聘珍樓

睇到聘珍樓係真係一個巧合黎的﹐當我地要開始準備去睇場時﹐係觀塘地鐵站見到聘珍的廣告﹐話剛剛開業云云﹐果日我地去觀塘係開飯的﹐臨離開時我地覺得睇埋先走都唔係用好多時間姐﹐所以就係無預約o既情況下上去睇場；睇完哩度都仲有去酒尖旺逛下o既﹐但都無咩邊度係鐘意的﹐一係就個廳三尖八角、一係就樓底超矮﹐過海又免了﹐雖然去APM要行大約十分鐘﹐但哩個Location無論邊一個散席後去邊區都極度方便﹐所以就揀在哩度。

個場自己好鐘意﹐到今時今日都仲係咁鐘意﹐但亦到今時今日依然俾阿媽哦話個場黑﹐我知... 無佢鐘意o既水晶燈o丫嘛﹐係o架喇係無o架喇﹐我地唔鐘意嘛!!

 

基本上都無咩大問題﹐但有樣o野好古怪的﹐佢地個經理竟然係我地未散場就放在工﹐仲要講緊o既係好早o既時段﹐應該係剛開席無耐o既時段﹐但之前佢無提過、佢走又無出聲﹐雖然我張單唔係你開的﹐但個場係你管的﹐係咪應該有更好o既交帶?

 

映相時佢地D Staff 經驗未夠﹐成日問要幾多張櫈﹐其實你如果見到一大棚人仲有外形似Uncle、Auntie或老人家o既咪放四張上黎先囉﹐多得滯就會叫你拎開o架啦﹐駛唔駛不停問呀。

 

最唔鐘意o既應該係上菜超快﹐叫在佢地慢 D o架啦﹐都仲係咁快﹐究竟有無聽人講o野o架o即 !!!!!

 

同埋另有一昂居居事件﹐已經去到敬完酒時段﹐媽媽唔知洋酒擺係邊﹐走黎問我究竟係邊度有白蘭地 (另一無o野呀嘛之作.... 問我都有o既.....)﹐咁我唯有問我後面果位似乎高級小小o既Waitress姐姐D洋酒係邊﹐叫佢幫我最少搵兩支出黎﹐佢叻到搵個膠袋入兩支俾我囉﹐神o架﹐哩個時候打包兩支酒做咩呀!?!?!

見家長

終於來到見家長的一環了‧‧‧

 

 

有些人一開始攪結婚﹐就急急約雙方家長會面﹐我們嘛.... 就Delay到今時今日﹐都唔係有什麼問題攪到咁遲﹐只是大家都沒有問起﹐我同油麵就已經除除安排其他事宜﹐不過沒可能到結婚那天才見呀﹐Any肥﹐就今日國慶來一個午飯啦。

 

 

地點去番我地擺酒的KT聘珍﹐即管試試大廚手勢(雖然日間同夜間大廚不一定一樣)及讓四老都看看我們擺酒的地點是什麼環境‧‧媽媽說... 很中式哦... 對呀... 這裡沒有你想要的水晶燈了﹐也沒有金碧輝煌﹐但就是有一種格調﹐及很夠高的樓底‧‧‧

 

 

點了些點心‧‧但因為始終暗了點及手震﹐很多都鬆郁懞‧‧還是這張最好‧‧

 

 

炒得剛剛好的明太子炒飯.... 不油呀! 炒得好!

 

 

也試了燒腩仔﹐是細件了點點... 如果大件小小、然後大碟小小再加熱點點就更好!

 

 

很奶的楊枝金露﹐我自己只吃了一半﹐很奶... 很少芒果味﹐還是稻香的楊枝金露才像楊枝金露!

 

 

還有桂花糕﹐味道唔錯﹐但如果吃過港景峰Paramita的桂花糕﹐就會覺得那Paramita的桂花味最為無敵﹐不過... 那分店已結業了‧‧

 

 

無啦啦向天花板拍了一張... 很無聊的人呀~~~

 

 

安安全全的見了家長‧‧又攪掂一樣了~~~

聘珍set枱照

哩幾日係網上面搵到聘珍 set 枱時o既相﹐其實都幾靚o架!!!

