終於完成了

雖然無攪到氣咳、無上氣唔接下氣、無左擔心右擔心﹐但都曾經汗顏同埋俾左右夾攻遊戲規則o既情況﹐最後Annual Dinner完滿結束了!!

 

 

其實係攪o既中途都有遇到問題﹐因為始終敝公司都有成百人﹐人越多﹐意見就多﹐再加上各路元帥前來攞料﹐問有咩玩、有咩獎品﹐又要扮守秘密﹐但又有人同我地傾計時一路想攞料﹐都好汗顏﹐所以攪到尋日晏晝﹐都希望快快手手攪掂唔好煩。

 

 

開初時﹐係有Join打麻雀Game的﹐後尾因為人手問題﹐我同阿K都退出唔玩﹐變相做Standby﹐In case有人唔到時我地要頂腳!! 後尾真係有一個人唔到﹐我坐在落場﹐仲入在2nd Round﹐食過一舖自摸八番呀! 勁!! 不過最後都無得再出線﹐因為仲有其他阿哥、阿姐比我贏得更多Coins﹐所以最後‧‧‧輸在!

 

 

成晚都非常緊張個Run Down有無出錯﹐有無不足o既地方﹐有無人不滿 etc etc。最有人不滿o既係某個Game﹐係飲啤酒的﹐當然就係果D鬥快、鬥漏得少之類﹐其實都係一個Game俾公司派下獎金﹐既然某D過程唔係故意o既﹐有時唔駛咁緊張!! 就算佢地倒酒﹐其實都要做得出、有適當膽量先得哩﹐倒到濕晒都好辛苦、又污糟!

 

 

成晚我所收到o既係錢同Coupon﹐幸好無抽到D咩唔o岩駛o既o野!! 既然抽唔到D o岩用o既獎品(哇嗚嗚‧‧我部洗衣機去在奧斯卡道呀嗚嗚嗚)﹐咁抽到獎金已經係非常好彩喇。同埋過在成晚﹐除在以上所講o既禮物﹐就係腳痛﹐因為成晚著住高跟周圍走﹐兩隻腳o既尾指都非常痛﹐我隻腳係怪腳﹐差不多著乜鞋都有事﹐除在波鞋、涼鞋同Boots之外。

 

 

總算完成在一件事﹐唔知點解﹐我覺得今次Annual Din Committee﹐好似係一個Pre-wedding Banquet o既訓練﹐因為都一樣係咁大壇同埋緊張嘛!!!

Annual Din禮物準備

聽日就係Annual Dinner喇﹐今日晏晝幫公司同其他committee去在買o野﹐大秘書話特登出圓方買﹐諗住少D自由行﹐反正間間都可以換貨﹐點知買緊o既時候re-cfm Sales﹐佢話一定要番黎哩間Shop換喎﹐嘩‧‧一定俾人哦死咯﹐一向都覺得去圓方都幾麻煩‧‧

 

 

大手掃貨﹐揀貨﹐唔研究Function就買﹐所以我都眼花﹐加上其實好多o野我都興趣不大﹐所以任由佢地話事﹐係到某D位先至出一句半句聲囉﹐例如要咩色﹐同埋我出埋去係做苦力!

 

 

二點去到五點﹐個Sales打單都打一個鐘﹐攪錯呀! 我地行開在個幾鐘連花紙都未包﹐咁低效率抵阿大秘書到尾時頂佢唔順喝佢『你唔好攪哩D﹐我要快!!!』連隔離個Sales都係度笑﹐雖然有D落佢面﹐但賺在我地哩批禮物o既Commission而你又慢手腳﹐抵鬧!!

其實係百記走時﹐都好多袋﹐幾壯觀o架!!

 

 

聽朝仲要花時間做最後衝刺﹐包禮物﹐做Gift List﹐貼Number﹐中午要同Jessica食Farewell飯﹐下晝仲要比其他同事早離開公司去會場﹐睇黎聽日都好忙喇。

 

 

我希望抽到咩? 梗係現金啦!! 如果唔係老闆唔鐘意派現金﹐我相信﹐全部折現係每個同事最開心o既禮物!! Any肥‧‧希望大家地抽到總算o岩用o既o野﹐就算唔o岩﹐都可以係10日內番去圓方店換貨!! 記住唔好拆Packing呀!!

