尋日係 iPhone 4係香港行貨出街o既日子﹐由於我有睇Forum o既關係﹐知道好多人都好想買哩部電話﹐有 D人甚至﹐開 Post 話唔明 iPhone 4有乜好要咁樣搶貨法﹐都可以俾人話佢吃不到的葡萄是酸的﹐班 (iPhone) 教徙駛唔駛咁激進?!
我好膚淺的﹐暫時我無意購買 iPhone﹐因為有o既人著實太多﹐做咩要一窩蜂咁去買? 我有 D o野好想跟潮流﹐但有 D o野我好唔鐘意人有我有﹐哩部電話對我黎講係後者﹐我更唔認為 iPhone係咁無敵。
不過... 我唯一唔抵得 iPhone o既係佢勁多衫 (殼) 賣囉。
我諗除在我還是孩童時期睇咁多醫生之外﹐我都未試過一年睇咁多醫生!
先唔好講我睇調理果Part 先啦﹐今年真真正正唔舒服而睇醫生o既次數﹐已經多過我咁多年o既工齡所睇o既醫生總和!
如果被媽知道﹐可能媽會以為阿麵恰我!
星期三那晚﹐天氣不太熱﹐但我還是習慣性的開了冷氣﹐晚餐後阿麵話其實都唔係好熱﹐不如唔好開冷氣啦﹐我話咁是旦啦﹐點知關在冷氣一陣﹐未開窗﹐麵話幫我開番風扇﹐我話：『唔好..!!!!! 唔駛呀﹐唔好開。』說時已遲... 打了個冷震... 過多一陣﹐唔舒服o既感覺開始了.... 啊..... 又病?!!??!
第二朝個頭wing下wing下﹐明明刷好牙洗好面都要放手﹐繼續倒頭大睡﹐十一點幾﹐撐起身去睇中醫﹐因為覺得都唔知睇邊個西醫好﹐齋瞓唔睇醫生無用o架喎﹐咁中醫啦﹐仲同阿珍約好時間係醫師度等 (就係鮑魚團阿珍囉!!!)﹐晏晝番屋企﹐食在中藥再Zzzzz﹐四點幾開始覺得自己發熱﹐越晏越熱﹐六點零覺得唔係好對路﹐發sms問阿珍﹐睇睇佢情況如何﹐阿珍同我一樣﹐急轉直下!
我開始懷疑... 究竟關唔關中藥事? 但我係熱得好跨張﹐我差D想叫阿麵放工撘的士番黎﹐明明竹蓆已經有散熱功能﹐但我仲係好熱o丫!!!! 到麵番到黎﹐佢一拉我隻手﹐佢話『嘩... 咁滾o既?! 快D去睇醫生啦。』去到哩個moment 我都唔敢唔睇喇﹐否則半夜高燒你叫我去急症室咩~ 樓下疹所姑娘探熱﹐39.8﹐嘩...... 我仲覺得最高燒時段已過喇喎﹐咪分分鐘40?!?! 如果咁大個人燒壞腦就真係發神經了~ 番到屋企無胃口都吞在兩條烏冬因為要食藥﹐果下真係會諗... 會唔會死o架??! 但到近12點已經正常番﹐開到眼睇到o野仲有精神沖涼! 第二朝仲可以番工添!
不過第二朝傾開先知﹐阿珍都係咁﹐佢仲慘﹐被佢老公鬧佢做咩唔睇西醫﹐激散晒D菌攪到自己咁辛苦。唉... 我地點知o即... 諗住中藥治根好快D o丫嘛....
近期﹐My Buddy阿珍.... 星期五朝早﹐佢繼續中藥、我繼續西藥...
自從上次公司夏日派對o既菜色被受評擊之後﹐我地成日叫卡路里快快手攪一餐正正正正正o既海鮮餐﹐以滿足大家o既口腹之欲。
拖三推四後﹐終於係上星期五順利舉行加圓滿結束了!!!
一開始我地就打算揀西貢o既六福菜館﹐貴為米芝蓮食肆﹐食物有一定o既水準! 但其實我地係攪o既初期都有點擔心價格太貴﹐大大話話每人$350 o架喎! 有咩 E 郁番黎被麻怨時應該入邊個數?!?!
