﹐永遠常在o既道理‧‧包括『一山還有一山高、一海還有一海深』﹐還有比較難聽o既一句『天下烏鴉一樣黑』﹐你永遠不會知道﹐你見工時鐘意o既公司﹐原來埋藏種種不同o既企業文化﹐所以就算走在﹐去到第二度又如何?!
然後‧‧就係搵到一碗油麵了‧‧‧
同油麵一齊﹐係連自己都唔係好相信﹐因為我身邊太多好人喇﹐對我好o既人﹐我都只會諗：『佢真好人呀!!』唔想諗得太複雜﹐因為好多時去到最尾都係最簡單的﹐所以.. 我只抱住我有一個好同事咁諗﹐不過竟然就有意想不到o既效果哩。
本來上年已經諗住今年想去九寨溝﹐可惜一場四川大地震﹐令我除在捐錢之外﹐我唔想當人地痛心去重建時﹐我就係人地o既地頭玩樂
九月﹐水晶離開了公司了﹐我成為我地部門唯一o既一個Admin (or 秘書)﹐身份上好像重要了一點﹐因為‧‧減少了因為 Redundancy而被擺免o既可能性。但‧‧依然係唔忙同埋‧‧依然係危險囉
抖在咁耐﹐十二月我終於入紙重新申請做學生﹐係呀‧‧唔好拖咯‧‧再拖就唔駛戴四方帽啦
好喇﹐差不多喇﹐要等出年年尾先再有大事回顧喇﹐祝大家新年快樂呀!!