 

 

 

不過我地都要研究下一D set枱o既位置﹐始終有一兩台係有一半望唔到枱的﹐希望我地o既圍數可以唔開到果個位啦‧‧

 

 

鳴謝小芙飛 @ ESD Life的相片提供。

擇日

尋日去在黃大仙擇日﹐媽媽本來係都要等『阿娘』番來先肯擇日﹐但我同油麵兩個就乾住急!! 因為上網 D人一直都講﹐D酒席好似唔等人咁﹐一俾人Book在就無o架喇﹐但一直都無日期﹐想準備定都無用﹐後尾有契媽幫手﹐check多幾次睇下『阿娘』究竟幾時先係大陸番黎﹐雖然依然係唔知道﹐但有契媽幫口之下﹐媽媽終於都肯去黃大仙搵師傅幫手o勒。

 

 

其實真係無頭無緒﹐搵邊間﹐邊間信得過﹐所以媽媽同契媽係黃大仙廟果個簽品哲理中心行在一轉﹐然後佢地話去邊間就邊間啦﹐我地兩個邊理得咁多﹐最好快快手手有日期咁我地就Ok o架喇。

 

後尾佢地搵到一間係我以前搵過解簽o既謝先生對面(估唔到謝先生越來越In呀﹐宜家用埋電腦添喎!!)﹐講在一大輪﹐吹水吹在十幾分鐘﹐阿師傅竟然話出年無一日得!! 話日日都唔夾﹐我地兩個呆在啦﹐話喎﹐如果平日都會有D日Ok o既；咁小墨媽話不如平日就平日啦﹐無理由唔搵好日﹐跟住我開始唔多好老脾﹐因為油麵媽媽無咩意見﹐除在要求星期六、日之外﹐咁o既然佢咩無咩特別要求﹐盡可能哩D小小事梗係想就佢啦﹐我已經有面黑黑﹐然後就拎住問在酒樓果邊D available date黎問師傅﹐點知check check下﹐師傅又有話唯一有一日非常Ok又係星期六﹐然後開始睇啦﹐又check哩樣check果樣啦﹐就開始講哩日有幾o岩幾o岩﹐除在哩日無第二日好o架喇﹐都唔知係咪佢見我黑面所以先咁講‧‧

 

 

終於結論就話好日係2009年o既12月26日喇!! 擇完日我同油麵即刻飛身去聘珍樓訂酒席喇!!! so nice~~ 我地唔算行在好多間就搵到鐘意o既場喇﹐而D人對聘珍樓o既comment 好似都Ok o丫!!! Yeah!!!

突然睇到聘珍樓

今晚我同油麵放工又去食譚仔﹐去番就我地腳多D o既觀塘分店﹐但係觀塘MTR出閘後﹐落樓梯之時﹐見到『聘珍樓』o既廣告﹐見佢Poster有寫『現已隆重開席』云云﹐咁我地見反正都去到觀塘﹐走果陣又經過﹐所以決定臨走時上去睇場。

 

 

食飽飽﹐係apm閒逛完﹐就向巴士站進發﹐去到創紀第六期﹐就見到樓下有好大個燈箱寫住聘珍樓﹐我地當然就浮上去睇睇是什麼料子啦。由於創紀六期勁新﹐Lobby大得黎仲無人添﹐梗係啦﹐應該Office都唔荒多﹐見到佢好似有間唔知係Starbucks定Pacific Coffee o既物體係角落頭。

 

 

一去到﹐道明來意之後﹐Sales姐姐先請我地坐一坐﹐然後拎D Menu俾我地睇﹐然後Sales Manager自我介紹﹐羅先生好好人﹐不過佢因為對於佢地o既o野已經識背喇﹐所以就如數家珍咁逐樣講俾我地聽﹐帶我地行晒成個場﹐又講邊度有Screen﹐暗中有怖景呀咁﹐又帶我地睇麻雀房﹐佢Reception仲有個三角琴﹐入場可以有鋼琴伴奏添!!

 

 

我地睇完好鐘意呀﹐因為樓底高﹐應該坐得幾舒服﹐新開張先至兩個月﹐樣樣都好新﹐仲有個空中花園﹐感覺無咁焗促﹐唯一唔好o既係佢個台﹐好似有小小側埋一邊﹐但我地覺得哩個都可以接受o既。對於哩度﹐我地都好鐘意。

 

 

不過唔知點解﹐阿羅生唔係好願意幫我地睇日子﹐只係不停叫我地番去睇睇資料﹐擇好日子可以打電話俾佢。o丫... 佢係咪嫌我地20圍太少?!?! 包場俾我地又唔底??

 

http://www.heichinrou.com/grandopen_info_tst.html