7仔撈麵宣傳大使

一向我都好鐘意食串串魚蛋、燒賣、魚肉翅哩D小食﹐以前要街邊小販檔先有得賣﹐但佢地已經進駐7仔同Ok便利店好耐喇!!!

初初係7仔推出小食吧﹐後尾連Ok都加入戰圈﹐所以已經有好多便利店有小食供應﹐咁當然太細間果D無啦﹐不過其實已經越來越多了。

 

 

小墨好鐘意食哩D小食﹐無論係上面提及過o既串串魚蛋、燒賣、魚肉翅之外﹐仲有司華力腸、蒸飽﹐而燒賣係要落麻油先好味

。次次去張醫師度﹐我都係佢樓下間Ok食番串咖哩魚蛋﹐再飲盒菊花茶﹐唔會肚餓之餘﹐番屋企先食飯都食得落唔會飽晒。

 

 

今晚本來放工番屋企﹐但爛癮o既小墨都係忍唔住約在PY去玩；由於我相信佢絕唔係特登遲到﹐所以我去到佢公司樓下﹐我都無打電話

催佢﹐不過... 小墨個胃就好想、好想食o野!! (但當時我唔認為係肚餓來的。) 佢公司樓下間7仔都幾攪鬼﹐除在有麵包Corner之外﹐仲有壽司櫃同埋美食吧。即係咁... 自覺係哩度買壽司食就真係好奇怪啊

﹐所以我無咁做﹐行下行下﹐去到美食吧﹐問問阿姐仲有無碗仔翅﹐阿姐話賣晒﹐但後面我見有位小姐好好味咁係度玩緊撈麵(我sure係美食吧o既出品)﹐我就走去Cashier問﹐美食吧係咪有撈麵o架?? 佢話有喎!!!! 咁緊係整番個啦!!

 

 

輪到我食喇﹐哎唷.. 本來唔知係唔係好好味o既o野由一個好想食o野o既人食就梗係咩都好味o架啦(你地唔好同我講叫我食米田共啊!!) 當到我係度o雪o雪咁食麵時

﹐有個女仔o岩o岩食晒燒賣﹐望住我﹐佢好好奇... 就出現以下o既對話喇。

 

 

小姐：噫... 乜... 有撈麵食o架咩??

小墨：er.. 係啊... 係果邊買之嘛。

小姐：噫.. 哩隻係咪印尼果隻撈麵啊?? 果隻味道唔錯o架喎!!!

小墨：er.. 我其實唔係好知啊﹐我見人地食好似好好味﹐咁我買埋一份咋。

小姐：er.. 請問哩碗o野幾錢?

小墨：五個半

小姐：買一個好似兩個幾咋...

小墨：o下... 咁... 出街食o野係咁o架啦...

小姐：咁又係...

 

 

無o丫... 咪以為無下文啊﹐大約五分鐘後﹐哩位小姐自己捧住碗麵係我隔離食之嘛﹐哈哈哈哈....

我覺得都幾攪笑啊 ... 又話貴﹐又忍唔住手﹐嘿嘿嘿嘿﹐無o丫... 咁樣阿7仔又賣多兩碗麵之嘛。呵呵...

 

 

其實個人就覺得Ok D o野好味D﹐佢D咖哩魚蛋真係好味到哩.... 哎唷.... 宜家想即刻食添啊!!!

 

 

另外... 有人放工時無咩Mood﹐以為自己有咩唔開心﹐但又講唔出﹐所以搵街去。點不知﹐食在麵之後回復精靈之嘛﹐咁即係話﹐有人其實係肚餓﹐餓到無心機但自己都唔知之囉

。(鬼叫我餐Lunch係 12:30pm 已經完成咩。)

選擇

人的一生不停係度選擇﹐人揀我、我揀人﹐今日Lunch食麵還是食飯﹐放工撘地鐵還是撘巴士﹐睇無線定亞視﹐不停地在選擇﹐但每每選擇在一樣o野就要放棄另一樣o野﹐究竟係宜家選擇在果樣好D定係放棄在o既果樣好D呢??

