一早起身﹐因為早餐係由七點半到九點﹐隨大家自由時間去食的﹐咁Check Out時間係十點﹐要抵D﹐所以早D食﹐食飽抖一抖然後去浸多一次先!
早餐已經有飯食﹐不過日本人係咁o既﹐仲有蛋、煎魚、仲有一個窩! 話事話﹐條煎魚好乾﹐都唔明有乜好食。
食飽飽﹐睇睇四周環境先﹐尋晚已經入夜所以睇唔到﹐趁住日頭睇清楚D。係一幢兩層o既建築物﹐周圍都係樹樹草草﹐仲去入睇埋個公家浴池添﹐當然係無人浸緊啦。
番房先至見到﹐原來尋晚係有張白紙教點著佢地o既浴衣﹐好彩﹐我都無著錯﹐哈哈! 抖在一陣﹐又去沖一沖涼然後再浸喇﹐今日有日光﹐同埋比尋晚無咁凍! 不過D水勁熱﹐無硫磺味又清到見底﹐我同麵都懷疑其實係咪只係煲滾在o既熱水。
好喇! 玩完一輪要Check Out了﹐收拾細軟然後離開﹐哩間旅館其實都幾Ok o既﹐係位置有小小偏離市區﹐不過都算好方便o架喇。
出番去尋日落車果度﹐原來只係我地黎到o既時候已經天黑黑所以乜都睇唔到﹐其實哩度附近o既指示牌係好充足o既!
行幾步就到玻璃之森﹐我地其中一個景點。工作人員留意到我地帶有行李﹐特意著我地將行李放係免費Locker入面先至慢慢遊覽；同埋亦推介我地買套票﹐一個價錢、兩個景點﹐當然比正價便宜啦! 咁反正另外一D景點我地都會去﹐所以就照樣買了!
入面有好多以玻璃為題材o既o野﹐佢地仲可以租用戲服裝扮一番﹐不過我同麵就無興趣了! 我最鐘意的係小橋上面那閃閃的裝飾... 裡面亦都有菓醬店哩。錄在一小段Video﹐就係太陽照射去水晶時所反射出黎的閃閃﹐映相映唔到﹐Video就睇到喇﹐不過好彩我地係哩一日黎玻璃之森﹐如果聽日黎就睇唔到了﹐因為... 聽日落雨呀!
玩完玻璃之森﹐都好應該去今晚會住的旅店Check In了；今晚會住的旅店就係小王小博物館隔離﹐雖然我無地圖﹐就向小王子向方找就成了。係玻璃之森館外隔離有條車道﹐我地見日光日白就試下行啦﹐行下行下﹐反而先搵到我地o既旅店﹐因為哩條係小路﹐而小王子係大路。
哩一間旅店點搵出黎我都唔係太記得咯﹐不過佢係好地道式o既裝修﹐十足十人地屋企不過分租在出黎一樣﹐仲有一個戶外浴池﹐可以Reserve在之後係指定時間去用浴池﹐每次一節、一節為三十分鐘。個房好企理﹐同埋有叮噹都瞓o既果D櫃!
旅店職員係幫我地Check In後仲幫我地計劃埋行程﹐佢話雖然小王子好近﹐不過如果先去小王子﹐咁其他o既景點時間就會變得古怪﹐所以佢Suggest我地今日先去雕刻之森﹐然後撘纜車上早雲山、然後吊車上大涌谷﹐再吊車落姥子直落桃源台﹐再撘海盜船去元箱根町﹐行下街﹐撘車番『箱根湯本』食晚飯先至再番黎。咁我地都15/16﹐不過佢建議得﹐應該都有D根據o既﹐所以照跟可也。本來離開後想先食個Lunch再去雕刻之森﹐不過附近無咩好食﹐我地唯有去雕刻之森附近食啦。
今日已經唔係公眾假期﹐少人在好多﹐連車疏落在。由於雕刻之森係強羅﹐去到強羅食﹐原來要搵食肆時先至發現﹐沿路見的都係小食﹐餐廳真係唔多呀﹐唯有去番強羅公園門口果幾間餐廳啦。無咩人...﹐阿麵話佢個拉麵同香港食到的一樣。
然後去雕刻之森行﹐藝術哩樣o野真係唔係人人都懂﹐我地就唔係好懂﹐所以快行、快睇﹐順便趕車。
睇完拿拿林跟Suggestion撘車... 原來又一定上大涌谷﹐都話在尋日唔好黎住o架啦....然後到海盜船﹐係船入面﹐真係唔知係渡海小輪定賊船了。撘完係元箱根町落車﹐但由於已經由好好天變在想落雨﹐乜舖都關晒了.... 唯有轉車番『箱根湯本』啦。
今日我地可以霸晒成架吊車啦!!!!
到o既時候都仲有幾間店﹐行得幾步﹐一間一間的關門... 最後又試怕D餐廳會收晒﹐都係拿拿林食飯先喇。揀在一陣﹐入在一間有冷麵食的! 又係門口手指指落Order﹐今次D山藥多好多哩。
食飽去七仔買埋甜品同聽朝o既早餐就打道回府了。我地Book在今晚o既入浴時間係十點半﹐所以大把時間﹐慢慢唔遲!
嘆完溫泉食埋甜品﹐會周公也....
how is the weather in 箱根? Is it cold? what is the temperature?
回覆刪除