Asador Mediterranean Grill & Bar

星期六晚﹐係荃灣行完街(無錯﹐Shopping二人組又出動)﹐搵飯食﹐啤梨(PY)話佢曾經係葵芳某餐廳食過飯﹐好想帶我去試試﹐因為佢覺得間餐廳環境唔錯。

 

哩間就係Asador﹐可能某D係葵芳附近住或者係附近番工o既人都識得佢都未定。其實我好鐘意食Set Lunch或者Set Dinner﹐點解?? 可能因為樣樣都有﹐有湯、有麵包、Main Course、甜品、餐飲﹐好完滿o既一餐飯。

 

有麵包食不特止﹐仲有啤梨好鐘意o既牛油同小墨好鐘意o既橄欖油mixe黑醋。還記得某次Bevis想買黑醋﹐唔知宜家買到未呢?? 除在哩D﹐仲有蕃茄粒同埋鵝肝醬﹐但鵝肝醬都不及我的黑醋好味﹐Yeah Yeah~

 

Main Course樣子都很不錯﹐味道也不懶啊!!

 

由於餐廳沒有清水供應﹐問我們需否點些喝的﹐啤梨只點了檸檬茶﹐但小墨就點了這樣的一杯東西。啤梨試了一口﹐卻不住的說像藥水味﹐什麼藥水!!!! 這是小墨非常喜愛的Mint Seven﹐見到隔離枱有人喝我才知這餐廳是有這個東西喝的!!! 雖知道有很多地方﹐有薄荷酒卻不一定有Mint Seven啊!!

 

結尾當然是甜品哩﹐我已經忘了啤梨點的是什麼東東... 我的是Tiramsu﹐但不夠酒香味哩。(我什麼時候變了酒鬼?!?!)

氣氛也不錯﹐還有人彈結他為每一枱人唱歌。本來都不大流意他們唱的是什麼歌﹐直至他們為其中一枱人唱了『月亮代表我的心』而引來大家的注意。

 

這一晚感覺很好啊!! 只是如果想來吃的話﹐我要大費周章的特登坐車來這一區哩。

 

PS：由PY轉為打啤梨是因為她的一句『啤梨同小墨是可以傻更更的﹐但叫回正名就變回精明一族啊。』放假當然想傻更更o架啦!!!!

 

地址：新都會廣場4樓488-490號

電話：2487-4688

自尋煩惱

其實我都已經停在手﹐無好努力咁日日search JobsDB﹐或者咁講啦﹐覺得﹐留係度做可能係天意﹐咁.. 咪睇下留係度耐D又會點。

 

 

但世事o既o野就係咁o架喇﹐你唔去搵機會﹐機會可能就會自動自覺黎搵你(如果連有無拖拍都係咁就好喇)。突然之間﹐一個上年十月見o既Agent搵我﹐話佢有好介紹﹐問我諗唔諗；有一間公司﹐我三月頭send信﹐佢宜家打黎叫我去見工；另一邊相﹐一間已經三個幾月前send o既Agent突然又會打來﹐話有份工可能會o岩我﹐叫我上去Register。咁我明﹐register同o岩係兩回事﹐但真係咁橋囉。

 

 

果間十月Register o既Agent﹐有份Admin介紹﹐我心諗『乜又係Admin啊﹐家陣咩事啊﹐乜我真係咁o岩Admin咩。』但既然有介紹﹐睇睇又何防呢﹐所以星期五放工上去見見﹐先唔講 Job Description﹐講福利吧﹐20日大假﹐mpf公司供10%﹐5天工作﹐一般福利齊全﹐聽到都真係流口水o架﹐不過... 做唔做一份工係唔應該以哩D黎做決定o既﹐我係度mention只因為真係第一次見有工係20日年假﹐你都咪話﹐拎D假黎考試都好正啦。咁至於個Job哩﹐咪同當日黎哩間公司說法差不多﹐不過﹐佢就好明確咁話確實係有Company Procedure﹐同事要照跟黎做﹐同埋我地o既客係Corporate客﹐絕唔係一般小公司﹐因為小公司係唔會用得著佢地o既Service o既。

 

 

聽Agent講﹐我星期一好大機會需要去2nd In﹐叫我準備一下；以小墨一貫o既性格﹐哩兩日梗係要諗下﹐如果真係請﹐咁做唔做呢? 究竟留係度好定又過艇好哩﹐哩D一連串o既問題都令我好煩惱﹐我有諗﹐如果Title一樣﹐佢又真係可以高D人工﹐咁我一來睇錢份上﹐二來﹐同一個Title可能係唔同公司會有唔同發展呢﹐同埋﹐如果我個Background真係咁適合做Admin﹐我係咪除在Bachelor之外﹐係咪要整番個Company Secretary Course呢?? 但真正如何﹐真係無人會知。當然﹐我有問不同人o既意見﹐但無論點問﹐都唔會有一個最完滿o既答案。

