又到嫲嫲牛一 o既時間了﹐今次不去飯堂(奇香雞)﹐不BB蕉! 不打攪姑姐屋企玩大食會﹐打算出外吃生日飯!!!
但要搵抵食飯店一點都不易﹐嫲嫲一向都覺得去飯堂是很好的﹐因為價錢夠實惠啊! 那年代的媽媽級都是這樣的﹐那今次本來我跟渝媽都只想想找找普通酒樓的12人特惠餐算了﹐但姑媽攪攪新意思﹐查到元朗大榮華的菜好像很好味﹐所以就拉隊一齊去啦!! 不過酒樓說﹐訂枱最晚是五點半﹐五點半後一律不設訂枱﹐見係星期日﹐大家都不用上班﹐那大家就來一餐早晚飯吧!
看菜單好像份量一般﹐什麼一隻、一碗﹐看起來只是很少!
但送來時.... 份量多得很呀~~~因為每一碟餸都係一砵砵的!!
我們的碗﹐是雞碗來的! 油麵的至愛呀!!! (嗚... 雞碗﹐我嬲你~~
係大榮華食飯﹐怎可以沒有豬油撈飯哩... 有人食晒碗飯才醒起沒拍照!
席上加插細渝玩雞頭﹐乜宜家D小朋友鐘意o既o野都咁古怪?!
到甜品呀!! 奶皇水晶飽!! 好像比剛才的餸菜更出色!
吃飽飽、結帳、回家﹐才七點左右。今次真係Good Try 呀!
心思思想自己做成長片段好耐的了‧‧
之前曾經研究過﹐但唔成功﹐尋晚再努力!!!
拿上年去南丫島的相來做這個﹐用Windows Movie Maker﹐總算成功在一半(因為只知道點樣出到一條片)﹐可以再研究一下﹐希望可以知更多方法；其實... 即日攝影果Team人係會送﹐但都好怕會唔太o岩心水﹐所以希望自己學識在先﹐用唔著一件事嘛。
Yeah Yeah Yeah‧‧‧今朝Venus通知我﹐佢地已經加在一部份相去佢地網頁喇﹐不過今朝唔得閒睇﹐所以Lunch Hour先至睇!!!
俾住一D你地睇先o丫.... 我好鐘意哩~~~
好鐘意o丫... 好期待快D有得睇多D哩~~~
多謝Venus & Chris~~~
此篇Blog... 大家諗清楚先好睇落去呀... 睇完反胃唔關我事呀~~~
早幾個月﹐無錯﹐係幾個月前﹐某日經過萬寧﹐見到有賣牛乳足﹐當時巴士廣告才剛播了一、兩次﹐印象並不深刻﹐但係Cashier附近見到﹐駐足觀賞﹐加上Sales姐姐竟然撘咀話好多人買﹐咁我心諗：『試一次都不為過吧﹐最多咪無作用.. 試下先。』就係咁﹐乖乖俾錢﹐將牛乳足帶番屋企!
但.... 拎到番屋企﹐擺好之後﹐就一路都係得個擺字﹐Oh ... 一擺就幾個月喇。一直至上星期﹐麵問我究竟盒牛乳足我試用在未?? 我先至重新將佢拎出黎哩....
其實我隻腳﹐都唔係咁大鑊.... 係腳跟比較硬而已...
其實買哩盒o野... 係貪玩居多‧‧
穿上了....
全個過程一個鐘﹐整緊果陣差不多唔記得在﹐不過﹐除落黎要洗o既時候﹐係超臭囉! 係覺得... 究竟用咩化學品『那』我隻腳呀?!?!
一星期後o既今日﹐今朝起身﹐醒起﹐一個星期o架喇喎﹐除在皮膚攪到好似阿婆巢晒皮咁外﹐無咩體現﹐嘩... 如果唔甩皮﹐以後我隻腳都咁巢皮﹐拱典算?! 但去街時﹐其實尋日同今日都覺得隻腳踩到好多垃圾咁﹐鞋拾拾。到今晚番屋企﹐以為屋企個地未吸塵所以好多垃圾﹐點解吸完都仲係咁哩~~~ 然後抻腳板一睇... 喔~~ 原來甩皮呀!!
噢... 希望腳板快D甩晒佢啦...個感覺好肉酸呀... 同埋好似成日踩垃圾咁... OMG
由今年二月開始﹐大大小小映過很多次Pre-Wedding﹐嚇死人嗎?!?! 不是吧?!?!