阿Jack畢業公仔

上星期某日﹐途經旺角﹐見到阿Jack畢業公仔!

 

 

So cute!!!!

 

 

隔離仲有麵包超人畢業公仔﹐諗起花王o既小公子『麵包超人』仔!!

 

 

然後仲見到一堆公仔﹐同阿麵o既好朋友『行山領隊』好似樣o既公仔!

真係要花多D時間去睇哩D 精品至得!!

 

 

PS: 阿麵話等我戴四方帽時﹐給我買一隻畢業阿Jack!! Heheee..

可愛小花

早於水晶離開公司﹐她就把享利分給她的小盤栽交給我叫我好好照料﹐其實如何照料我都不太懂﹐只懂適時澆水﹐同埋將小花轉方向﹐讓它每一個方位都吸收到陽光!!

 

 

小花在我手幾個月後﹐準備長小花蕾了!!! 我滿滿開心的給它買一個新居!!

這時12月尾時未開花的時候﹐與新居來個合照!!

 

 

但當時公司的花王享利未有餘閒去給它換盆﹐所以就等啦‧‧﹐其實當時花泥已經不吸水﹐加水就像倒在枱上一樣﹐有幾多入就有幾多出! 所以由以前大約四至五天澆一次水變成隔天、或天天都要澆!! 誰不知12月尾的元旦日時﹐放了一次五天的假期後﹐回來它就變成洩氣公仔一樣﹐完全『Dup』到不得了!!

 

 

回到Office就開始救亡行動﹐狂澆水﹐希望它飲多一點﹐快快醒來!! 然後還給我發現它出花蕾了!!

花王說﹐變成這樣的話﹐它不可以搬屋喇!! 一搬就有可能不開花的了! 所以‧‧就擱置了幫它搬屋的計劃﹐只天天望住它﹐小花也一樣望住它的新居!!

 

 

然後到農曆年時﹐小妹一口氣放了九天大假! 小花怎辦呀?!?! 有一次五天Office裡都沒人﹐怎辦?! 最後傻哥幫我放工開車來我公司接我跟小花回家去‧‧那我就可以繼續天天澆水了!!

 

 

本來打算過年後帶它回公司﹐但好像它在家裡生長得比較好﹐所以就由得她待在屋企了!! 剛才澆過水﹐好靚o丫!!

 

還有它在家時所住的方位!

 

 

但依然不知何時才可以換盆哩‧‧

候選之花 - 繡球

早幾日攪完另一樣o野﹐宜家又再睇下一樣o野喇﹐或者‧‧睇下花球o既花種先啦。其實我屬意繡球o既﹐不過宜家都係慢慢睇﹐同埋要check到時係咪節令花﹐所以‧‧都係睇睇款先o丫 ?

 

 

以下係網上面搵o既繡球花資料﹐參考下先‧‧

繡球花－基本介紹
◆學名：Hydrangea macrophylla Thunb.
◆英名：hydrangea
◆別名：八仙花、紫陽花、洋繡球、雪球花
◆花語：幸福、希望
◆科屬名：虎耳草科八仙花屬（八仙花科）
◆原產地：地中海、日本、中國大陸
◆適用期：國產切花、盆花以春秋為主，一年四季皆有進口切花，多從紐西蘭與荷蘭進口。

 

由許多小花聚集在一起，看起來很像中國人拋繡球招親所用的繡球，所以才稱呼它為繡球花。屬於虎耳草科八仙花屬的多年生落葉灌木，葉片對生為鋸齒狀，具有短葉柄的寬卵形葉片或是圓卵型葉片，長得肥厚又光滑，在葉子邊緣有比較粗的鋸齒，果實為蒴果。繡球花為頂生聚繖花序，球形密花，花色有白色、藍色、粉紅色和淡紫色等，由可孕（fertile）及不可孕（sterile）二種小花所組成。一般看到幾乎全為無性花，每一朵花有瓣狀萼3~6片，位於花序頂端，花瓣4～5片，小形，小花直徑約5至6公分，雄蕊在10枚以內，雌蕊極度退化，花柱2～3枚。

 

