住在一晚﹐玩埋今日就要離開軽井沢了﹐要好好感受下哩一個鎮仔先!!
起身食個早餐﹐三文治、沙律、麥片、奶茶咖啡隨意~
其實哩間屋仔都幾思服﹐雖然唔係什麼裝潢佈置﹐但感覺良好! 臨離開前﹐因為另一對香港旅客請了男女主人出來拍照﹐所以我地都請佢地合照一番!
離開了... 離開Pension然後去今日o既旅程! 在街角看見有另一間Pension﹐佢地個餐廳o既view好似更唔錯!
沿住尋日入黎時那條路﹐經過警署、高校﹐再去租單車店伯伯那邊兜過﹐經過時仲大叫同佢打招呼講在句Ohayou添!!! 因為先將行李Keep入Locker﹐我地就唔駛成日托住佢周街走；然後向舊軽井沢進發! 沿途好多店﹐但唔知係佢地平時都係咁定點﹐人煙稀少﹐同埋好多舖都未開! 其中有好多都係婚紗公司黎o架! 不過就寫明星期日放假! 今日天氣比尋日凍在好多。
差不多去到軽井沢銀座；好容易就搵到果間教堂仔﹐好興奮﹐不過原來好細間.... 入到去見到好殘仲有點臭及up味﹐心冷了一半!
附近有個小商場﹐有好多店仔﹐不過靚又唔係、平又唔係﹐無乜買o既意欲﹐其中一間有o野睇o岩﹐但價錢幾貴﹐覺得買一件又著得唔好睇﹐買齊一Set又不菲﹐直接D講﹐好似無印咁o既Feel﹐不過每套要著二至三件先會好睇﹐而每一件係大約萬幾Yen﹐咁... 不如算擺啦... 日本周圍都有果醬店﹐不過我地無喜好﹐所以無買；另加有料廁所﹐覺得無理由得哩一間﹐所以唔去住!
行行下見到其中一個景點『森之美術館』﹐要入去玩o下! 入面係大玩視覺藝術的﹐其實佢都有晒指示你點玩會最神似﹐不過全部日文﹐我同麵只好盡我地o既所能去扮。
玩飽每人仲有一件Cheese Cake送添!
行完出黎﹐本來落雨o架﹐但溫度太低﹐變相落雪花! 但相入面映唔到...
邊行邊睇﹐有幾間貓館﹐仲有專賣龍貓產品的店﹐好Cute哩!! 我係其中一間﹐買在隻貓貓Cushion﹐佢好Cute o架﹐個樣成日笑﹐好開心o架!! 行行下﹐有好多都有軟雪糕賣﹐唔理凍唔凍都要試o下啦!
係時候去搵晏食然後去Outlet行喇﹐本來想試旅遊書上面所指的意大利餐廳﹐但搵唔到﹐咁.... 是旦啦﹐有時旅遊書o既推介都唔係好得咁交關。我地後尾係租單車伯伯店子對面一間叫『高美亭』的度食。係門口睇Sample﹐手指指就入在去食﹐本來咁凍好應該食熱食﹐但店裡面好夠暖氣﹐完全Feel唔到凍﹐所以就試下佢地o既鎮店產品 - 冷麵了!
果真都幾好味﹐D麵又彈牙﹐同埋我叫果份有山藥﹐口感好滑好滑哩! 後尾睇唔知邊度o既資料﹐原來佢地都好出名o架喎﹐咁哩間都算係幾好o既介紹。
食飽飽去還車﹐伯伯手指指示意點解架車攪到一點點﹐實情係因為落過雪花﹐所以攪到成架車都係﹐伯伯... 我唔想o架﹐我地唔係特登o架! 不過你比我地應該更加認識哩一個現象啦。
好喇﹐去Outlet喇﹐最外面係Nike、然後Adidas、然後再睇入面其他舖頭。可能係星期日o既原故﹐好多人﹐人山人海哩! 我後尾買在一對Casual鞋、一件風褸同一個小袋子! 但其他舖頭都無咩睇得o岩﹐阿麵話﹐唔係平好多姐﹐有D香港on sale時仲平過佢﹐唔好做咕哩抬佢地番屋企了!
到天黑黑了﹐係時候要番去喇。
番池袋擺好晒D o野然後出去食飯﹐今晚.... 食迴轉壽司啦! 哩間叫大江户﹐都好好味喎﹐我拎住張Menu黎落Order﹐以懂小小日文o既發音向師傅落單﹐佢個樣好驚喜哩!!
是日甜品﹐櫻花布丁(定燉蛋呢?! 哈哈)﹐我覺得果層櫻花蛋糕類物體攪到個布丁唔滑囉...
沒有留言:
張貼留言