又差不多一年了﹐朋友﹐又到你生日了~~~
尋晚我地去在酒店裡面o既餐廳食飯﹐因為佢鐘意聽哩度個Live Band啊﹐咁我覺得又唱得唔錯o既。
﹐她就在我旁邊昏睡了15分鐘。
仲有飯後店品﹐New York Cheese Cake同Tiramisu﹐我只吃了一口Cheese Cake﹐真不是我杯茶﹐Tiramisu又不是她們喜愛的﹐就各有各吃吧﹐但我還是較喜愛濃酒味的Tiramisu﹐想起了曾經吃過一次超好味的﹐但這個卻不算﹐但伴碟還是滿有心機的。
去年ar mui 生日﹐我們在Amaroni's飲醉酒的一幕歷歷在目﹐永遠記住那杯令我同Bevis暈佗佗的Sangeria﹐好彩今年小墨無再失儀﹐輕輕鬆的飲我的Mint 7-Up同埋Nothing。
雖然正日未到﹐都祝你『生日快樂』啊朋友~
PS: 果然由上面映落黎係比較瘦﹐謝謝Waitress小姐Koren的映相方法推介。
才剛上網﹐就往Yahoo裡鑽﹐明明是想Click另外的一個標題﹐不知何解﹐卻看到了余若薇的交章。
我跟余若薇完全不認識﹐她是那個政壇﹐在那個會議出現我完全不知道﹐究竟她是激進派還是柔弱黨的也不知道(看!! 我就是一個徹頭徹尾的香港人﹐連政治冷感也擁有啊!!!)﹐只記得她是搞政治的啦﹐還有﹐總覺得搞政治的人都比較硬朗。
看到她這段文章﹐突然覺得﹐原來她是這麼溫柔的啊﹐跟我想像中的余若薇是兩個樣子。她稱她的腦裡面有一個『卜』﹐學名是動脈瘤哩﹐她稱她為小炸彈﹐因為只要不爆炸就不會有事﹐反正很多香港人也有這伴兒在腦裡﹐只是知道與不知道的分別吧。不知什麼原因﹐這篇文章令我有點點想知道余若薇的政治方向究竟是什麼。
另一樣令我想到的是﹐人生真是莫名其妙啊﹐如果知道自己只剩下多少天的生命﹐那人會想怎樣過日子呢? 又如果好像余若薇般﹐知道自己有個小炸彈﹐我能不能像她一樣想得輕鬆呢?? 也許‧‧我又會不會都擁有一個小炸彈呢‧‧
張艾嘉的戲﹐一向都很喜歡的﹐但看這戲卻是因為啤梨的推介﹐早於二月份﹐她已經向我推薦這片子﹐最後今日看了。開場時才留意到﹐又一次劉若英 + 古天樂的組合﹐上一次是『生日快樂』﹐才發現﹐原來古天樂都不是只有一個模樣﹐開始覺得他的戲也不賴。
這片在廣告裡任何一個角度都是賣父女情﹐可是戲裡都沒多大說兩父女的感情戲﹐可能是由於小女孩不停換人的緣故﹐因為不停在長大吧!! 連劉若英都不大算是主角啊﹐因為... 她只算是配合著古天樂去演。與其說是講爸爸情﹐我倒覺得說一個在江湖混的人﹐怎樣因為家庭狀態轉變而改變自己﹐還有他的無奈﹐在這方面描述較多。全片不算有那個部份特別感人﹐呃到小墨眼淚的又是死別的位﹐想要我哭的話倒很容易。還有﹐我很喜歡那個最後演已成長的女兒那個女孩的髮型﹐不知如果我也剪一個會不會好看呢?
但我還是覺得此片值得一看﹐雖然... 推介位跟事實是有點出入﹐但,,, 看的出﹐還是很有心思的哩。
我跟他不互相認識(極其量只可以說我認識他吧?)
本來都沒有打算要出一篇Blog來說他的事﹐
但今早看蘋果新聞﹐在說他徒兒的Blog裡寫了點點有關他的軼事﹐
平時有名人、或娛圈人的離去﹐有什麼藝人在Blog裡寫了什麼東東﹐
都不會去找來看﹐
可是﹐這次卻奇怪地把他徒兒的Blog找來‧‧細看﹐
其實知道‧‧看這些會很易動容﹐
因為覺得一個人離開了﹐他平時的一舉一動就不能再重來﹐
但各網友都不停將他的點點片段放上網去﹐
在youtube有很多啊 ~~
說實在﹐珠玉在前﹐很難再有人夠膽像他這樣子報新聞﹐
但希望‧‧他的後輩會努力地把他的信念放在心中‧‧並‧‧傳開去﹐
香港可是很需要他這樣有個性的人啊。
再見了﹐伍晃榮!
問題1
甚麼地方交收？你有多少數量?
答覆
大量, 屯門區交收
問題2
入面有幾多粒米?
答覆
你有冇電子磅? 有既睇下一米幾重自己除一除啦
問題3
冇喎,你計到有幾多粒
答覆
我估點都有1万以上!
問題4
有無金鳳米呀?
答覆
有呀!都係70蚊!
問題5
咁有無雙羊白搭米呀
答覆
有丫!糙米白米紅米都有呀!