繡球花的是一月一日的誕生花，花語是希望；依繡球花的花語是希望這個說法，是因為繡球花的原產在地中海，在地中海一向以在嚴冬開花的常綠樹而聞名於世。寒冬時，乍見粉紅色的花蕾和白色的花朵，似乎在告訴人們春天的腳步近了。因此繡球花的花語就是希望。

 

在亞洲，繡球花於日本、台灣等地十分普遍，有說法是繡球花的原產地在日本，花語是幸福。繡球花的日本語名字是紫陽花(あじさい)；於每年六月至七月的初夏期間盛開。由於花朵遇到酸鹼值不同的土壤時，會呈現出紅、紫、淡藍等鮮豔的色彩，日本人便將這種現象稱為「七變化」，變化多端的色彩以及鮮豔又大輪的花朵，為典雅收斂的日式庭園帶來繽紛夏意。《萬葉集》等日本古籍中，即可看到許多關於它的詩歌文章。每年從6月初開始，日本各地便會陸續舉辦繡球花祭典，在和煦溫暖的陽光之中，朵朵綻放的繡球花編織成一片五彩繽紛的花絨毯，鮮明的色彩讓人意識到夏天的腳步已經到來。有些祭典會場還有許多小吃、遊戲等攤販，讓活動更添熱鬧氣氛。
但是，繡球花是一種很矛盾的植物。因為繡球花是全株有毒的植物，若誤服了會產生腹痛、腹瀉、嘔吐、呼吸急迫和便血等症狀；但是，花乾後卻可以入藥，有清熱抗瘧、消除身心疲勞、瘧疾、心藏病、感冒發燒的功效；日本民間有利用作為治心臟病的藥物，因此繡球不僅是觀賞物而且是一種中草藥。

 

種植繡球花時，要小心注意土壤。因為繡球花的吸水性不好，要選用排水良好的黏性土壤，性喜蔭涼，栽培處日照約６０～７０％為理想，每日灌水兩次，最好採用所有的葉子，露地花莖。另外，因為繡球花的花色與土壤的pH值有密切關係。所以如果想調節花色，可改變土壤中的含鋁及鐵元素。土壤呈酸性，鉀肥多，或含鋁、鐵元素多時呈藍色；土壤呈鹼性，氮多鉀少時呈紅色；欲使紅花變藍，可在土中澆明礬水。花後宜剪除花梗及殘花。平地栽培夏季需蔭涼通風，忌高溫多濕，或長期潮濕。冬季落葉後換盆、換土一次。

 

繡球花是最能表現日本梅雨季節的花木，常可在漫畫、卡通、畫作、民俗禮品中看見它迷人的花姿。目前使用的栽培品種大都是原生於日本及中國大陸之 Hydrangea
macrophylla，18世紀由日本引入歐洲，在歐洲育出許多栽培品種，目前已經超過500個栽培種。早期作為庭園花木，20世紀初才發展為盆花栽培。自然生長的繡球花約在4～6月開花，國內生產業者利用溫度的調控，即高海拔夏天自然的涼溫與冷藏庫的低溫，來控制其開花，促使盆栽在農曆新年左右開花，以錯開自然產期而提高售價。

 

資料來源：http://blog.yam.com/ling8134/article/7705517

苦茶

早幾個星期﹐即無跑馬拉松果一期﹐最後我係去在睇中醫格。

 

 

第一次跟同事去睇(因為係公司附近)﹐對醫館非常好奇﹐睇症時﹐俾醫師問到我口啞啞﹐講在好多唔係好妥o既o野﹐然後醫師就一句『你一樣一樣黎啦﹐今次攪掂你D感冒先!!』

 

 

醫師包埋煲藥﹐食三次﹐共$255﹐但要乖乖地日日飲苦茶。

然後﹐尋日去再睇﹐今次要飲四次!! 唉‧‧好苦喇。佢今次又話『今次醫在另外一D﹐剩番果D下次先醫啦。』

 

 

即係話﹐要繼續飲!! Oh...

左右做人難之唔好問我點解

下星期Annual Din﹐被委派為Annual Din Committee一員﹐自要幫手安排細節‧‧

 

諗起Annual Din Lucky Draw Prize﹐要人人都分到又唔係好多Budget﹐好頭痛。

 

各位唔該唔好問我點解會買哩D獎品!! 我地已經盡量諗﹐俾你可以去番果間舖頭換o野o架喇。

 

唔好問我哩D Game有咩好玩或有咩 Game玩﹐否則﹐不如你提議下有咩Game好玩啦?!