 

 

煩惱中~~~~

Dallas 嘆到暈

看來我同Dallas都係特別有緣﹐佢好鐘意跟住我喎﹐佢用隻手拍下我﹐我就會係佢肚仔掃來掃去﹐掃到佢嘆到不得了。不過佢唔係太肯跟小墨媽。

 

 

自從PY話我知﹐幾時佢係唔鐘意、幾時係無奈、幾時係開心笑﹐我開始覺得﹐原來我都識睇o架喎。下面哩個係笑啊!! (附加小墨眼訓中的懞豬眼一對。)

 

你地睇下佢﹐訓到咁都得喎 ?! ~

 

近來Dallas對住佢mom﹐成日係度胡。今晚PY買在新糧﹐大小姐Yap Yap Yap o趙得好爽﹐但我隔住個籠望住佢﹐佢無啦啦係度胡我﹐跟住我同佢講....

 

(一)

小墨：『胡胡胡﹐胡咩o即。你唔駛擔心喎﹐我唔食你D糧o架﹐我食壽司o架嘛。』<-是晚PY + 小墨的晚飯在元氣食!

(二)

小墨：『喂喂﹐你聽唔聽到啊﹐警告你唔好再胡喇﹐咪下次我唔同你mom去買糧俾你食o架。』

 

不過今日有人買錯在﹐想買雞肉味﹐但拎錯在菜味喎~~  (Vegetarian係咪形容為菜啊 ??)

衝上雲宵

 

現今o既電視節目﹐其實真係唔多好睇﹐毫無吸引力啊﹐連我哩個係又睇唔係又睇o既電視精都吸引唔到﹐D編劇真係要再進修啊!!

 

上個月﹐突然係now度發現『衝上雲宵』﹐原來now會員就可以免費睇﹐隨時睇又得﹐突然睇又得﹐正啊!!

 

當年哩一套戲﹐我錯過在頭果幾集﹐有D部份係一直都唔知究竟佢地有咩o野前因後果；但論到我今次睇﹐一睇又試一發不可收拾﹐唔停得手哩。不過﹐千期千期﹐唔該TVB唔好拍第二輯﹐我唔想佢玩殘我心入面好鐘意o既劇集啊﹐佢大部份拍第二輯o既都會令人無晒寄望。

 

今次睇﹐發覺原來胡杏兒o既角色﹐有段時間係好嘈好煩﹐如果哩個角色企係我面前﹐真係想一巴『車』埋去。另外﹐我就算重睇﹐依然係好鐘意唐亦琛哩一個角色﹐好鬼吸引﹐雖然佢比馬德鐘o既高度比了下去﹐其實佢已經好夠型囉!!! (其實係馬德鐘太高之嘛 ~~~)

心理病

其實這幾年﹐心理都是飄飄忽忽的﹐有時很自信﹐有時很自閉﹐有時很猶豫﹐有時很果段。特別係每每說到了一些自己都不知怎辦的時候﹐恨不得把頭猛力撞牆

﹐昏倒過去﹐希望昏醒以後問題就迎刃而解了﹐那就安安樂樂。但從來﹐沒有把頭撞上牆﹐逃避也不能簡化問題﹐所以很多時都會覺得好煩好煩。

 

 

有些人﹐總很容易就把人看穿﹐也對人很了解；當我還未肯面對自己的時候﹐這人從問題對答當中﹐已經說出了我的意向、我的猶豫﹐對於可以指出我的問題和說到我心底的人﹐我會叫一聲『醫生』

。

 

 

早幾天﹐米高醫生幫我看症了﹐有些事他說的很對：『怎麼你的情況就好像還沒有結婚就諗離婚該怎辦的啊??

』另一事例係：『就像的士司機﹐有短途客上車心底裡面萬分不願意﹐也許去到短途客的目的地﹐你會剛巧接載到一個長途客呢!!

