Match Frame 揀相日

尋晚終於都去Match Frame揀相喇。

 

 

咁Final相數一定有加啦﹐係討價還價之後﹐加錢主要買Softcopy﹐同埋買在細相簿﹐可以入晒D相﹐而Softcopy又可以由佢地執番﹐原汁原味D。

 

 

開始睇相時巧遇阿Mic回Office﹐同佢打過招呼﹐但話晒係佢地舖頭﹐我都不便多言﹐本來想閒聊兩句問問佢工作有點點改變有無影響或辛苦晒佢幫我地執相哩D客套說話都全吞回肚裡。但希望對阿Mic黎講﹐工作都係開心o架啦。

 

 

講番D相﹐其實有部份比預期中失望﹐如石澳石灘果邊﹐企好近好近浪果D相﹐唔係Freeman映得唔好﹐而係我o既笑容﹐睇得出係好驚D浪擁埋黎或者太好風而吹到阿麵個頭亂七八糟﹐不過咁﹐如果唔好風又何來大浪果D相哩﹐所以唯有係哩堆入面揀覺得比較好o既一D啦。

 

 

係廠景、石澳、同埋山頂o既景入面﹐其實山頂係比較失望o既﹐可能因為塞車﹐去到都已經好晏喇﹐唔係映得好耐﹐同埋我係三個妝入面比較無咁鐘意o既一個﹐條裙靚就靚o勒﹐不過無在D Ruffles﹐就等於無o野睇﹐不過尋日睇相其實D相都好﹐係未做細執﹐所以有小小大隻妹﹐細執完可能好好多。最意外應該係麵啦﹐平時只見棚骨的佢﹐鏡頭下有大量雙下巴呀!!!

 

 

三個星期後就可以去睇D相執好晒o既版本喇﹐然後再揀邊D入大相簿﹐邊張做細相架同埋大相。尋晚我同佢地拎在三張Softcopy呀﹐其中一張係Studio入面執好在o既相﹐Wowowoo... 好正o丫!!!!

朋友﹐我好開心呀!!!

雖然今晚無參加你地o既晚局﹐但我絕對可以想像你地今晚o既興高采烈!!

 

 

朋友﹐你終於都肯結婚喇﹐我好開心呀!!!

 

 

 

一聽到之時﹐我幾驚會同你撞埋同一個月﹐

因為我黎唔到飲你果餐﹐我會飲恨o架!!

宜家唔單止無問題﹐好高興﹐我仲可以成為你姊妹o既一份子!!!!

 

 

如果你唔介意﹐你有咩要準備時都可以預埋我o架!!!!

Jelly Lens Wide Angle

上星期突然在網上找到一個叫什麼Jelly Lens的東東﹐好似好好玩喎﹐見$20一隻﹐買一隻來玩玩先‧‧

 

 

其實我想要魚眼鏡好耐o架喇﹐我成日覺得魚眼鏡好好玩的哦。

 

 

就是這樣將Lens貼在手提上面。

是有點笨呀‧‧一舊東東就這樣『特』了出來。

在家裡看的不清楚﹐要明天回公司試才知道拍出來的相片是什麼樣子哩。嘻嘻~~

 

 

魚眼鏡我想要很久了﹐只是嘛﹐平常很難有機會用的﹐所以就沒有叫麵買了。希望阿Jan快點添置啦﹐那我大婚那天就可以有用魚眼鏡拍出來的相了。

突然租車了

今晚﹐跟嫲嫲吃過做節飯以後﹐回家途中﹐突然醒起了還沒有Book車的事宜﹐因為其中一架看中了的花車車主﹐其實就跟我在同一個村吧﹐所以其實我常常就想找他出來看看車；最後Call 了他﹐本來他說不在家的﹐要找另一天﹐後來打電話來又說現在可以來看車了。

 

 