 

 

咁當然﹐一直以來﹐揀o岩o既有﹐揀錯o既亦都有﹐揀錯o既時間除在唔開心之外﹐最多只可以哩埋被竇喊﹐不停心裡面想住﹐點解自己會咁揀o架!!! 但﹐事實終歸係事實﹐不可能像錄影機咁Play Back再選擇過。所以我都好怕要選擇﹐我負面D﹐唔駛我揀就最好啦!! 但其實另一角度﹐自己可以做主導又點會唔好﹐所以做人真係好煩啊!!!

 

 

確係有D苦惱﹐雖然宜家一條大路擺係面前﹐有明、有暗﹐其實答案都幾明顯﹐係唔知我做咩要係度諗埋一份之嘛。真係好煩啊....

 

PS: 各位唔好誤會﹐我只不過係係度諗緊o野咋...

過早的午飯

做在幾日Reception﹐雖然都需要特殊技能但好老實﹐一點都不是小墨杯茶﹐還好﹐我只係一個臨時員工﹐如果長期o既話你都咪話唔悶

﹐仲好容易被取代添!! 有件收件、有電話聽電話﹐叫人出來領件﹐無人來、電話唔響時其實都幾悶﹐無... 一書三冊o既東周刊我一日就睇晒之嘛~

 

 

但其實最唔慣就係太早食午飯﹐我從未做過一間公司食午飯

係12:00 noon 至 1:00pm﹐但基於哩一個post 係要全天侯有人坐係度﹐所以Reception的Lunch Hour係特別早﹐因為其他人要食1:00pm至2:00pm。回想當年讀書﹐都12:05pm先至放飯o丫﹐宜家12點鬆D就開餐喇。以我早餐食麵包來計﹐真係未有胃口食o架﹐直情係頂住頂住添

。但唔食又怕會餓喎﹐所以成日食剩o野﹐好浪費添!!!

 

 

另外哩度真係好多人行出行入﹐無論係人係鬼都多﹐好似尋日咁﹐無啦啦D Model小姐上晒黎﹐佢要搵o既人Tel List 又無﹐真係R晒頭。後尾問問左、問問右先至成功搵到有關o既人囉；真係玩死。

大渝的合皮扒地

尋日係大渝小姐o既生日﹐無... 一眾朋友仔 + 婆婆、阿姨、細姨姨仲有我哩個大表姨出馬到賀!!!

 

 

我地大渝小姐打扮靚靚Cinderella﹐不停係度拎住條裙轉轉轉﹐好明顯係非常興奮同埋好鐘意自己o既裝扮﹐咁... 扮靚係好多女仔都鐘意o架啦﹐只不過我地大小姐細細個就已經好有哩一方便o既天份之嘛。heehee...

 

大渝好鐘意公主﹐但我覺得佢好似最鐘意Cinderella﹐因為有選擇時﹐佢好似最常係選擇灰姑娘o丫!!!

 

 

佢o既一大班朋友仔哩!!!

 

佢地玩遊戲都好投入啊!!!

 

Gloria!! Happy Birthday arrr!!  (雖然正日未到。)

 

渝媽話D生日禮物係留得的話(即係非食品類別)﹐佢就留番遲下一樣一樣慢慢先俾大渝玩﹐咁都o岩... 一次過玩晒就無晒新意啦!! 不過渝媽... 我拎黎o既其中一樣係餅黎﹐你地要快D食在佢喇!!