 

可唔可以要多D Budget? (係咁多?? 我明‧‧經濟唔好嘛‧‧我明)

 

可唔可以要Vendor Sponsor呀?? (知喇﹐唔得o丫嘛﹐我明‧‧要清廉o丫嘛‧‧唔准Sponsor o丫嘛)

 

我都想要Cash多D!! (如果真係要我揀Coupon﹐歡迎、PK、Mannings最好!) 唔該唔好要我抽到價值$500但要去換款o既禮物!!

 

可唔可以唔買Coupon、Voucher、或預在人地會換o既禮物??

 

多謝恩賜今次唔駛坐Coach去九里遠外度食。

 

再多謝恩賜今次係星期五而唔係星期六。

 

再再多謝恩賜今次早放個半鐘﹐雖然‧‧我都無得去蛇王﹐而要去Venue打點。

 

祈求‧‧Annual Dinner順順利利。不求有功、但求無過就可以了。

婚紗展

尋日係情人節﹐諗邊度去就最煩格o勒﹐好彩有Expo﹐我地唔駛頭痕搵街去!

 

 

上星期三、四、五都去在街﹐無睇『珠光寶氣』﹐阿麵幫我download番黎睇。係邊睇?? 咪係巴士上面囉!

一程車由屋企去灣仔﹐尚欠三分鐘就完場時要落車﹐無問題﹐落車企係巴士站睇埋佢先行‧‧‧

 

 

今次有Free Coupon俾我入場﹐同油麵二人施施然咁行﹐今次仲唔駛拎住Monalisa個紙袋幫佢賣廣告添﹐不過變相無Floor Plan囉。一入到去﹐一見Vanesse L o既Booth就想中埋去﹐不過行到一半﹐醒起﹐唔行得規矩D﹐一陣唔知自己有咩未睇有咩睇在﹐所以乖乖地行番去第一行開始行。今次台灣D映相公司無咁恐怖﹐定係我地已經識o野地講一聲『已經拍過了』﹐所以佢地都肯放行呢?!

 

 

第一個停步o既Booth係『唯美主義』﹐落過佢地舖頭﹐拎過Package﹐但未Trial過﹐今次俾心機慢慢睇佢地D相簿﹐佢地亦都好落力咁Sell﹐同埋即場拎D Gown俾我睇﹐都好Ok呀﹐佢後尾仲寫定晒我個額頭刻在『有興趣』o既Gown number係佢地張Leaflet度﹐Sales仲話『你如果仲想係會場睇下o既無問題呀﹐不過我好有信心你會番黎搵我o既。』好有信心呀!

 

 

然後經過奇妙姻典﹐本來想同Venus打招呼﹐但佢忙緊Sell 客﹐所以我地唯有繼續行。下一個Booth係那打素社康服務﹐o丫‧‧婚前檢查比家計會平喎!! 包o既o野又係差不多﹐轉唔轉好呢?! 然後仲見到好多舖﹐有印務的、租車的、攝影的。仲有睇在兩次半場o既婚紗Catwalk﹐係新天地同France Bridal﹐我覺得好似新天地果D靚D‧‧‧

 

 

去到Vanesse L.﹐佢地係Booth度擺現場果D新款﹐噢... I Don't Like It! 再睇佢D相簿﹐我真係無信心著得佢地D衫靚或D款太勁跨了﹐所以聽完Sales講完會展Special Offer就起身繼續行﹐雖然吸引‧‧會展Package送多一套添﹐不過‧‧唉‧‧哩間真係好怕我就只鐘意佢地拍廣告果兩款。之後仲有睇 Princess、Gokachi(御嫁地)、顯卓、金鳳凰、La Mariage etc etc‧‧

全場Rental Service Package有平有貴﹐貴o既有Noel Chu﹐Budget唔o岩所以睇都無睇過；而個場入面最平o既Package係可以去到二千左右五件! 另仲有一間個Package係可以$1 多租一件添!!