看到車子﹐是我想要的種類﹐是比一般的闊落大賓鼠。在家附近兜了好幾圈﹐他還帶我們看看本來想book的那架紅Van﹐然後回到屋村裡﹐談多一會細節便confirm了﹐可是‧‧想Book的紅Van就沒有了﹐但他推介了另一架；既然在外邊Book也差不多價﹐用的賓鼠一般都是3系﹐反而他的車子卻是5系 (車箱比較大、坐的比較舒服)﹐公司性質還是私人性質都沒關係了﹐反正要好端端的﹐或到時有安排失誤的﹐都是到時才知道哩；看那麼多資料﹐大公司又試過有問題﹐細公司又試過有問題﹐反正Touch Wood都沒仇報﹐所以‧‧私人的就私人的吧﹐最少直接跟車主聯繫﹐我可相信多一點他會呵著車子來用。

 

 

又確定多一樣o野了﹐7個月的倒數﹐又準備多一樣o野了。Yo~

幫老細訂花

老細太太今日生日﹐但老細on trip﹐所以尋日臨上機前叫我幫佢訂花。平時老細無咩吩咐﹐無邊『忽』似Assistant的我﹐第一次幫老細買花。

 

 

唔知買邊間好﹐公司樓下間發霉奧斯卡﹐整! 打電話落去問價﹐話電話唔Quote o架喎﹐叫我落去問﹐我心諗﹐俾大老闆見到Office Hour落街攪花﹐唔通同佢講﹐馬里奧(我老細) 要訂花咩﹐short short地。

 

 

上網睇過好幾間﹐但未訂過唔知Quality如何﹐ 當然價錢唔平啦﹐馬里奧話乜咁貴o架﹐唉‧‧老細﹐咁你想點....?! 諗諗下﹐唔係喇﹐不如試試我訂花球果間o丫??

 

 

然後上去Trinice 網頁睇睇﹐打電話問價錢﹐價錢應該Ok 喇掛﹐然後我就順便落埋order；Trinice唯一唔好o既係唔收卡﹐變相我就要過數俾佢﹐(天呀.... 馬里奧未俾錢我o架)﹐然後安排今日送貨哩。

 

吳小姐話今日D玫瑰好靚呀! 睇相都Ok o丫﹐係白花多在小小﹐不過外國人無所謂啦﹐中國人就鏟我上飛天o架喇。希望佢鐘意啦。

 

引用：http://triniceflowers.com/flower_bouquet.htm

+ $8 的迷思

頭先趁阿朗係屋企補緊習﹐我落街食o野﹐屋企樓下有好幾家食肆﹐其實係一家一家的慢慢加到宜家咁樣﹐我成日都話﹐我地屋村好好o架﹐乜都有呀﹐酒樓、百佳、惠康、7仔、Circle K、萬寧、屈人寺、美心、聖安娜、老麥、波仔飯﹐真係乜都齊o架﹐第時搬在就無咁多o野Lu~~~

 

 

我地落街最常光顧o既係一家餐廳﹐嚴格來說不可稱為餐廳﹐只可稱為麵店﹐因為佢飯款選擇少﹐每日得四款快餐飯選擇﹐只是佢係室內有冷氣o既車仔麵檔﹐著實受到我地村民o既極度歡迎哩。

 

 

不過最近發現佢地大幅加價﹐以往一碗車仔麵加凍飲已經要+$6的佢地﹐今時今日變成 +$8﹐變態o架﹐係咪諗住我地無得選擇﹐想飲o野就要加咁多﹐真係猶如上了賊船。所以﹐我已經好幾個星期係佢地度食o野無飲o野喇﹐唔係話我孤寒食份餐+$8都唔肯﹐但我諗諗下﹐由得佢按住我地黎搶﹐不如我直頭唔飲﹐你連果$6都賺唔到我!!

 

 

但食o野唔飲o野又係好唔舒服的﹐所以﹐今朝我決定﹐轉場﹐過番對面果家地頭茶餐廳啦﹐咪一樣食咁上下o野﹐但飲埋凍飲先至$25。

可能會有人話﹐咁樣計你不如番屋企食﹐係屋企食最抵﹐但‧‧我覺得亂咁加價之風不可長呀!

