旅程黎到第五日﹐我地係東京停留一晚﹐又出發去遠遊喇﹐今次係箱根!
我地又無睇定時間表﹐又係去到先睇下一班係咩車﹐其實我好恨撘最新型號的VSE50000 o架﹐不過阿麵話無咩分別﹐所以唯有睇到咩就撘咩。不過去到新宿時﹐想搵Counter買飛﹐但果個Counter o既Staff一聽到我地講英文﹐就連招呼都慳番﹐直接俾張卡片仔我﹐指我去專門講外語o既Counter度﹐但望晒成個場都無哩一個Counter喎﹐再走番埋去問佢究竟係邊﹐佢先又指指左、指指右﹐行在好遠﹐先至見到佢所指o既果個外國人Counter!
Sales哥哥問我地買唔買Free Pass﹐因為上網睇過大部份玩二人一夜或三日兩夜o既人都會買﹐唔差在我地啦﹐但撘佢地o既『浪漫列車 - Romance Car』就每人每程加876 Yen；本來最接近果班就快開出﹐但果班車o既型號真係好舊哩!!!!! 我心諗‧‧雖然唔撘最新的﹐都唔好撘最舊o既啦﹐我一手就指去撘一個鐘後果班Romance Car﹐問都無問阿麵! 其實我知佢有D覺得我揀晏一班咪又遲一個鐘囉﹐但‧‧我唔理!!!!
如果早一個鐘就撘EXE30000﹐遲一個鐘就撘Hise10000喇!!
好﹐買好飛﹐我又試心思思要上車食飯盒﹐但麵唔鐘意日本果D雪凍在o既便當﹐所以我陪佢去搵第二D o野醫肚先! 揀在好耐﹐最後去食咖哩飯! 因為... 同場我可以只食沙律﹐留胃食便當!!!! Yeah~
慢吞吞食﹐食到我驚遲到﹐剩番二十分鐘時才跑去入閘﹐我幾驚走車呀! 又映一輪相﹐然後去搵位座﹐係月台上面有家好似係香港入閘後果D商店咁o既係度賣便當﹐我係樹15/16究竟上車買定係度買﹐係度買又驚遲到﹐咁繼續走向車箱﹐但... 哩一檔o既款式真係好多喎﹐係剩番七分鐘o既時候﹐麵叫我係買就快快手﹐我二話不說即衝去買!
果個姨姨明知就開車仲慢吞吞﹐玩o野! 最後揀在個便當叫『杜若』的! 一找好錢就即刻跑番去車﹐日本D車好準時o架! 一個留在係新宿﹐一個去在箱根咁就死火咯。(按：哩個便當好好味! 係我試三個便當入面最好味o既一個!)
食飽飽﹐我地又咁橋在第一卡﹐梗係要映番張相啦﹐前面就係想坐就要早幾個月去Book o既展望席﹐咁正咩?! 又唔覺喎﹐反而仲覺得好曬o下‧‧
食在一餐、映在一餐仲瞓在一覺後就到在箱根湯本喇! 眼見對面月台有架完全不一樣的車﹐究竟係去邊o架呢?
出在閘﹐睇在一輪﹐商店街唔駛咁早行o丫﹐然後毫無頭緒唔知去邊好﹐又唔想太晏番旅館喎﹐點好?! 然後拎個地圖出黎隨手點在一個地方﹐就去『強羅公園』啦! 原來去哩個地方要先去撘登山電車﹐究竟係邊撘o既呢﹐問完一輪﹐睇在一輪﹐原來頭先對面月台的就係登山電車喇! 不過自以為會走回頭路的﹐所以懶醒咁將我地個行李Keep在係箱根湯本o既Locker﹐哩個亦成為我地旅程最呻笨o既一個動作!