 

 

最後當然有消費啦﹐如果張單over $2000﹐可以去HSBC Counter度玩大抽獎! 排在差不多二十分鐘﹐抽到o既係所謂一套兩件o既小食套裝(杯一隻 + 碟一隻﹐顏色仲‧‧‧哼!!) 另外如果即日Join新婚會﹐送玫瑰花一支﹐咁‧‧點解上次Join果D唔可以有呀??

 

 

走時好肚餓呀﹐陰公阿麵一個下晝消化在一Pack朱古力﹐分分鐘係我兩年o既朱古力Quota。離開時拿拿林撘地鐵去醫肚啦﹐又攰又肚餓。

Wedding Doll

早前﹐早於十二月﹐我地已經買在結婚公仔。

 

哩個公仔一年前行街已經見過﹐覺得好得意呀、同埋覺得見到o既人都識得笑。

 

點解?! 因為佢地都識得笑o架囉。

 

從來無諗過要買我o既愛寵(Snoopy)做花車公仔。

 

跟本Snoopy同Woodstock就不是一對!! 別硬來!!

 

更不要說夾硬把兩隻Snoopy打扮成一男一女﹐仲怪(Snoopy明明係狗仔黎)。

 

不過我有考慮過搵人幫女仔公仔佢整過個頭紗﹐

 

但似乎唔係咁易﹐搵到有保證o既﹐唔係無期﹐就係嫌工序太簡單唔想接。

 

咁... 唯有Big Day前自己用針線連一連佢﹐希望佢坐車頭時唔好頭紗飛來飛去啦。

 

十五後依然利是!

哩個星期出街食在三晚飯! 三餐入面有兩餐生日飯!! Sasa、Vvn同Tammy﹐祝你地生日快樂!! (分開三個唔同o既日子o架!!)

 

 

星期三果餐﹐即前一篇Blog就係Vvn同Tammy的﹐星期四﹐係Sasa的!! 但果日相機收得老遠﹐用晒其他朋友o既相機﹐包括一部即映即有；本來我打算等佢地send相出黎先post﹐但‧‧分分鐘有排等哩(一個二個都係大忙人嘛)。

 

 

不過星期四晚﹐我依然有利是逗﹐兩封係Sasa﹐另外兩封係高比的﹐今年佢第一年派呀! 哈哈‧‧ 我早前打過電話俾佢講新年快樂﹐其實都係搵佢傾下計! 咁就當拜在年喇!! Sorry Sasa﹐無特登打俾你﹐但都祝你連生貴子呀!!

龍堡Buffet

老實講﹐聽到話去哩度Buffet﹐係有D猶豫o架﹐因為N年前﹐同一地點﹐食到我夜晚係屋企痾到七彩﹐以後提起龍堡都怕怕。

 

 

事隔多年﹐仲有花拉小姐極力推介﹐所以今晚慶祝有兩位舊同事生日﹐就揀哩度啦。

第一個到﹐所以有時間映映相﹐環境唔錯﹐樓底又高﹐好舒服。

 

 

當Bevis到時﹐我已經肚餓喇﹐拿拿林拎o野食啦。

三文魚、吞拿魚都好好味呀! 西班牙海鮮炒飯好靚﹐但食就一般! 蠔唔夠味、但青口唔錯﹐最估唔到o既係竟然會有『咸菜豬肚湯』哩! 仲有佢o既鐵板類﹐廚師好好心機﹐仲同我講笑添!

 

 

好大塊咸菜﹐好開心!!

 

 

仲可以玩煲菜添!!

 

 

但甜品一般﹐Tiramsu太Cheese﹐無酒味﹐餅底太薄。反而另一個蛋白幾好﹐不過映相前已經俾花拉食在一口。

哩餐算好唔錯﹐Discount + 請兩位壽星食飯先至$240﹐算係咁啦。

 

 

同埋﹐其實我好鐘意同你地一齊去玩o架!! 實在好開心同太多笑料喇。

拆利是日

今日已經係農曆o既十六喇﹐亦都係可以拆利是o既日子喇!! 哩幾年都叫自己忍手﹐要等到十五先好拆利是﹐今年係明正言順收利是o既最後一年﹐我更加乖乖的等等等等‧‧‧

 

 

今年景況幾好喎﹐承蒙爸媽、嫲嫲、婆婆、各位Auntie、Uncle的大力豬持!! 還有公司o既各同事的祝福心意﹐小妹感激無限!! 感動流涕呀!!!