又係佢

一子錯﹐滿盤皆落索﹐好適合來形容我。去年三月﹐一個決定﹐攪到今日落得如斯下場﹐我所為的又落空﹐現在真係什麼都沒有了。

 

 

我說的當然是司機哥哥同大豬兩個人﹐我因為大豬﹐放棄了司機哥哥﹐但大豬又放棄了我﹐究竟我係度做緊乜o野。我因為怕令到司機哥哥覺得我煩﹐我已經超過半年無搵過佢﹐我生日佢記唔記得我唔知﹐但連一句恭賀說話都無。係我唔好﹐我係應該一早放棄大豬的﹐只怪自己當時笨鈍﹐以為有機會入主沈家﹐點知﹐原來我始終係一個過客。當大豬有事時﹐就『拍』的一聲﹐放手了﹐為的是什麼? 就是他的豬欄﹐已經有話事女主人﹐除了本來所已經有的一頭豬仔﹐然後再添加新成員。是我笨、真的很笨﹐怎麼我會這樣選擇﹐真係不得而知﹐可能果個moment﹐其實真係很愛他﹐但又如何﹐我並不能擁有一隻完整的大豬﹐仲攪到自己流離失所。自己流落荒山﹐覺得自己可憐那又怎樣﹐是自找的﹐真的是自找的。

 

 

到今日﹐Ling Ling說叫我打給司機哥哥﹐昔日可以叫得動司機哥哥的小墨已經遠去了﹐剩下一個跟司機哥哥已經無特殊關係的我﹐仲要擔心佢嫌我煩、迫他﹐我今日真係非常忐忑﹐要我打給他?? 我跟Ling Ling說的話一點都不假﹐我真係怕了打給他﹐怕他Reject我、怕他發我脾氣、怕他覺得我煩﹐更怕佢其實心底裡希望我快點收線﹐不想跟我說話。

 

 

電話最後是打了﹐猜得到的反應、很不願聽到o既答案﹐終究都是出現了﹐本來計劃好的說話全吞回肚子裡；問候?? 怎說的出口?? 閒聊?? 已經開始無語還可以閒聊什麼?? 一句句的看看如何﹐很不情願聽到的答案﹐很不開心﹐除了眼紅紅﹐我還可以怎樣?? 哭嗎?? 可以﹐但請先卷回被子裡先吧﹐不要給人家聽到、見到﹐不然怎解釋。我很想找個人一、二、三充塞我o既心、時間﹐不要再去想司機哥哥吧。每次聽到有關他倆(司機哥哥跟大豬)的新聞﹐我都是手抖、心亂﹐叫自己冷靜﹐但成功的時候只會係... 見不到他們的時候。

 

 

對。我是胡思亂想的小墨。越不安、亂想的就更多﹐貫徹了巨蟹座的思想﹐多愁善感、胡思亂想。我又跳進了一個胡同裡了...

百佳開始唔派膠袋??

尋日新聞先講﹐話百佳由尋日問始唔派免費膠袋

﹐如果買o野﹐一係自備環保袋﹐一係捐2毫子一個膠袋做善事。我不嬲都好支持減少用膠袋﹐所以都算係歡迎哩一個新政策﹐不過我覺得無論百佳員工定顧客都會覺得哩幾日好難過。

 

 

點解我會咁講呢﹐其實我相信大家尋晚都有睇新聞﹐果D員工每每都要好刻意咁問D顧客捐唔捐錢幫助環保

﹐我覺得捐錢本身不是問題﹐最大問題係態度的問題﹐點解個員工問客捐唔捐錢問到好似要脅咁o既??

 

員工：『請問有無自備購物袋?』

顧客：『無喎。』

員工：『咁你願唔願意捐2毫子幫助環保?』

顧客：『可唔可以唔捐o架?』

員工：『即係你唔願意捐錢係咪??』

顧客：『可以唔捐o架嘩?』

員工：『咁你唔捐我就俾哩一種膠袋俾你。』

顧客：『兩種膠袋有咩唔同啊?』

員工：『哩隻(黃色)靚D﹐哩隻(白色)差D。』

顧客：『咁你地捐埋D錢會幫咩團體o架?』

員工：『er... 環保團體囉!!』

顧客：『咩環保團體啊?』

員工：『er... 要問公司先知。』

顧客：『咁你地如果派完哩D白色膠袋咁點算啊?』

員工：『我都要公司指示先知喎。』

員工：『再唔係我咪唔做囉!!』

顧客：『‧‧‧』

 

同埋頭先我至去百佳買完o野﹐我成日都唔要膠袋就咁用隻手拎住D o野番屋企o架啦﹐點知個收銀嬸嬸又係咁樣語氣問我有無自備購物袋

﹐我話佢知我唔駛膠袋﹐佢仲耍追問﹐你唔要膠袋得o架o拿?

