今日係最後一日係箱根喇﹐朝早仲有一個Time Slot 八點至八點半無人Book溫泉﹐我地又落去再浸過! 雖然落雨﹐但都要映低哩度係咩樣的。
今次係有硫磺味o既奶白色泉水﹐心入面諗應該似樣過尋日果個啦。
半個鐘好快就過﹐時間尚早﹐我地番房睇電視同食早餐! 阿麵幫我Download在成套老公萬歲﹐晚晚係房都有電視睇﹐嘻嘻~
每日天氣唔好﹐落雨哩! 攪到有點掃興﹐不過都好... 如果今日先至去玻璃之森就乜都唔駛睇喇。Hea到十點左右﹐係時候撤退喇﹐好攪鬼﹐唔駛Check Out﹐就咁留低鎖匙就走得o架喇。
行大約五分鐘就到小王子博物館﹐其實... 成晒成個館都好似無咩o野睇﹐因為佢係介紹作者o既生平為主﹐全部又都日文﹐睇到無咩心機。
行到大約十二點﹐走喇﹐番『箱根湯本』﹐因為睇到三點幾有一班VSE50000﹐我嘰呱鬼叫話一定要撘哩架走；如果唔係因為未幫媽媽買只有箱根先有得賣o既草餅、又唔係因為我想撘VSE50000﹐我地會撘一個鐘巴士去御殿場行Outlet﹐然後撘新宿巴士番去；御殿場番東京都係一個鐘巴士左右而已。
去到『箱根湯本』﹐繼續大雨....﹐先去車站買飛﹐確定有位先﹐然後又到飯餐時間﹐周圍睇有咩好食﹐但無咩係好想試的﹐無啦啦行到一條後巷﹐有家店叫『日清亭』﹐兜在兩個圈﹐好似哩間Ok D﹐所以都係入黎食!
今次其中一位店員係講廣東話o架﹐終於落Order唔駛手指指了....點了一個中華冷麵﹐都好好o趙口﹐彈牙o架! 阿麵繼續佢o既拉麵﹐其實我地個麵係一樣的﹐不過食法唔一樣而已。
食飽飽係時候計算一下要買D咩食物番黎﹐因為媽媽非常鐘意某牌子o既草餅﹐咁我買在兩盒大Size o既俾佢﹐阿麵見我媽咁鐘意﹐諗住唔差得去邊﹐佢又買一盒俾老爺奶奶。然後我地就番站裡面等....
差唔多係時候喇.... 係車站有一間店﹐又見到佢地D五顏六色o既便當! 好吸引呀!!! 阿麵話... 有興趣咪買個上車食!! 雖然佢唔係好鐘意食﹐不過都應承在會幫口﹐我又揀在一個!!! 嘿嘿~~~~
我地睇住VSE50000入站﹐真係好靚哩!!!
『箱根湯本』﹐有機會的話﹐下次見喇!!! 開飯先~~~
黎果程o既便當好味D~
同軽井沢果日一樣﹐先番去酒店Check In﹐梳洗一下再出去行下同埋晚飯! 是晚打算去食旅遊書有介紹的『若狹家』魚生飯﹐哩一晚新宿又落雨又大風﹐極凍! 攪到我部相機入到室內﹐鏡頭都懞查查在一陣。哩間o野麻麻地o即....
佢地有一款大碗飯﹐如果一個人係15分鐘內食晒的話就免費!!!
我見到都有香港人挑戰﹐當然唔成功啦!!
飯後去在搵一間旅遊書有講的100 Yen店﹐行在好尋後終於搵到﹐不過.... 原來唔係100 Yen店﹐而係一間細o既Supermarket! 搵到o既時候﹐我已經凍僵到面無表情了。
是晚甜品... 今晚食兩杯!!!!
沒有留言:
張貼留言