 

 

上次朋友婚宴﹐本來打算去買禮封﹐因為一向都覺得﹐未婚小妹用利是封去封禮有點古怪﹐但媽媽說﹐用靚D o既長利是幫咪靚好多!! 仲順手係櫃拎在兩個俾我﹐噫‧‧長利是封又Ok 喎‧‧所以今次拆利是﹐都打算留起小小﹐In Case要做禮都可以用。

 

 

第一個!! 一睇就知係邊個派的!! 因為年年都一樣呀! 有無人需要儲番套?

 

 

第二個﹐宜家D幼稚園真勁﹐派利是封俾家長添!

 

 

第三同第四個﹐唔記得係邊個咯﹐不過質料上盛﹐仲可以重用添!

 

 

不過我一邊拆﹐媽媽一邊在旁研究那一款較靚﹐然後沒收晒咯。

 

 

你地呢?? 有無收到D好靚o既利是封呀??

裙褂

依然係覺得唔駛急o既我﹐仲係慢麼麼；某晚mon mon話我知﹐鑽石山荷里活廣場有個小小裙褂show﹐然後第二日就去睇睇什麼料子o勒。

 

 

其實佢極其量係裙褂用品﹐Show在幾個唔同年代o既褂﹐叫做一個小小演變史。

 

有四款係比較舊o既褂‧‧

 

然後有比較新、近代D o既褂‧‧

 

 

睇在好幾件(最紅最新款果D)﹐有一件好鐘意哩!!

 

睇黎係時候出去睇睇租褂喇‧‧如果唔係就租唔到鐘意o既款喇。

麵的一人馬拉松

今日係渣打馬拉松o既大日子﹐無用o既我病在未好番未能上陣﹐噢!! 只有麵一人應賽哩!! 不過... 我都無留係屋企做睡寶﹐出去會場豬持豬持!!!

 

 

地鐵站指示牌﹐又試向左走﹐向右走‧‧

 

 

麵開跑後﹐我去在醫肚!! 途中去到一個Corner係回程的﹐第一組D人已經跑完番黎喇!!!

 

 

咁早﹐六點半左右﹐無咩選擇﹐唯有24小時老麥是也!

 

 

食飽飽﹐番去會場等麵番黎喇!! 又經多一次哩個Corner位。

好有動感哩!!

 

 

然後搵個位企!!

 

無無聊﹐見後面有隻跑鞋係樹!! Wowo.. 正!!

最衰我唔跑得啦﹐哎o也.. 點解我上星期去玩時唔著多件衫﹐仲咁多日都未好番呀!!!

16 items about me

大約過年時﹐Facebook裡面被Karen Tag在﹐玩 16 items about me。

 

 

其實初初轉用Yahoo Blog之後﹐都見到有人玩﹐覺得幾好玩咁﹐可能我無俾人Tag過啦﹐睇一定易過自己寫o既。輪到自己o既時候﹐真係有咁多o野諗唔到﹐諗唔好寫咩、自己有咩特殊、同埋有咩想人知道。所以嘛... 如果再有人Tag﹐我都未必會答喇﹐可能Ignore佢。

 

 

係度﹐我Paste多一次啦：

規則：當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。

Rules: Once you’ve been tagged, you are supposed to write a note with 16 random things, facts, habits, or goals about you. At the end, choose 16 people to be tagged. You have to tag the person who tagged you.

(I was tagged by Karen Tse & Jimmy Li)


1. 其實我真係好鐘意食o野﹐食o野好開心﹐但都帶俾我頭痛﹐因為食多小小就會肥!

2. 好痛恨自己唔爭氣﹐又想瘦、又想食、又唔做運動﹐成日得把口講話下個星期、或下個月、或得天氣無咁凍時開始減肥。

3. 我好奇怪﹐成日想搵下D friend﹐但耐無搵﹐會唔夠膽搵﹐因為越耐無搵﹐就越怕失去共同話題﹐或中間因為甩在好多資料而攪到朋友們講o既共同話題我會唔明。

4. 好鐘意係郊外﹐由高處向遠方一望無際咁望﹐好舒暢!!

