Big Day MUA - Candy Lam @ J'Classy

Book完酒樓、搵在攝影、跟住就搵MUA喇。

 

其實我果陣一D概念都無﹐見好多人話哩樣好緊要﹐咁又係﹐一個MUA一日只可以做一單﹐俾人Book在就無o架喇﹐咁我都學人搵在先啦。

 

係完全無頭緒o既情況下﹐見到有位化妝師好似佢o既Style我都鐘意﹐咁問在佢有無期﹐佢話有﹐但我又懶懶閒﹐唔覺得好急﹐又Hea下Hea下﹐到好o勒﹐隔在成兩個幾星期﹐不如搵佢試妝啦﹐點知再聯絡佢﹐有另一個同日o既新娘已經o岩o岩果日試在裝仲Confirm埋! 呀.....

 

然後有小小開始亂亂地﹐心諗﹐真係咁急? 死火死火﹐然後搵到另一個﹐佢有期﹐但其實睇相已經覺得有小小唔對路﹐但講唔出係咩問題﹐心諗﹐試在先講啦﹐就係咁... 就乖乖地奉上我o既第一次試妝....費!

 

果個MUA好攪笑﹐試妝會好似鍾無艷咁﹐一半面咁試﹐佢係好似好有心機﹐不過... 真係怪怪地﹐朋友仔黎到﹐睇在一陣已經頭Fing Fing﹐但當然我會俾佢玩完先至停啦﹐全程試在幾妝幾頭我都唔記得喇﹐去到尾佢句句都話﹐到時就唔會咁、或哩個可以再慢慢睇﹐但... 我地已經打緊退堂鼓啦﹐最後撤賴話要番屋企俾媽媽睇唔Confirm得住﹐最後雖然佢係Email 以唔即時Confirm都可以Waive試妝費黎引我﹐但... 我真係唔係幾鐘意佢o既手勢囉。

 

Candy係我第二個試妝o既MUA﹐佢係佢地公司唔係最出名果個﹐佢地最出名果個Full在﹐其實我打電話去時我真係15/16﹐我好唔清楚自己想點﹐會唔會浪費錢o架?!?! 最後把心一橫﹐唉.... 都約在咯﹐是旦啦咁就試在喇。果日去之前都諗緊好唔好甩底﹐因為真係好擔心唔知自己要乜﹐試在係浪費錢﹐最後無甩底﹐仲試得好開心添~ 因為Candy真係可以做到我想o既o野﹐仲好鬼鐘意﹐不過果個超鐘意o既褂頭係Big Day並沒有出現。

 

其實係Confirm在Candy後﹐睇其他人Blog的我睇到上癮﹐見到網友化妝超Young又靚﹐雖然我好滿意Candy﹐但都有點心郁﹐更靚有邊個唔想﹐但果次試妝經驗令我更加覺得唔需要再考慮其他人﹐講到幾好係人都識﹐但得唔得就全憑自己感覺喇!

 

朝早五點開始化妝﹐無錯...要七點鐘準備好﹐所以要五點開始化妝﹐四點五十分Candy已經係我屋企樓下打俾我了!

 

下晝證婚﹐係男家敬茶後食晏 + 轉妝﹐然後開車出太子‧‧

 

證婚後要番屋企回門﹐回門後去酒樓﹐著住婚紗玩在個幾鐘﹐切埋蛋糕然後換第一套晚裝....﹐Candy知我想再著褂話可以轉多一次妝o架喎﹐係我自己怕唔夠時間所以無堅持著多次褂... 勁後悔。

 

Match In Look....

 

敬酒Look... (我棚哨牙攪到好多相都只係見到棚牙....暈 )

 

送客Look...

 

謝謝Candy!

MUA

我好似一路都未講過有關我MUA呀呵?? 不過有部份朋友應該都知道我其實係已經Book在MUA﹐係早到哩‧‧‧Book完酒樓之後﹐跟住做o既就係搵MUA同埋Big Day攝影師﹐因為場地、化妝、同埋當日攝影﹐人只得一個for一日﹐無在就係無﹐唔似得﹐Book唔到車可以有機會Book到另一架﹐哩間Book唔到花球可以令一間都係咁平咁靚﹐所以一早就去搵喇。前前後後試在三個﹐其實本來係兩個﹐不過Pat Pat痕﹐心有不甘先至試多一個﹐變成前後試三個。

 

 