撘登山電車去強羅﹐撘撘下架車係會掉頭的﹐好攪笑﹐D車長係要跑來跑去﹐唔怪之得佢地咁Fit啦﹐一日都唔知跑幾多轉。亦都係唔知佢地轉在幾多次後﹐周公急Call﹐我無啦啦瞓著在﹐醒在之後差不多到喇﹐係哩個時候阿麵同我講﹐原來去強羅要撘成四十分鐘o架!
好快就搵到強羅公園﹐亦好快就知哩一個係悶到發荒o既公園﹐原來無o野睇o架! 又或對我地黎講係對牛彈琴啦! (唔識欣賞) 係得一D溫室花園同埋水池﹐D溫室花園仲要迫你行晒先准走﹐Oh My God!
本來我已經想回頭番去『箱根湯本』﹐但阿麵話都黎到強羅咯﹐不如撘纜車同吊車去大涌谷啦! 地圖話10分鐘 + 10分鐘之嘛~ Ok... Ok.... 咁.... 去埋啦~ 點知... 原來佢地車程係就係好快﹐不過完全唔計中間用腳行o既路程囉! 個心越急﹐面口開始唔好睇﹐阿麵話我好似想食人咁! 我梗係急啦﹐網上面D人話如果遲到去旅館會無飯食o架!! 我地去到咁遠﹐計番回程時間唔心急就怪咯。
終於去到大涌谷﹐仲要行上去買黑雞蛋果個位﹐真係心急死人﹐究竟今晚會遲幾多先至到旅館哩.... 會唔會餐飯被沒收哩﹐唉~ 擔心還擔心﹐雞蛋.... 還是要食的! 嘿嘿~ 今日係星期一﹐不過係佢地o既春分﹐大把人放假﹐一個山頭都係人!
到走o既時候阿麵仲想再去『桃源台』﹐仲去?! 我地個行李仲係『箱根湯本』呀! 係咪想今晚係車駅度瞓呀?!?! 聽日大把時間去啦~~~~ 佢無奈跟我番『箱根湯本』﹐去到已經差不多五點半。
等車、上車、開車﹐好快天已經黑齊了! 好彩無去『桃源台』咋! 用心留意車上面下車資料牌﹐網上資料明明話我地個站係漢字的﹐怎麼好像應該差不多的了﹐『仙石原』都到了﹐究竟宜家個資料牌寫果個係咪即係我地要落車的站呀? 我仲係度猶豫唔知點好o既時候﹐阿麵出手按停車鐘﹐然後問司機我地應該落車未﹐司機話要落喇喎﹐咁落啦﹐但.... 哩度咁荒蕪o既?!?!
眼前只有一間什麼高原酒店﹐點架﹐唔似喎﹐180度寧轉面望﹐先至見到我地o既旅館『仙石原品の木一の湯』﹐噢!!! 哩邊先係呀!!!! 然後麵都開始心急驚要照扣錢但無飯食﹐二人跑向旅館入口了!
處理完Check In﹐然後上房﹐仲拿拿林跑落黎開飯﹐點知原來頭先工作人員已經示意我地食下半場﹐下半場係七點十五分! o下... 下場?! 然後番房諗諗下﹐先至醒起﹐係Email裡面佢地好似有問過食頭圍定尾圍﹐我都驚自己遲到所以揀在尾圍o架! 失暈死啦!!
是晚晚餐係一份豚火窩同埋一份魚生船﹐仲有一小碟一小碟的前菜﹐一樣一樣煮﹐好好玩﹐D豚肉都好好味! 但... 食飽後有點漏﹐竟然... 食豚都漏?! 最後佢地仲有甜品﹐又係雪芭!
Book哩間係因為未駛天價已經係自己房有得浸露天溫泉﹐但... 浸前沖涼都係室外﹐哩晚凍到失常﹐要鼓起勇氣先可以沖哩! 但好好玩!
浸完之後去汽水機買罐凍飲﹐無可樂﹐只有一系列同牌子o既o野飲。Oh~~~~ 好難飲呀~
今晚無甜品喇﹐早D瞓擺啦....
沒有留言:
張貼留言