我心諗﹐我都話在唔要膠袋你仲問咁多?!?!!

 

 

由於佢地o既語氣係如出一轍﹐我真係懷疑百佳D人係咪落晒 Instruction要迫人捐錢用佢D膠袋呢??

佢地個概念唔派膠袋係好﹐但老老實實我有hard feeling囉。再係咁﹐我以後寧願行遠D去惠康買o架 !!!

 

http://appledaily.atnext.com/template/apple/art_main.cfm?iss_id=20071122&sec_id=4104&subsec_id=11867&art_id=10448688

上樓Internet

行街o既時候﹐成日都見話上樓Cafe、有漫畫、食物、獨立空間﹐但我一直都無去過﹐某次新聞透視先至講過

﹐有關哩D上樓舖﹐係自成日角到好似自己擁有一間房咁樣。我今日﹐係中間o既空當時間﹐就係銅鑼灣搵在一間落腳。

 

 

本來我係想去Pacific Coffee的﹐因為Pacific Coffee都有電腦任人用﹐但Times Square的Pacific就只得一部電腦咁大把﹐想霸多一陣都唔好意思啦；唔知點解會突然醒起

﹐羅素街度﹐我見過有一間﹐咁所以就上去睇睇。

 

 

上到去周圍都係漫畫書﹐門口有好多雜誌﹐仲有個雪櫃

﹐問佢收費﹐話非會員$22一個鐘﹐心諗『話平唔平話貴唔貴﹐是但啦﹐有地方俾我坐個零鐘又有得上網

仲想點。』佢有D位仲睇到街o既添喎!!! 落地大玻璃啊!!! 不過佢用最新o既Window Vista﹐老老實實我就唔係好攪得佢掂﹐但睇到網上報紙、睇到Blog﹐check埋email﹐是但啦~~~

 

 

以後如果要去張醫師度又未夠鐘﹐都可以去坐下喎。

人家Office裝修靚靚

我實在好少去其他人o既office﹐以前係舊公司好日都唔駛見客﹐所以都唔駛Visit人家的office的﹐所以都唔知原來宜家有D office真的整到好鬼靚。

 

 

今日去在見工﹐佢個Office﹐竟然整到有個位好似水吧咁樣

﹐唔係Pantry﹐係水吧﹐有晒咖啡機﹐好似我地去細Cafe咁樣﹐我都係第一次見啊!! 後尾同朋友傾開計﹐先知原來佢有個朋友o既office﹐以前仲容許辦公室吸煙時﹐係成個Office的中央係會有個吸煙房添!!

仲要有D office更靚都試過。

 

 

我真係大開眼界﹐估唔到原來D office可以咁正﹐真係見識少啊!! 其實我一早覺得哩一間係我同學仔O既公司﹐後尾我打電話問個同學仔﹐哩個地址係咪佢Office黎﹐因為我認得個email address﹐初初諗住唔好打攪人﹐但都真係忍唔住手﹐問在就知原來真係!! 係我填緊表時﹐原來佢仲係我後面行過添；佢話幫我收下風喎。嘿嘿...

幾時到我

尋日係msn見到高比﹐佢話我知﹐佢o既大日字定在係9月7日﹐咁梗係出年啦﹐唔通今年咩﹐神經病。佢請我做佢o既姊妹﹐梗係好啦﹐咁多年朋友﹐咁但係我都同佢講明﹐我係唔會甩底o既﹐除在... 到時有D乜東東考試﹐咁當然﹐如果有乜東東考試的話﹐我會一早知啦﹐所以我係無可能Last Minutes先至放佢飛機。同埋﹐我都唔想放飛機。

 

 

話時話﹐咁鬼快手﹐佢正式拍拖到宜家先一年﹐話咁快就話結婚咯﹐唉.. 我都想啊﹐我都好想一、二、三嫁在咁咪安安樂樂囉。見住D朋友由無拖拍到有拖拍﹐有拖拍到安排結婚﹐點解睇人地都係咁快手o既。而我呢? 我都唔知自己點算﹐無門路啊﹐究竟可以點樣解決哩一個問題﹐我唔想做高齡產婦﹐但無一個我可以相信o既臂彎....

