Dallas大解放

我好少跟PY帶Dallas出街玩﹐因為Dallas唔去得大部份o既食店同埋商場﹐寵物禁地哩﹐所以今日先至係我第一次同佢去Cafe

﹐不過哩一間係九龍塘入面某露天茶座﹐我同PY都要坐Open Area度食o野。

 

Dallas go la.. sit arrr!!

  weiwei...Dallas... sit arrr!!! wei wei..

 

各位路人你地唔駛驚

﹐我雙手依然係軑盤上面格﹐映相o既係PY﹐所以﹐你地唔駛怕我在不小心駕駛中!!!

不過Dallas由上車果下開始不停係度叫﹐可能佢見有街去真係太Exciting

喇﹐仲成日走過黎kiss kiss我﹐佢一過黎﹐我真係好鬼驚﹐驚到唔開車哩

。不過佢Exciting到自己撞在埋玻璃幾次!

 

 

哩一份係Main Course以外o既前菜﹐賣相都Ok啊!!

 

中間佢曾經咋咋啼啼偷食餅

﹐如果俾佢Daddy見到﹐肯定打鑊金o既都似。

 

當我食食下o既時候﹐有另一家人帶住好多隻狗來哩一間Cafe﹐同是狗仔一族﹐我以為佢地都無咩特別反應

﹐點知佢地不停係度互吠﹐PY話Dallas其實係驚啊!!

 

 

PY後尾仲陪佢係又一村跑在一段路﹐平時係屋企懶洋洋o既Dallas﹐都即刻索晒氣!!

其實PY都索埋一份。哈哈... 我?? 我當然係開住架車跟住佢地﹐方便佢地隨時走番上車啦!!

 

 

不過偶爾坐係户外食o野、流流汗﹐都很好啊!! 不過我今日有大量o既Dallas牌口水做mask

﹐我一面一頸都係﹐哈哈哈哈...

勁大蝦餃‧‧不過都幾漏

早幾日Lunch老細請食晏!! 去在Mega Box的御苑皇宴度食

。佢D o野好似幾精緻﹐不過有D餸就名過其實Lu。

 

 

La La order在一個冰鎮菜

﹐其實係冰面上有芥蘭﹐咁D芥蘭已經切好﹐不過先得果大約10條舖係度囉

﹐無味道﹐唔特別仲好呃錢。有一個鵝肝卷﹐初初以為食唔出味道﹐後尾o趙到去燒鵝才有味道到

。最大件事係佢o既勁大蝦餃!!! 成個叉燒飽o既Size﹐利害!!

 

不過呢﹐我地幾個食完之後﹐大家都覺得隻蝦餃除在大之外都無咩特色

﹐個感覺係食在一籠四隻o既蝦餃落肚

；但仲有樣o野係﹐佢係大隻﹐不過中間o既涵熟唔透

﹐有四隻要退番俾佢地換過﹐La La話﹐平時正常蝦餃仲好味﹐咁大隻無意思

﹐我都同意﹐同埋食在哩隻蝦餃﹐咩都漏晒唔多想食喇。

 

 

咁點都多謝老闆﹐如果唔係﹐我都未必會去哩間度食﹐當係見下世面﹐試試新o既o野啦。

好趕好趕

今日周圍走﹐一早起身﹐先過灣仔；回家；再去尖沙咀；然後過佐敦；再去太子；然後過海；再番太子；撘巴士歸家；完成一日o既旅程。好忙啊~~

 

 

好耐無慢慢咁行街﹐次次行親都滾水淋腳咁趕到不得了

。點解我成日都覺得好趕好趕﹐因為我成日都偷時間

﹐想係有限o既時間入面做最多o既o野。不過我今日Feel到自己真係開始在調節自己o既速度﹐為自己感覺到點點高興﹐

因為我終於都肯改變喇。

 

 

最近我手提粒電都有點點問題

﹐全日無講過幾多電話就沒什麼特別問題﹐可是像今日一樣講了幾個電話之後﹐佢就怪叫同我講肚餓

；咪以為我煲電話粥﹐我無啊!!

最短果個電話三分鐘以內而最長果個才10分鐘﹐佢已經話無電﹐係咪有DD離譜呢?

我思前想後心諗『算啦.. 個電話又無事﹐買電話動不動千幾二千走唔甩﹐買新電係貴﹐但平過一個新電話好多啊!!

』所以今晚回程前就去Nokia Shop買在粒新電

。好彩我最終忍痛俾錢咋﹐頭先拎粒新電出黎拆電話時就發現﹐原來本來舊果粒已經出現變形

o既情況!!! 仲要好嚴重添喎!!!

好彩咋﹐如果唔係﹐我好可能係下一個係報紙頭條出現﹐話被手題電話爆炸炸親o既香港人!!

 

 

之所以話﹐各位啊﹐得閒就check check你地手提係咪任何一方面都正正常常

﹐如果有問題你地就好快D整好佢喇﹐如果唔係有咩問題時﹐真係有排痛苦啊!!

 

 

更新on Oct 01：

我最終都係決定映相出黎俾你地知究竟舊電係什麼情況﹐因為真係要Alert一下大家。

 

看得出嘛?? 真係『特』在出黎o架!!! 你地偶爾要驗查一下啊知嘛??

 

另外﹐我尋日已經拎舊電去Nokia﹐諗住反映俾佢地知啦﹐點知個Staff愛理不理咁話Shop無人會處理哩個問題

﹐係都要我打電話去Hotline喎﹐唉... D人今時今日o既服務態度真係差啊!! 你收起佢反映番公司咪得囉!