天有不測之風雲 - 好彩一半、仲有一半TBA

唔知我哩D叫好彩唔好彩哩。我第一次行婚展﹐就睇中在佢﹐第二次婚展﹐先至正式Join佢﹐原本初定三月映、然後改到四月、最後五月頭終於映在﹐當相都未睇之時﹐就傳出消息﹐攝影師離職了!!!

 

 

天呀... Freeman無係Match Frame度做喇。

 

 

兩個星期前先至同佢地好開心咁玩在一日﹐估唔到兩個星期後o既今日就收到咁o既消息﹐好彩的係﹐我地D相係Freeman映的﹐唔好彩o既係﹐究竟D相係咪佢自己執番呢??

 

 

雖知道D相由攝影師自己執番先係最原汁原味﹐究竟映o既時候所攞o既角度﹐果個感覺﹐打算調點樣o既顏色呢?? 如果唔係攝影師自己做番﹐其他人未必理解o架喎﹐究竟我D相會點呢?? 雖然Sales姐姐話Freeman走之前已經攪掂在﹐但‧‧真唔真呢??

Freeman﹐你究竟有無執好我D相先走o架?!?! 同埋究竟本來Book在你果D姊妹咁點呀﹐大家都超失望哩。

危機感

很久都沒有在工作上出錯過了﹐入了這公司以後﹐算不算是第一次呢? 平日只消打打Label、安排寄樣辦、收辦、派辦、做佈告表的工作﹐那有什麼大錯可言。可能就是上天知道我越見懶惰﹐所以就安排一個提示考驗給我。

 

 

早前第一次用某Agent新的酒店訂房間服務(公司確認可以用的)﹐第一次的幫同事安排前往總公司交流的機票與酒店。若不是早前這公司前來見面及介紹她們的系統﹐也許不會攪出這門子事件出來。

 

 

我明白是自己的錯﹐同事的信用卡帳戶就在不知情的情況下被入帳了﹐但Trip卻暫時去不成﹐怎麼可以向公司收錢呢﹐唉‧‧‧

 

 

過去個幾星期都跟Agent及酒店方面周旋﹐最怕是未能叫酒店退款、而同事又未能向公司支有關的帳目﹐所以最近心情都很不安。

 

 

我知錯了!! 我會打醒12分精神了﹐可不可以給我一條生路??

早在買呀!!

早排得寶兒提醒﹐趕緊搵珍妮幫手買在哩樣o野!!

紅卜卜的膠袋哩‧‧

 

 

似唔似磚頭?

 

 

Woowooo.... Yeah Yeah~~ 係餅卡哩!!!

 

 

哇哈哈哈‧‧‧

如果唔係寶兒提我﹐我真係唔知o架﹐如果等下次Staff Sale就好似遲在D喇。

原來D餅卡都幾好玩o架喎‧‧

姊妹齊了!!

 

 

多謝晒六姊妹的鼎力相助!!!

 

六人confirm晒﹐Yo~

 

花女有大細渝﹐

 

宜家尚欠花仔﹐

 

有無人選提供??

 

謝謝~

 

好杰的咖啡泡泡

近來公司有個新Project﹐係玩攪泡泡機﹐咩泡泡?? 咪係咖啡o既Cappuccino果D泡泡哩。

 

 

某日﹐因為要做Function Test﹐究竟攪唔攪到泡呢?!?!