 

 

上星期見到La La﹐佢已經可以明正言順咁叫招哥哥做男朋友﹐如果唔係Starsky佢地一班迫佢﹐佢都未必會將戀情浮面。眼見佢進展唔錯﹐我都好想諗諗辦法﹐我宜家好想可以快D番學﹐希望係學校可以搵到有可能o既Target﹐如果唔係我再咁樣落去都唔係好係路。如果個個朋友一個二個嫁晒﹐唉... 我更加唔知點算好了。

 

 

我開始覺得自己事事不成﹐搵工不成、搵男友不成﹐點算好?? 其實我有諗過我好應該跟人出去飲下o野﹐不過飲來飲去都係Starsky果班人﹐唔掂喎﹐同佢地去簡直就係煲無米粥﹐成班小朋友咁我去黎都無謂。本來都可以叫Perry帶我出去見識見識﹐不過佢今日先同我講﹐Andy同佢提結婚o既事。唉.. 佢又向前行在一大步喇﹐咁我又點算呢﹐如果第時Andy番黎﹐Perry得閒陪我癲o既機會就會大減o架喇。我係時候要為自己諗一諗出路了。

曲傾mama 2 來了

去年買NDS﹐係為在玩Cooking mama為主﹐一年後o既今日﹐終於出第二版喇。

 

 

有一段時間係好少將部NDS拎出黎玩﹐除在臨訓會玩幾次Zoo Keeper之外﹐其實都早估到哩D係有熱潮o既﹐一過在﹐可能就會被打入冷宮﹐但因為早一個月前知道Cooking mama 2 就黎出(因為阿哥哥D Game雜誌有講﹐佢地又俾我睇)﹐所以拿拿林搵番出黎練習練習一下

。同埋... 早個幾星期前﹐要幫標舅父買機﹐佢兩位囡囡話要買﹐咁佢地又有朋友係加拿大番來﹐所以我就要出動幫佢地買﹐而自己亦都重新投入NDS o既世界。

 

 

相比起第一版﹐第二版難玩o既程度倍增﹐唔似得第一版咁好多o野是是旦旦都過到關﹐

同Wii 版o既曲傾 mama相似多在。我地真係限制到佢前後左右參差時會拎唔到金牌﹐所以挑戰度係高好多o架!!

 

同埋唔似得上一次咁﹐哩次哩一個Version係可以同朋友連線玩

﹐同埋佢玩o既速度係真係要快手D﹐如果嫌上次第一版比較慢的話﹐今次哩一個一定非常Enjoy﹐真為慢D手都拎唔到金牌啊!!!

 

 

一陣去練習一下先...嘿嘿... 

日文考試

今日o岩o岩考完日文o既第一單元校內試﹐雖然老師一早俾晒Tips﹐但我都係無好好咁背晒佢﹐我發覺我真係一個唔接受死背書o既人來的。

 

 

猶記得當日讀緊Dip﹐所有要背o既o野我都覺得非常痛苦﹐如果有D Subject係可以用理解o既方法去背誦﹐我係絕不會死記的

﹐因為﹐死記真係好辛苦。但係哩一科日文﹐係唔背唔得。先講果五十音標﹐我到差不多考試才記得晒﹐真係唔到Last Minutes都唔『的』起心肝；同埋上堂時我其實好多時都唔係好sure究竟真無讀錯﹐所以﹐對我黎講哩一科比較吃力。

 

 

宜家有時係度諗﹐咁點算呢? 如果真係肥在咁點算好呢?? 係咪即係阿朗同哥哥自己讀埋佢呢?? 補考難唔難呢?? 會諗好多問題...