旅程黎到第九日﹐係時候要探訪下築地喇﹐過多幾年哩度就會搬﹐搬在就會唔同晒樣﹐到時遠唔遠我都唔清楚咯。
相對起平時﹐哩日都算係一大早咯﹐七點零就出在門口喇! 轉咩鐵路我都無咩印象﹐只記得阿麵拉住我﹐係東京Metro不停轉線‧‧
去到築地﹐同一個站都有其他人出閘﹐一睇裝扮就知大家都係黎日本旅行﹐大家都係想搵築地﹐不過我地唔係好懂﹐所以入在築地入面周圍轉。
佢地係市場入面﹐就係用哩D車仔代步﹐佢地D車仔開得好密o架﹐佢地唔會撞咋﹐如果會撞﹐個密度就好似我地玩踫踫車一樣! 搵到魚市場、再見到菜市場﹐然後到水果市場!
睇埋地圖﹐終於有日本人向我地伸出緩手﹐指示我地知﹐食o野o既究竟係邊一面喇。雖然有好多間﹐但因為唔知出名與唔出名有咩分別﹐以防真係食著一間無咁好味的﹐就算明明要排成個鐘都無法子﹐最後排大和壽司! 入面好得意﹐原來係師傅一件一件造的﹐同埋係Bar檯黎!
可能未駛一個鐘﹐我地就有位坐喇﹐師傳問我地係咪要Set﹐其實我有諗過唔到Set的﹐但費是手指指麻鬼煩煩﹐Set就Set啦! 我最鐘意係件海膽哩!!! 我地個Set有七件壽司、一件玉子同埋一碗麵豉湯﹐我食晒之後好想試一件帆立貝﹐以我僅僅記得佢個名﹐就同師傅講﹐我想要一件Hotate!
其實我同佢講o野時候﹐佢個樣好訝異我竟然識講﹐佢個樣令我覺得﹐佢同我左面o既日本人食客講緊阿麵右邊果四個香港人o既壞話﹐佢仲以為我識聽添呀! 咩壞話?! 無呀... 果四個香港人不停叫師傳 refill Wasabi﹐仲將D Wasabi好似將 D 忌廉塗蛋糕一樣塗上件生魚度之嘛.... 好多年前﹐我已經聽過﹐日本人係唔會好似香港人咁食Wasabi o架!
試埋哩件帆立貝就安樂要走喇﹐哩件帆立貝好味就好味﹐不過食過厚切帆立貝之後﹐哩件太細件了!
離開時行過築地市場外﹐見到有一間麵店﹐人人企係度食麵﹐阿麵其實好想試﹐不過又好飽喎﹐無法子啦... 唯有繼續走!! 其實佢話佢唔識欣賞築地o既魚生﹐對佢黎講無咩分別﹐而我哩... 最欣賞係件海膽﹐而魷魚就確實同平時食到o既分別不大。
哩間麵店後來聽人講話好好味﹐好出名o架! 失覺晒... 早知留肚食啦。
走Lu~ 去我地今日o既其他行程﹐去上野恩賜公園睇櫻花喇!!! 去到公園門外已經有人派號外﹐話上野櫻花開喇!!! 成個公園都好多櫻花﹐佢最震撼o既係其中一條路﹐兩旁都種晒櫻花﹐哩條路好正呀!
睇完新聞﹐睇花喇!!!
佢地路o既兩邊已經預晒好多企業會黎賞花﹐同埋佢地已經安排定好多分類回收籃俾大家掉垃圾喇﹐安排比香港年宵好好多! 行行下見其中一家企業叫『諸岡(珠江)興業』﹐唔知有無『黃河企業』o既呢?!?!
行行去埋不忍池‧‧有好多鴨仔係樹游水﹐同埋兩旁好多賣食物o既帳篷準備做生意喇!!! 十足十我地o既年宵呀!
行完恩賜公園﹐去在行手信街! 佢有好多舖頭賣所謂o既牌子貨﹐不過我地都懷疑佢o既真假﹐另外仲有D衫同花園街o既一樣款! 係上野巧遇朋友仔﹐東京其實好鬼大架﹐我地都住池袋區﹐反而唔係池袋遇上....
再食魚生飯.... 哩度真係多好多食店哩! 如果初初果陣Book到上野o既民宿﹐咁就多o野食喇!
離開上野﹐見時間許可﹐我地去在東京鐵塔﹐我黎過日本幾次都未探訪過哩個塔﹐某程度上真係唔應該.... 點知去到﹐落雨呀~~~~~ 唔理﹐頂住!! 映完相就走啦~~~~
然後再番原宿... 行果一座叫Laforet的名店! 真係名店呀! 有D要四萬Yen先買到一條裙! 行在一輪凍凍地又肚餓﹐就算有意圖番涉谷食串燒的我地都放棄喇﹐係度是旦搵間餐廳食窩就算啦.... 但入到哩間舖頭坐低之後真係好後悔﹐佢地通風好差﹐入面油煙味超勁﹐攪到我地食都唔安樂﹐快快手食飽快快腳走啦~~~
今晚係日本o既最後一晚喇﹐拼死要試試這杯東東﹐究竟係Pudding? 燉蛋?? 我已經好奇在好多晚﹐今晚決定買佢番去﹐聽朝做早餐!!!! 是晚揀在咖啡Pudding! 已阿麵冒住飽到瞓唔到o既危險﹐佢今晚食碗麵!
沒有留言:
張貼留言