同事約翰係是個Project 的Engineer﹐每每他要做Function Test﹐我地都有大把o野飲飲食食o既。

 

 

今次D Cream好杰呀~~

因為除在全脂奶﹐約翰仲加在D Cream去一齊打!! 初初頭一口都覺得Ok﹐但飲多幾口就開始覺得太杰了﹐有D漏呀‧‧

 

 

約翰話﹐聽日有另一樣o野要玩﹐有個手提攪拌器﹐話要打華田﹐其實有時飲得太多﹐有D驚肥呀。

Buffet @ Harbourview Hotel

珍妮生日明明在四月份的﹐但我地最後係拖到五月先至食生日飯。

 

 

選擇Harbourview﹐全皆因哩度唔太嘈﹐可以慢慢細細的聊聊天。

食物種類一般﹐但絕對試晒都飽在咯。

 

 

傾到近10點結帳離坐﹐四周食客都已經離開了﹐我們都打道回府了。

 

 

珍妮﹐補祝你生日快樂呀!!

慶祝Mother's Day!

星期日﹐去在姑姐屋企開扒地﹐又近端午節喇﹐年年母親節都係包糭o既好時節。

 

 

認唔認得隻手呀?? 唔認得?!?! 你地係咪咁呀﹐話晒都係我個Blog﹐就算估都估係我隻手先啦!!!! 真係我黎o架﹐係咪有板有眼哩?!?!

 

 

唔信?!?! 咁睇多次o勒!!

嘻嘻!!! 真o架哩!!! 不過... 我都唔知哩兩隻糉最後落在邊一個個胃Lu~

 

 

各人努力包糉中‧‧

 

 

哩一日﹐我其實係唔得閒慢慢玩糉的﹐因為﹐我同麵要同寶琳兩姊妹攻打四方城。

明明輸到杰一杰﹐最後同寶琳血拼!!!! 結帳時﹐竟然奇蹟地有贏喎!!!

 

 

今日除在係Mother Day﹐仲有因為係豬茵的生日扒地。Half Half 蛋糕一個!!

 

Happy Mother Day & Happy Birthday to 豬茵!!!

媽媽選衫事件簿

為什麼這篇不是在『墨麵囍事 - 準備篇』裡?! 因為... 其實我是想說﹐平時我總愛說﹐除了樣子﹐我跟媽不大像的呀! 可是嘛﹐在某些地方我總得承認承認了。

 

 

最近媽媽終於肯開始看看她的禮服﹐不單止開始﹐仲第一次自己睇就出擊俾埋錢落訂造衫添!! 媽媽好勇呀!! 夠擔第一次睇仲要係金都﹐未睇晒其他就Book喇﹐仲要番黎先至話我聽添。無緊要﹐其實佢鐘意同埋靚係最主要﹐不過我最怕係佢未睇清楚就訂﹐怕佢未睇晒D款就造﹐再搵到更好的會飲恨姐；同埋金都果D店﹐個形象唔太好﹐可能因為太多黑店Feel﹐唔到我唔擔心啦。我同媽媽都是愛獨行一族﹐我地自己一個行街買衫時最易遇上自己喜愛的東西又會買了回家。

 

 

第二個事件就係﹐她亦買了另一件衣服也是希望我結婚那晚穿的﹐可是這裙我就不大喜歡﹐因為跟旺中姊妹裙差不多﹐只是長小小和深色而已﹐老實說﹐跟媽媽當晚的身份不大切合﹐那些用料﹐也未免差了點吧?? 我覺得這些料太薄了﹐還有點爛爛地的感覺。可是我也不夠擔直接在家指出來﹐因為她有點點興高采烈的來給我看。我回答的也許也嚴重了點也字詞差了點﹐還好她還只是注意到我不大喜歡。其實有時我地的對話都『非常婉轉』﹐幸好﹐其實大家都明白那意思﹐而且﹐我地都直覺對方會推介埋D對方鐘意自己卻唔鐘意o既o野﹐所以我地每每同第三者傾計﹐講開對方時經常出口都有一句『o希‧‧佢都唔聽我講o既﹐哎o也‧‧我俾佢激死喇講佢又唔聽。』

 

 

其實我地都真係幾似o架﹐只是我多了一點點爸爸的性格。

Match Frame Photo Day

終於都到喇﹐終於都映到喇!!! 今日我地終於都完影在Match Frame o既Pre-Wedding喇!