問題6
唔知雙羊白搭米可唔可以搭意粉呢?其實你有幾多貨呢?因為我想開一間西餐廳
答覆
搭通粉仲好呀! 我D貨多到開酒樓都OK架
問題7
唔好,你咁西...洋化.....岩晒開西餐廳啦,開酒樓浪費左你既天份
答覆
你係咪買架
問題8
呢排唔係好夠錢我可唔可以剩係買20粒 20粒幾多錢? 有冇直接bid價
答覆
你班膠登仔唔好阻住做生意喎
問題9
我多口吹下水姐,順便格下價,其實我教你一條一本萬利既好計.你將d米一粒粒咁種,假設一粒米生多十粒出黎,你一百包米就變一千,一千就變一萬,如此這般去到一兆包,你仲唔發達?
答覆
咁我2千万賣一包俾你啦,可以賺一兆包番黎架
問題10
有冇谷牛賣?我個女想養^^
答覆
金香牌就有谷牛, 有谷牛貴5蚊
問題11
今可唔可以買谷牛送米?谷牛5蚊?
答覆
送條毛俾你就得, 送米我好蝕架
問題12
巴打，唔好上網搵圖咁無誠意，介唔介意影你個倉出黎？
答覆
影個倉出黎我怕天水圍班c9去搶呀
問題13
我想買一千包呀..有冇得平d?因為我間工廠有好多工人等開飯..可唔可以叫fedix送黎..叫佢搵工場的張就得..
答覆
那一個張?
問題14
我想問米, 邊隻米最岩用
答覆
問米緊係金像啦方力申用佢黎問米架
問題15
我想要酒米,你有冇?
答覆
自己係鼻頭掘啦
無啊~~~ 有人睇完上面個post笑到收唔到聲之嘛~~~
引用自：http://hk.f2.page.auctions.yahoo.com/hk/show/qanda?aID=b7753866
你地知唔知咩叫火星文呢?? 例如~~~
『禾刀唔豬梨趕d mud o羅』
『典解會拱嫁』
你地明唔明白佢講咩呢?? 明白?? 那再來以下的吧。
『唉** 巧煩牙又!!
刀吾豬典解日日刀拱煩****
唉 =]* 又喊喇金日,,
典解會拱嫁?? 1 次個比2條油鬧刀忍到2堂!!
算係拱喇呱 -3-'
其十禾喊刀仲有1個原因架 =] *XDD >3<'
不個禾唔趕出黎** 禾以家開始覺得冇人關針禾喇!!
嗚 T^T"
巧慘哇 **** >_<"』
哩D係我係Forum度見到又覺得好好笑的﹐但我都識睇喎﹐其實只需要按佢個字係咩照讀就得o架喇。 都唔明宜家D學生妹學生仔點讀書o既﹐正統o既中文字唔去學﹐走黎學埋D火星文 如家有小童﹐佢又講哩D火星文﹐都唔知好嬲定好笑啊~~ ﹐仲有果D咩『十卜』﹐唉… 哩D其實好影響佢地學正統o既中文語言o架嘛。
未到!! 未到!! 未到!!
雖然個題目係咁寫﹐但正日未到﹐我地花拉小姐過多幾日先至係大壽日﹐但想大家唔駛兼顧第二日要番工哩一個問題﹐我地安排在係星期六同佢賀壽!! (咁當然可能阿大小姐正日要陪她的招招!!)
人數普普通通啦﹐帶在佢去南山村開飯﹐但破天荒的10人飯只需一小時就完成﹐食小菜o既速度真係快到Turbo咁﹐未足一小時全枱食物已清七七八八。其實一早都預計了那不會早早散場﹐下場去了Karaoke﹐當然離不開order alcoholic drink﹐更少不了一人幾杯﹐但原來還有12支啤酒在後。
唔知點解這裡只有7隻手.... 明明間房應該有10人﹐一人拿一隻出來都好應該有10隻吧!!
後記：
花拉：你今晚真的紅得發紫!!! 玩都是贏的!! 另...你怕招招不能喝嗎?? 不像吧?!?!
JC：別幫你老婆幫的太出面啊!! 應該公公平平的玩才對!!! 哈哈...
朗勞：別悶悶不樂屈屈不歡的﹐希望你只是真的累!!
Bevis：支持你!!
張總：很少見你也喝alcoholic﹐雖然不是鼓吹﹐只希望你每次也可以喝而不是不能喝!!
每日郵差叔叔都拎住一大個郵袋周圍行﹐佢地仲要猶如神手一樣將所有郵件分派去每一座o既每一個獨立郵箱。細細個時住七層大廈﹐果陣D郵差叔叔仲要行足咁多層咁多個單位﹐我宜家有時諗番轉頭﹐都會諗﹐佢地會唔會成日膊頭痛o架哩?!
但係咁喎﹐宜家佢地派o既信﹐其實有好多都唔係必要o既﹐我宜家如果二、三日無開信箱﹐就會迫爆不特止﹐仲D信會爛晒﹐因為宜家D廣告宣傳單張﹐三尖八角的﹐一入到信箱就會頂住﹐再有其他信要入的話﹐一早入在o既就會爛啦!!!
哩度只不過係我兩日無開信箱o既後果﹐哩D全部都係我o架﹐小墨媽同小墨爸果D已經拎開在。哩堆o野最後真係有用o既就只有三張簿紙~~~
浪費紙張啊!!!!
