有人做在咁多年人﹐到今時今日先至知道自己原來係一名大頭妹!
此話何解?? 因為上星期﹐同事做sample check的size時要搵 fit 頭圍的人﹐搵到小墨時﹐度一度﹐她說：『啊! 我終於搵到有人o岩喇﹐人人個頭都唔夠大﹐終於搵到一個o岩o架喇。
再尋日﹐係旺角又睇中在另一頂帽﹐但同Case啦﹐唔o岩戴Free Size o既帽啊﹐又連頭都套唔穩哩~~~~ 哇~~~~~~
下星期就係高比結婚了﹐最後買在條姊妹裙
我本來係無打算特登搵人Set頭化妝﹐但我絕不是係唔重視高比o既大日子﹐其實因為我覺得我地只係配角﹐最緊要係幫主人家手﹐將婚禮攪得頭頭是道﹐我地o既妝容唔一定要攪得好跨張﹐精精神神Sharp Sharp地就已經可以啦；不過... 如果各位姊妹係打算搵化妝師o既話﹐我都會夾埋一份o既﹐睇下我個頭點攪都好o既﹐只不過我無主動地去諗哩一方面o既安排而已。
我‧又‧捐‧唔‧到‧血‧喇。
情況同上次一樣啦﹐又係check血紅素時發現不足﹐但今次幫我check哩個人啊﹐無上次果D咁Nice喇﹐木口木面哩
可以接受捐血o既血紅素讀數﹐男性係13g/dL而女性係11.5g/dL﹐而我尋日係11.3g/dL﹐血紅素偏低﹐有可能係紅血球及血紅素製造不足﹐我最有可能o既應該係鐵質不足；其實以食黎講我應該中晒o架喇﹐哩幾日食在好多肉o架喇﹐但我可能唔係咁好因為我o既習慣影響鐵質吸收﹐人家話唔好飲咁多咖啡同埋茶﹐咁我日日飲咖啡﹐尋日下晝仲飲埋茶﹐想吸收得好至怪啦~~~
唉... 好失落啊﹐點解我咁水皮o架﹐係咪唔食牛真係多D問題 o架呢??
有點點唔開心之下﹐去在玩扭蛋﹐對住Toy Story的機﹐只係覺得唔扭到Shid都算喇
然後再扭多一粒驢仔!! 唉.. 點解總係想扭果隻就無啊... 嗚嗚...
兩度失落之後﹐想搵D o野食發洩一下﹐一係唔講﹐一講就係食KFC啦﹐死咯... 咁食法點得o架﹐思前想後﹐我都係食粟米好喇... 叫油麵自己食雞好喇....
(不過最後.. 都係.. 食在.. 一隻.. 雞翼.. 呵呵呵呵.....
尋日鸚鵡來了香港一轉﹐原來攪到香港反轉!! 反轉了的是葵涌啦!! 塞車塞到反肚﹐都將渝媽同大渝困住了係其中一架由元朗去觀塘o既巴士上面
今日好忙啊﹐因為係小馬同MAmiMamA o既簽名日﹐下午食過Lunch後﹐要先去小馬簽名會﹐嘩... 條人龍長到o丫...
映哩張相o既時候係下午三點未夠半﹐但我拎到o既籌係夜晚7:00pm的
唔可以同馬仔映相﹐咁唯有映佢一張相啦!! 不過話晒未得人同意﹐唯有加D特別效果先至Post啦!! 聽聞最後簽到九點﹐全因天地會要關門喇!! 小馬人氣認真利害!!
然後見有時間﹐周圍悠悠行後﹐就去埋APM﹐打算睇下MAmiMamA的一屋四人。早到在﹐又行一陣啦﹐到六點伸個頭出去望下地面大堂﹐噫... 無人o既?? 唔通真係取消在?? 等多10分鐘再望﹐噢... 依然係無人o既﹐咁應該真係取消在喇.... 臨走落到地面﹐行埋去睇睇通告牌﹐Oh... 佢加了一個貼紙說『取消』... 噢.... 無緣睇下佢地o既風采了....
澳門行o既食食食係仲未完格!!!
我地仲有去官也街果度食水蟹粥、炸鯪魚球(有無發覺澳門周圍都有得食哩個餸?!)﹐我地坐o既枱﹐對面係四個人﹐初初係樹興致勃勃咁又話order蟹、又話蝦﹐點知問完之後﹐佢地order o既o野仲少過我地.... 連水蟹粥都無試。
哩度o既炸鯪魚球就無祥記咁好食喇﹐不過水蟹粥都幾好味﹐佢o既餐牌有分大窩同細窩﹐但個實際份量應該唔差得幾遠﹐另外再order在花甲﹐唔知花甲同蜆o既分別係咩呢...
又到在甜品時間喇﹐其實都無打算食莫義記旦菜糕﹐但經過喎﹐好似好多種味道選擇喎﹐食啊食啊!!
最後我地買在三杯﹐有.. 椰子味、蜜瓜味同芒果布丁!!
買完番酒店慢慢嘆‧‧
靚酒店即係靚酒店﹐茶包係Twinings的﹐仲要係我好想試o既Peach味! 另一杯係薄荷味﹐Oh My God... 薄荷味好難飲... 同埋﹐聞先至有味﹐飲時只有茶味的!!
我地今次去﹐主要係去威尼斯人玩!! 佢做緊Promotion﹐相對黎講平過早前咁囉...
臨走前o既一餐﹐係威尼斯人個Food Court食﹐OMG﹐樣樣都唔好味﹐又唔平﹐又等得耐﹐等到發癲!
咪睇個樣正正常常﹐其實味道唔夠熱之餘仲味道麻麻....
為免太夜﹐我地下晝就開始打道回府喇﹐咁今次o既旅程其實都Ok o既﹐我地又唔會趕住﹐但又試在D好味o既o野﹐唔錯!! 唔錯!!
為慶祝人家小姑生日﹐我地尋晚又出街食飯喇。地點係旺角瓊華的笑笑居樂屋﹐唔知點解好似我地次次都係食日本o野?!?!
早幾日小姑生日正日﹐我send在個sms賀阿小姑﹐我寫道『Hi Hi姑姐仔﹐生日快樂啊! 祝你番工忙極都可以準時收工﹐不管升唔升職都大幅加薪....』我相信好多人都希望可以咁樣喇掛
哩間舖頭我第一次食﹐mon mon之前都黎過開飯﹐我地order在一輪先﹐有蜆、刺身、墨魚丸、Sushi、薄餅、雞軟骨 etc etc ...
味道一般啦﹐餐牌上面有好多o野食﹐但我地怕一叫就叫得太多﹐所以打算落first round order先﹐但... 哩一 round﹐最後係食到尾格...
飯後甜品時間係去在許留山﹐由於一人一碗會真係食唔晒﹐最後點在三個甜品五人分﹐不過好似大部份都係芒果味o既~~~ 雖然今晚唔算勁飽﹐但其實都好夠o架﹐仲有甜點喎!!
祝多一次小姑『生日快樂、青春常駐』!!