 

 

我地o既行程係去在石澳同埋山頂﹐石澳有映石灘景亦都有映沙灘景﹐但無濕裙啦﹐而山頂就係最高果個公園﹐因為塞車原故﹐映少在公園o既日照﹐而變相有幾張維多利亞河o既夜景!!

 

出發!!     

 

 

今日精神唔錯呀﹐我仲一大早去食在份早餐 + 飲杯黑啡去水腫添! 加埋尋日去按淋巴﹐今日狀態都算幾 Ok!!!

開始化妝喇‧‧

 

 輪到阿麵啦~~~

 

 

Studio入面‧‧‧

 

外景‧‧

 

哩張只係出自我地o既小DC﹐唔知Freeman映o既會係點o架哩。

 

要兩星期之後先至可以睇相呀﹐哩D相都係我地問過Freeman我地可唔可以自己映花絮而拍的﹐自然無Tune色亦都無幫我減肥啦﹐我好希望快D有相睇哩。

Follow Up - 大快活大玩具事件

尋日朝去開葵涌﹐順便將上次洗衫、洗袋D錢o既單交番俾大快活。

 

 

陰公﹐個袋洗在我$350呀! 加埋的士同洗外套﹐Total $460左右。

睇番日期﹐原來事發日同我拎單去o既日期﹐剛剛好一個月。

 

 

佢地曾經找公証行聯絡我﹐我仲懷疑佢地會抵賴唔賠﹐但尋日我一俾單佢地就好順利地即刻拎錢俾我。

 

 

算係咁啦﹐都Ok o架喇﹐個袋都洗得算唔錯喇。果朝行入大快活時我未食早餐o架﹐不過我真係有陰影哩﹐所以去在第二間食﹐無再幫襯佢Lu~

你要加油呀!

麵!! 你要加油呀!!

 

 

仲有兩次﹐你戴多兩次con就唔駛再戴o架喇。

 

 

加油!! 努力!! 加油!! 努力!!

 

 

我知對唔戴開 con o既人黎講係好痛苦呀!

 

 

特別係你一向都覺得搵o野篤入隻眼好恐怖﹐

 

 

但‧‧仲有兩次﹐

 

 

忍耐呀!!

用埋張Coupon先

聘珍送o既CDL Coupon﹐最後我地都有用﹐尋日終於都去在Book期﹐最終都係加錢Upgrade在﹐宜家Book在七月頭映相。Upgrade在﹐就可以係Weekend或Public Holiday揀衫、映相同睇相﹐唔駛下下都平日請假去。今年D假要好好計算至好用呀。

 

 

本來我有興趣映佢o既特別服﹐即小鳳仙﹐中式造型(當然要加錢啦)﹐但阿麵唔鐘意﹐因為如果映就佢都要著﹐但佢係超級抗拒自己著起唐裝衫哩。

 

 

我地本身映o既Match Frame﹐主要係Outdoor的﹐Snapshot D﹐自然D；而四大(即果四間大的連鎖店)﹐就有廠景﹐同埋大部份都望鏡頭囉。兩種唔同風格都有D﹐都Ok o既。

自家玩Pre-Wedding之馬鞍山公園

尋日去在馬鞍山公園映相。

 

 

自從哩兩日o既出動﹐先至知道﹐原來太好太陽去影相﹐係靚... 但亦都超辛苦﹐因為太陽伯伯不停係咁曬﹐隻眼好辛苦﹐開唔到咁滯﹐二來﹐我地會曬到燶在! 然後﹐開始收太陽時﹐太陽光開始變得好黃﹐以我地兩個哩D『阻街級』o既攝友﹐已經攪D光唔掂啦 !!