』我們在討論什麼??? 就是我份工啦﹐看來我在Probation完成前都是走不掉的了﹐唯有想辦法好好裝備自己﹐看看這份工會不會有點另類的得著帶給我吧。但米高醫生依然說會幫我去了解一下自己究竟希望想做什麼﹐叫我找一些自己有興趣的工作的藍本然後再幫我研究。

 

 

謝謝你﹐米高醫生﹐除了你的治療時間、還有那個午飯。

BBQ again

承蒙渝媽o既記性﹐馮氏家族三月之星活動再係BBQ是也!!! (是上次我說的。)

 

 

今次本來是去『有叉用』的﹐但因為收費不相宜﹐舉家搬竇回『綠田園』去﹐我相信只要『綠田園』一日營業﹐我們依然會係它們的長期客仔﹐唔知會唔會可以問問拎番個電視框(Discount)咁呢??

 

 

話晒都係生日﹐我地總有蛋糕一個﹐不過無在檸檬(檸檬乃是三叔)個名!! 問他有什麼生日願望﹐他說就是可以將家裡水、電、煤的帳單轉到阿賢(他兒子)名下由他負責

﹐很少見阿賢對答如斯流暢﹐他立時就回應說：『那就Cut掉水、電、煤吧。』

 

是的﹐蛋糕開始溶了﹐就是呆笨朗所賜﹐叫他六點到﹐他斗膽七點才上車﹐隔著電話『霹靂巴拉』的鬧了他一大鑊

﹐再打電話俾佢﹐竟然唔聽我電話﹐渝媽用她自己的手機打就聽﹐家陣大膽喇 

!!!!!!!  (家姐唔易做啊!!

)

 

後來想去玩細渝﹐此妹力大無窮﹐玩櫈玩到櫈也反轉了!!

強!!! (反櫈技術鳴謝渝媽之手....)

Shopping二人組又出動了

二人組一出動﹐好少二人都兩手Fing Fing

回家的；早前在雜誌上看中的手錶﹐喜歡了很久﹐到店裡去看﹐也考慮

了很久﹐一直還未能決定買還是不買﹐PY今天幫眼看看﹐她也說不錯﹐還幫我叫店員再減減價﹐最後現金價比折扣價再便宜了$50成交。PY﹐謝謝你﹐我都要考慮一下像你一樣準備多點現金旁身。

 

另外還買了一條雪紡吊帶﹐本來以為一街都雪紡之時﹐應該都很難買到喜歡o既款式﹐但都說了﹐眼緣這東西﹐要合的就會合的了

﹐看中了就是看中了﹐沒得解釋的；但還好的是﹐我這條比一街花花Pattern完全不同呢。

 

 

昨日去了林氏伉儷家幫麻雀紙剪綵﹐一如以往﹐小墨係要繼續交娛樂費

﹐只是後來胡出的機會大了﹐才只輸了小小﹐真是不幸中之大幸。我把哥哥的Wii 帶去給林氏伉儷二人玩了一會﹐玩了賤兔、Wii Sport、Mario﹐但竟然最容易玩的是Cooking mama

﹐我跟Carmen Miss一邊打麻雀﹐一邊大呼小叫的說這局該怎樣打﹐很分心啊

。也由於進他們家門以後﹐薯片、雞翼、o者哩、沙律不住的往咀裡送﹐吃到差點晚飯也吃不下﹐但雞翼真的好好味。

百樣感覺的一天

我終於都差不多要考試喇。

 

當然唔係D咩學科考試﹐而係我o既小提琴試；尋晚回家途中經過學校﹐就順道把我的准考證帶回家去﹐但當我收到的時候﹐看到考試日期時都呆了﹐怎麼比原定的日期早了差不多兩星期?!?! 在我心目中﹐不是一直都早四月中至五月頭的嘛?!?! 無心理準備下剩下只有20日的時間﹐突然之間很緊張﹐並立時打電話同寶琳還有渝媽說(她倆都是鋼琴老師來的、對音樂考試非常熟悉。) 現在唯有下星期打電話去考試局看看有沒有辦法改日期﹐聽說﹐如果無人可以跟你掉轉的話﹐倒是有點難度﹐可是﹐難還是要試試看吧﹐希望成功哩!!