包在一架24座Van﹐近放工未到五點半已經催促
到西貢下車時﹐都未到六點半!
阿珍見到其中一架遊艇上的星星水泡﹐就話想攪船P﹐但... 阿珍呀... 宜家先攪﹐我怕你10月都未落到水哦~
此乃海鮮街...
六福的廣告...
到喇!!
是日晚餐!!
看不清楚Scale? 沒關係... 給一張看得較清楚的你地睇! 樣樣都唔係細件o架!
味道?! 當然正啦!!!!! 食到我唔記得同碟炒飯映相...
同事叫她囝囝帶了紅酒及白酒來飲﹐我地哩檯飲白酒!
好味歸好味﹐事實上幾碟椒鹽餸令大家『熱氣』上升﹐之後o既星期一番工﹐有幾個都話喉嚨痛!
唔知下次我地又攪乜活動呢??
上星期終於Confirm在造相簿﹐二話不說仲落埋Order添! 星期五收到Email 話已寄出﹐早知就直接寄番屋企﹐咁星期六日時就剛剛係屋企收到喇。
今朝番公司行在好多次出Mailing Room﹐十一點幾先至真係收到個Parcel。
果然Pack得好穩陣喎‧‧
今晚番屋企先至小心翼翼咁映相﹐費是係公司太揚啦。
真身‧‧‧
俾 D 內頁你地睇o丫‧‧‧
不過其實對哩本相簿都有小量o既Comment
1. 顏色有點過深﹐如果我用『濃了一點』可能會易明少少。
2. 封面用白底﹐佢本來有顏色揀﹐不過都係 D 比較深o既顏色。
3. 有一張用黎分Section o既相﹐到放大晒先睇到﹐原來相本身係有點鬆郁懞的。
未造相簿前﹐覺得自己可以拎黎造相簿o既相比較少﹐造在相簿後先發現﹐原來用得著o既相都唔少喎。
經DC Fever 訂有九折!
http://www.dcfever.com/photobook/index.php?main_page=1
Facebook實在太方便喇﹐牛一果日D相Upload在上Facebook﹐就連Blog都懶寫。
記得去年o既牛一﹐我係有番工o架﹐同事知道在之後問我做咩唔放假﹐我話無咩特別事咪唔放囉﹐然後佢同我講：『o希... 好過生日被迫做一D唔鐘意o既o野嘛。』自始...我覺得係喎... 牛一無咩特別o野做﹐Annual Leave又唔係特少o既情況之下﹐放假都唔錯呀! 所以今年生日偷懶了!!!
其實今愜年o既哩一日同平時o既Weekend無咩大分別﹐唯一o既係... 哩日其他人都要番工囉! 哈哈....朝早起身趕住落街食早餐! 無錯... 嘆早餐係一個Hea o既指標﹐所以我極度要求哩一日要去食早餐! 哩朝仲去在新開果間茶餐廳試下添~ 悟... D煎蛋都係另一間好味 D~ 不過佢引入好似翠華奶酒豬一樣o既豬仔飽....
然後番屋企睇電視... 因為我追緊韓劇﹐當然想不停咁睇啦!
後尾下午茶時間出去Time Square﹐我要趁大家仲係Office Hour時﹐去搵Toy Story公仔映相o丫!!!! 不過原來下晝o既海隧都好多車... 塞在好耐... 但藍藍的天... 好靚。
去到喇.. Hi Buzz Light Year~~
不停圍住大量三眼仔映相!! Yeah Yeah~~ 點呀‧‧唔係唔順超呀嘛?!?!
仲有係Time Square Upper Ground o既Toy Story屋....
Oopsss... 馬生﹐點解你會係度唔駛番工o架?!! (註... 我成日覺得Woody同我老細個樣好似。
是晚去在食Buffet... 本來我想去食蠔的﹐不過相公乃不蠔人﹐得我一個食而去蠔吧好像有點浪費﹐唯有去食以蠔為主題的Buffet 啦!!!
悟‧‧好味!
是晚係都要Haagen Dazs蛋糕﹐本來想要A1 o既 puff 蛋糕﹐但... 買唔到。雖然醫師叮囑唔好食凍o野﹐但唔理啦... 食在至算啦~~~