 

 

個花球靚係靚﹐但‧‧似乎個Size唔係好o岩我﹐我諗我都係襯細細個果D多D﹐所以又收窄在我可以選擇花種同Size的範圍了。

廸欣湖

尋日我地約在一個攝影師去玩映相﹐地點係廸欣湖。

 

 

時間好早﹐因為話晒五月一日﹐大陸又放假﹐所以想早D去開始﹐亦早D影完唔好同人迫啦﹐有幾早?! 早到人地未開門我地已經係門口等佢開門。

 

 

第一次黎廸欣湖呀﹐果然好歐陸﹐好好Feel。

圍住個湖﹐其實有繞道的﹐但因為今次有Andrew幫我地拎機﹐我地無特登自己拎影機出去喔。

 

 

我地相約o既時間係朝早八點半﹐自以為可以早D去映又早D可以離開﹐點知去到公園門口﹐人地未開門﹐好彩我地都未食早餐﹐所以邊等開門邊食麥噹噹。

 

 

哩度就係睇人地D相時好著名o既藍色小屋喇。

 

其實哩一間係7-11。

 

 

我地o既午餐。無法子啦﹐哩度只得一間七仔獨大﹐我覺得好應該引入埋Circle K囉。有雪糕食嘛。

 

我今日仲巧遇Annie﹐當時我地係其中一個位玩﹐玩完之後打算離開﹐點知已經有好多人向我地個方向望埋黎﹐突然俾我見到﹐前面哩個女仔好熟口面喎﹐然後我就大叫『Annie~~~~』﹐我地係無理我地o既男友就即刻跑黎相會喇!!! 好開心呀﹐見到熟人特別開心呀!!! Haha‧‧‧

 

 

我今日著在兩條裙﹐一條係已經一早出過場o既白色婚紗﹐而另一條之前係囍情買o既銀灰色裙今日都出場喇!! 我玩在一日﹐好鐘意條銀灰裙呀﹐風又吹得起﹐個感覺好公主呀﹐好埋好輕鬆﹐可以跳下跳下﹐同埋Andrew都叫我地自己玩﹐總之尋日玩得好開心呀﹐仲曬燶膊頭添﹐哩次大鑊喇﹐哈哈哈哈。

夢﹐有時都很嚇人的

噢‧‧早晨呀各位﹐無錯呀﹐我剛剛先至起身﹐攪咩一起身就打Blog呢? 因為﹐個夢真係嚇死自己。

 

 

我尋晚發夢﹐見到自己結婚果日都仲要番工﹐放工著住件褂周街走﹐但唔知點解條街仲有幾個新娘同我一樣喎。去到酒樓﹐已經見到有人係樹打麻雀﹐但個場三尖八角又多柱﹐仲有成四、五個Backdrop添。酒樓經理話﹐已經留起其中一個Backdrop俾我﹐但我Book在Backdrop果間公司仲未黎佈置喎﹐已經六點幾喇。打俾佢地﹐先話 on the way﹐七點幾會到﹐咩話?! 七點幾?!?! OMG~~~

 

 

然後行埋去其中一張屋企人打緊o既麻雀枱度﹐先醒起﹐有一堆親戚未派帖呀﹐死咯╴即晚點來飲呀?? 然後又諗起﹐我一堆朋友都無派帖呀﹐哇呀~~~ 然後見到個場雖然三尖八角﹐但好似好多位喎﹐我突然少在咁多人﹐多在咁多位﹐點算?!?! 哎o也..... 然後就醒在喇。

 

 

我諗發個咁o既夢係因為自責﹐結婚D o野好似無咩進展﹐其實哩個時候無咩進展係正常o架喎﹐我要Book o既o野又差不多Book晒﹐係未攪帖同花車囉﹐但哩兩樣的話就仲有時間噢!! 喔噢~~~

 

 

今個月係攝影月﹐希望今個月真係可以成功地映到Freeman果輯﹐同埋趁天氣好﹐可以同阿麵哩度去、果度去咁映相。Freeman果輯就下星期五﹐而下星期一我地特地請假Join在另一輯﹐所以下星期我只需要番三日工咋。

 

 

我仲有好多地方都想映哩。