初初去搵MUA﹐鬼識咩... 杖似自己懂懂地化妝就周圍亂咁撞﹐第一位姐姐仔﹐我試之前﹐睇佢D相﹐噫喂... 佢擺係佢Website o既第一個女仔化得好鬼正喎﹐咁其他都好似正正常常咁﹐就book trial 啦﹐因為哩個之前想試Ami﹐點知問價問期係我問先﹐但點知俾人快我一步﹐早我一日打去Book試妝﹐即日試埋﹐仲Confirm埋添... 走雞啦.... 所以到哩一個就覺得不敢放慢手腳﹐快快手Book。我無搵好多人去睇我試妝﹐因為我覺得係一個好悶o既過程黎﹐就係搵在PY去陪我﹐當然麵係一定要到o架啦。哩位化妝師好得意﹐佢幫我試顏色係每邊面一隻色﹐Sorry.. 我真係唔係好睇到效果﹐佢仲要係無Set頭o既狀態下叫做幫我試完褂妝﹐O咀。到晚裝... 只係眼妝顏色轉在﹐深在DD﹐然後紥頭就係咁二用橡筋紥住就當Set在頭﹐O咀again。所謂轉妝轉頭都係超簡單 + 怪怪地﹐所以試完都推說要番去諗諗﹐夜晚係屋企佢仲send email俾我加Offer俾我﹐但... 我真係覺得佢唔係好Ok囉....

 

 

到第二個﹐搵到佢比較出名的拍檔﹐佢拍檔無期﹐然後就問我試Candy好唔好﹐咁我見Forum都有人講佢﹐咁Book在Trial先啦... 其實去之前15/16﹐我好懷疑係咪自己未搵到自己想點﹐怕試黎浪費錢﹐但最後我都有去試﹐但因為我去到好Last Minutes先決定試埋至算啦﹐所以係無叫朋友陪﹐只有阿麵陪o勒。第二個﹐俾我感覺好好多﹐佢講到好多理論、知識俾我知﹐當時都有傾有講﹐個妝我同麵望落去都幾Ok﹐Set褂頭超鐘意﹐好Cute o架﹐而晚妝方面佢都幾重手(到時應該可以溝通的)﹐佢Set頭真係好唔錯.... 現場睇超開心鐘意﹐所以即時Confirm在﹐不過當時唯一唔滿意係佢果日貼雙眼皮膠紙有一邊貼得唔係幾好﹐但我又衰﹐無即時話俾佢知﹐所以映出黎D相都怪地。

如果嚇親大家就唔好意思呀... 宜家肥、果陣更肥、前面留海D頭髮太短、仲有唔知係咪角度問題、番到屋企睇相係怪怪地的﹐不過我好Sure當時現場睇好唔錯囉。

 

 

明明confirm在﹐點解又身痕去試第三個呢?? 咪就係貼得唔好o既雙眼皮令我耿耿於懷囉﹐另加網友的化妝師化得佢好正又Young﹐仲平過我喎﹐所以心思思想轉﹐仲計晒數如果轉原來只係蝕DD而已﹐化得我Young好緊要o架嘛!!! 但哩個Book Trial都好難Book喎﹐佢期Full + 我咁橋有事前後改在二次﹐由五月攪到七月先有得 Trial﹐今晚終於試在番黎；而今次搵埋我伴娘去幫下眼﹐然後伴娘又叫埋花拉一齊黎睇o勒。

相對黎講佢舖頭比較細﹐頭飾都唔知算唔算多哩﹐咁佢係幾有心機o既﹐不過.... 化完出黎無我期待o既咁靚咁Sharp﹐同埋佢D Set頭功夫麻麻地﹐前面Ok 啦﹐不過後面亂到打風咁﹐無晒紋路。伴娘勁話佢好同埋化得靚﹐對眼係化得Ok﹐不過.... 無我想見到o既o野囉﹐有D失望﹐阿麵後尾同我講﹐都Feel到我無咩心機、唔雀躍﹐我應該感覺麻麻地‧‧

 

 

試埋今次﹐我死心啦﹐點解人地D試妝相可以咁靚咁正呢?? 我真係唔知﹐但上面D相係我用自己相機映o既﹐哩部機映出黎o既Quality去到邊我好清楚﹐如果以哩位化妝師o既手勢﹐我覺得唔需要放棄Candy果D訂去轉落哩位化妝師身上囉﹐不過‧‧如果我唔係一早Book在Candy在先﹐佢中標機會都係Ok o既。尋晚至意外係我竟然可以一試秀和服上身﹐不過原來係好薄o架咋‧‧‧

 

 

因為Candy係唔包頸鍊的﹐又聞說唯美提供o既頸鍊唔多Ok﹐睇黎我下一步就要睇睇D頸鍊喇‧‧