不過﹐有很多都是免費、小量超勁特價、同埋三輯正式的。
1. 二月：大埔理文府 + 火車博物館 - by Jim Ng (超平試玩價﹐對攝影師來說﹐其實車馬費都不夠)
2. 四月：九龍仔公園 - by 麵 (自家試玩)
3. 四月：青馬觀景臺 - by 麵 (自家試玩)
4. 五月：廸欣湖 - by Andrew Lo (免費、只請了他們飲汽水同埋搶付了他們泊車錢)
5. 五月：馬鞍山公園 - by 麵 (自家試玩)
6. 五月：大埔海濱公園 - Volia Nouveau (真正付錢但不算貴﹐不過到今天相還沒到手)
7. 五月：Studio、石澳、山頂 - Match Frame(正式果輯﹐映完後兩星期攝影師突然離職﹐還好對我們的相沒影響﹐修相睇了三次才罷手讓店拿去造相簿﹐預計八月尾、九月頭有相簿拿)
8. 七月：羅浮宮室內 - 聘珍Coupon Upgrade
9. 八月：大潭 + IFC - by Full Diary (免費)
仲有些想去未去的景點﹐如... 珀麗灣、HKU、CU的天人合一﹐不過... 小墨都頂唔順了﹐投降啦~~~ 除非到十月尾十一月我地未忙死同埋有免費拍﹐否則... 都係無緣的多了‧‧‧
尋日﹐二人又再出動﹐約了免費攝影師去拍照﹐自今日之後﹐我都要舉白旗投降了﹐真係!!! 真係!!! 真係!!! 真係!!! 超熱呀~~~~
今次地點係大潭水霸﹐如果大家識得由石澳去赤柱﹐中間車路會有條水霸的﹐無錯喇!! 就係果度喇!!!
氣勢很厲害呀! 我地好好彩﹐今天巧遇有流水﹐聞說﹐流水不常有﹐要水塘overload先至有機會﹐有很多人去到都只有圍牆一幅﹐乾乾的很像秋天。
水流下來後... 感覺很污糟‧‧
從這裡望出去﹐有一個小石灘。
到我地走到出去﹐係一個彎彎的石灘。
回望‧‧
然後﹐本來走近小溪‧‧想拍些鏡頭...
點知相都未映到﹐就有一家大小﹐去在我後方玩溪水﹐攪到我地映唔到‧‧
激死人啦~~~~
D人咁都有o既... 明明見我地都係剛到﹐幫下手﹐留小小時間俾我地映一兩個Shot先o丫‧‧行下第二個位先o丫嘛﹐佢地係完完全全係一開始就阻住晒我地囉。
然後出番去外邊那扮木橋的地方‧‧
終於來過大潭了﹐安樂了﹐知道哩度係點樣﹐好開心哩~~
然後晚上去IFC拍幾個Shot﹐那很多人都拍過Dancing in IFC的牆....
今日都盡興了‧‧好好玩﹐不過.... 就算想再映﹐唔到秋天都唔駛預我喇﹐我頂唔住喇~~~ 又熱又焗又Girdle又化妝﹐暈了... 
今日有另一個奇遇﹐早上開車去中環時﹐車子去到花園道時突然『卜』了一聲﹐正在懷疑是否爆胎﹐但又見車子正常在駛動﹐那快快手到中環目的地﹐泊好車﹐就下車檢查車子是不是爆胎﹐檢查一番﹐車胎沒事﹐卻臭到車頭有焦味﹐還冒煙哩!! 嚇得我o丫... 急Call爸爸救駕... 爸來到﹐原來是水箱漏水了﹐所以過熱致冒煙﹐麵跟爸爸不停跑左跑右找東西救車﹐然後爸爸把這車子開走﹐留下另一輛給我們用! 還好不是去到大潭才發生﹐否則都不知道該怎樣找人來救命了~~~~ 嚇死了~~~~
今天謝謝Venus及Chris哩。
早排公司Sample Sales﹐因為D辦係值值地錢o既o野﹐所以銀碼有番咁上下份量!! 然後按人頭派俾每一個Dept﹐可以用黎聯誼聯誼!! 有同事建議食海鮮、Buffet、BB蕉、什至離島海鮮團!! 我地Textile Team係鬼多過人﹐佢地就開心得過﹐人鬼比例係1：3﹐佢地提出就開心喇﹐但Details就只得我地幾個『人』去諗。
我地公司一年四個Activities﹐有埋Coach都唔願去o既我地﹐你估下我地想唔想放工先至自己撘車去玩o丫o拿?! No Way~~ 咪玩啦... 所以我地寧願近近地食餐飯好過。不過鬼佬們興致勃勃﹐話唔好食Lunch喎 
約左約右﹐終於今晚開餐!!! 放工俾亞歷士係咁催我究竟點撘車去﹐咁我話撘14號去﹐佢又o依o依哦哦﹐撘的士﹐我叫佢問老細有無得Claim﹐佢又唔敢問﹐喂喂﹐公司已經俾食飯錢﹐私家Activity﹐你仲想Claim錢﹐唔係好係路喎﹐佢話自己夾錢﹐但又講到閃閃縮縮﹐煩爆呀!
去到九龍城尚早﹐同事們話去買D泰國香料﹐頭兩架車一行八人浩浩蕩蕩咁去睇香料﹐我地都佔在人地個舖唔少位哩~~~
然後過去拎枱﹐坐住等!
14個人食﹐叫在12個菜‧‧食飽飽後仲有order甜品。由於哩班同事唔知我係好鐘意一邊食一邊映﹐所以.... 唔敢映咁多...
結帳後老細只需多付大約二百元就打發在我地個胃﹐哩餐都算幾Ok啦!!!
哩餐只係我部門的Textile Team﹐Hardline Team仲有一餐! 我貴為騎牆派人士﹐橫跨兩Team﹐所以.... 下次仲有機會食多一餐!! 不過我希望小食多滋味囉... 話晒我都唔應該食咁多o架嘛。
