今朝要Check Out酒店然後寄存行李﹐因為我地要出發去軽井沢喇!
二日一夜軽井沢﹐首先要先去上野然後轉撘去長野o既新幹線﹐無預先睇好schedule﹐只係去到下一班係乜就撘乜!
下一班係11:42am的﹐我地坐自由席、無買指定席。
我已唔記得D網友話哩條線o既便當好味定去箱根果程o既便當好味﹐腦海裡面只有『便當!!』『便當!!』『便當!!』麵只係睇樣已經唔鐘意便當!! 但趕住上車﹐所以佢隨得我揀一個便當上車﹐但其實佢好唔想食。
新幹線o架車o既外型都幾Ok 喎....
開車.... 然後我開飯。
食在個飯﹐一小時車程左右﹐到軽井沢喇!!! 好好太陽、攪到我心情勁興奮!!!! 遠距離望﹐雪山上面仲有人滑緊雪添!!
但冷靜落黎後﹐老鼠拉龜無從入手﹐應該去邊度先呢? 唯有先問問旅遊 Information Centre﹐阿Auntie o既英文又好得o架喎!! Auntie話聽日軽井沢會落雨﹐今日去睇D景點會好D﹐就同我地講﹐個幾鐘後會有一程巴士去白糸の滝的﹐因為最遠已經係哩個景點﹐我地唯有係站附近行o下﹐然後等夠鐘去白糸の滝啦!
無啦啦係駅度Set腳架映相.... 映完又周圍行o下.... 見到有租單車的店。然後走番上站﹐果間便利店.... 有飯糰賣.... 又o趙在一舊。
巴士上﹐只有三個乘客﹐全程都無其他人上落車﹐直至總站。下車後向山方向走一小段路﹐就到了白糸の滝﹐噢... 乜原來就係咁o架咋?!?!
回程﹐去番巴士站﹐同一個司機﹐車我地番去新幹線站度.... 中間終於有其他人上車喇!!
番到去落車﹐係時候租架單車啦﹐否則都唔知係哩度有咩交通公具﹐到有交通公具咩又等好鬼耐。
單車店伯伯仲俾在一張地圖我地﹐又問我地要去邊﹐該怎樣走﹐好好人。
仲俾沿住指示﹐一直走呀走﹐在異地踩單車感覺好得意。
指示踩了十數分鐘﹐已經找到我們的Pension! 跟著因為有粉紅色牆﹐非常易認。Pension主人好好人﹐唔知係咪得我地一對非本地遊客﹐一入門口、打個招呼﹐他就問我係咪Ms Fung喇!
房間乾淨整齊﹐都幾Ok喎!
抖一抖出去再行下﹐踏著單車亂走一通! 以為今晚無甜品了﹐踩踩下單車卻發現了7仔! 正! 不過回程先至買消夜。(天啊... 連火窩都可以在 7 仔買到。)
看著太陽落山﹐我地都應該打道回府了﹐再次經過 7 仔﹐買一些食物先；回到Pension都差不多黑齊天了.... 休息一會就到晚餐時間。
到飯廳吃飯﹐每間房的客人一張檯；喜歡的可以點一些酒或汽水。
有前菜、餐湯、主菜、甜品。 那沙律汁好好味﹐以為是自家製的﹐原來是超市都能買到的紫蘇汁﹐Pension主人還找了一支小 Size的送給我。
飯後回房休息一會就準備沖涼﹐然後晚點去浸一浸溫泉﹐但Pension的溫泉是在裡面關著的﹐出門口看了好幾次都是在使用中﹐等了好久好久.....
浸完以後回房清理埋我在 7 仔買的甜品﹐然後就睡了‧‧‧
沒有留言:
張貼留言