 

 

昨天早上給大姐激到紥紥跳﹐她排的期出事了﹐被Merchandiser投訴﹐我覺得雙方都有不是吧﹐她人是放假了﹐但說明下午才會離港﹐以為她會看到電貓並做回覆﹐但呆等了差不多兩小時都沒有任何音訊﹐唯有打電話給她﹐她竟說她的bee bee機壞了﹐收不到 email﹐不知何解﹐任何科技總是在最需要的時候就會壞掉的﹐真壞?! 假壞?! 天知道啊~~~

 

這公司的人倒是很厲害﹐不負責任的程度真是令人咋舌﹐竟然可以光明正大的跟其他人說自己放假了﹐不會有人跟進﹐小職員反而在放假前或放假中保證單子順利﹐就如『新爸爸』﹐明明放假了很多天﹐還會回來把急件都處理一下﹐但老頂級的就可以發email跟全世界說自己放假﹐不會有人理email﹐回來再說﹐這是什麼世界啊?!?! 下星期二﹐這部門的人就只有四個在公司上班﹐其餘的有大部份是放假的﹐也許我下午溜出街都沒人會知道吧~~~

 

有時對這公司真的意興闌珊﹐怎麼會這樣的﹐RIDICULOUS!!!!! 負責任是自找的﹐不負責任是正常的﹐真變態。

 

心情唔好﹐還好919有時間聽我發牢騷﹐所以中午過去跟她午飯﹐人在不開心的時候﹐如果有朋友有空跟你說說話﹐對心情的幫助真的很大的；跟919聊了一個午飯時間(我這個午飯足足食了一小時45分鐘)﹐心情好多了﹐(謝謝你﹐919)但既然自己部門無皇管﹐誰會理呢.... 不管了~~~

百物騰貴

近來的加價潮都很厲害啊﹐不要說去買餸的太太們﹐我這個非師奶仔也感受到這種威力了。

 

 

實例：

走進7仔﹐看著罐裝咖啡由$6.5加到$6.9再變成$7.9。寧願唔飲。

走進Circle K﹐昨日燒賣仍是$5六粒變成今日的$6六粒。仲食得落。

再走進7仔﹐燒賣魚蛋由$5六粒﹐變成$6六粒﹐或加多一蚊$7十二粒﹐再變成今日的$9.5十二粒。太貴了﹐擺食。

惠康為在去貨去得快點﹐$28一Pack六罐咖啡﹐第二Pack只需半價。被迫一次買兩Pack。

在百佳買嘉頓麵包﹐一件$5.x﹐兩件同樣的就$8.x。無法子﹐頂住先。

 

 

唉﹐我相信各位在街市買餸的太太們應該更覺得厲害﹐有說以前$10就一大舊豬肉﹐現在$10只可以買到以前的一半

；昨晚在家樓下的餐廳晚飯﹐貼了一張紙說﹐任何牛類產品及任何餐類都加一蚊

﹐但它們的餐牌其實也是新印好不久﹐又要加價了。

 

 

但‧‧‧從來不見人工可以這樣加﹐辛辛苦苦等了一年﹐加的才幾個巴仙﹐真的很慘啊。

天文台開放日

如非mon mon說﹐我都不知道今天是天文台開放日﹐我見晏晝無咩好做﹐人又出來了﹐所以就跟著張總同mon mon去行下天文台﹐做其『發熱發亮』的電燈膽!!!

 

天文台真的有很多儀器啊!!

 

看﹐我們三人的相像不像剪影??

 

中間在等待看展覽時其實拍了很多照片﹐如草叢、樹木、建築、招牌~

 

裡面有個展覽廳﹐好多人啊~~ 其實我地宜家究竟有無九號風球的呢??

 

臨離開時見到平時打颱風時會掛的訊號﹐原來係有咁大個o架喎。

 

你地如果聽日有時間的話都去看看啦。

我成功了 - 第二次捐血

去年十月﹐與La La同mon mon去捐血﹐卻因那天狀態不佳而能捐﹐早幾天問mon mon夠四個月了﹐還捐不捐﹐原來她也正在打算去捐哩。

 

 

今日我地就趁住星期六﹐去了紅十字會總部﹐捐血順便看看這裡是什麼樣子的。

門口更亭的嬸嬸好像很怕我們在門口拍照﹐難道她怕我地部署來偷血嗎 ?!?!

 

 

今次很順利﹐一測試就知道今天情況許可﹐還有﹐今天我試不用麻藥﹐看看是什麼感覺；開始的是時﹐就好像給人用刀割一下手指的感覺

﹐但原來到尾聲的時候﹐可能是同一位置被抽走了350cc血﹐手臂是有點麻

﹐痛就還可以啦~~

這床跟我們捐血的床是一樣的﹐只是這部份是捐血成份的人用的。

 

 

由於我比mon mon早開始捐﹐所以我最後要坐到一旁去等她。喝了很多利賓納哩

。走的時候Reception無人﹐在這裡偷偷拍了一張照。

 

我也解釋不到為何自己那麼有興趣捐血﹐也許我希望捐了些血﹐幫到人之餘又幫到自己吧﹐因為捐了一些﹐身體再造一些新的﹐好像比較健康。