5. 好鐘意飛機起飛時﹐Start Engine係跑道上飛馳的感覺﹐好有活力!

6. 我都好想知究竟我幾時先至重新有工作方向、目標﹐所以千期唔好問我究竟想搵份咩工﹐因為我都唔知﹐我只知一日係一間公司度做﹐就要守果間公司o既規矩、制度。

7. 次次功課做Project﹐都希望臻善臻美﹐準備充足﹐但往往有頭威﹐無尾陣﹐草草收場。要諗辦法改下至得。

8. 好希望得到朋友們o既在意﹐究竟係我缺乏自信﹐定係我鐘意Outstanding?

9. 我有個怪癖﹐就算去行街﹐係間舖頭見到D o野亂在﹐我係睇完哩樣o野之後﹐都會好順手睇將佢推番好個位﹐有時都擔心D人以為我係Sales。

10. 講o野有時唔好太絕﹐果D咩『永遠xxx』、『一定唔會xxx』﹐一般最後都會自打咀巴﹐所以我改在喇﹐我只會講『應該唔會喇‧‧』或『唔好喇化‧‧』。

11. 我o既記憶力可能之前係B記已經用得七七八八喇﹐所以你地如果話我記錯o野﹐我唔係好敢好似以前咁大大聲話『唔係喎!! 你錯喇!! 』不過我會小心求證…然後番黎話俾D關事又信任o既人聽『阿乜水佢上次記錯喇!!』

12. 無錯! 我係魚腩! 最好搵我『鄧』腳打麻雀。不過如果咁橋我贏在﹐其實唔關技術事﹐可能係果次小小好運加小量福星高照姐。

13. 小病事福係呃人o架﹐小病仲辛苦過大病o既﹐因為大病可以唔番工係屋企瞓﹐小病依然會番公司報到!

14. 其實我真係好鐘意食飯o架! 白飯都ok o架喇!

15. 我都唔知自己係唔係一個識得Social的人﹐對住D三唔識七o既人但係要合作﹐人地會覺得『噫‧‧你都ok o丫!』﹐但如果叫我去努力咁認識新朋友﹐其實我會覺得好吃力﹐好辛苦﹐心諗『點解要咁特登呀?!』同埋會寧願坐埋一邊唔出聲。

16. 做在司機咁耐﹐總有D開車o既脾性﹐不過我承認﹐我開車已經無以前咁狼死喇﹐宜家反而比新牌仔時細膽得多﹐掟彎前都會Dup Break(以前唔會o架)。

免費去Expo

哩期開始睇下D晚裝喇﹐睇o既意思係上網勁Search~!

 

 

唔係好敢去金都揀﹐覺得佢地D Sales好似張牙舞爪咁﹐雖然可能因為俾人唱到咁。當年有屋企人係金都Join在個Package﹐最後揀唔o岩衫﹐俾晒姊妹、伴娘 etc etc﹐如果無記錯﹐當年o既Sales面容都有如變臉大師﹐所以嘛﹐都係睇清楚D好。

 

 

過年前﹐已經行過金巴利道一次﹐今日去開佐敦其中一間睇下Package﹐然後經過金巴利道再睇未睇果幾間同望下D衫款﹐So far‧‧都有幾間會番轉頭Encore再睇o既。

 

1. Vanesse L.

- 好靚! 閃但唔係跨閃﹐鐘意!

 

2. Charming Image

- 約在下次再睇下D衫款﹐因為去果陣佢地有客試緊﹐但Appointment都要幾星期之後。

 

3. Monalisa + France Bridal

- 唔Join無款睇﹐你當我係露露?!

 

4. Noel Chu(新婚情報)

- 爆閃﹐太跨太勁﹐唔係好o岩款﹐同埋好貴o下!

 

5. Victoria Wedding

- 一般般啦... 夠平囉。

 

6. 唯美主義 (Perfection)

- 似Vanesse L﹐但唔知點解覺得佢地D款都係複雜在小小。不過都會再睇。

 

7. 顯卓 = 現代新娘

- 同Victoria差不多..﹐一個Sales勁Nice﹐一個Sales勁串。

 

 

下星期weekend又有Expo喇﹐如果有o野o岩先至係Expo Join﹐一般都有多D優惠! 不過就算今Expo唔Join﹐三月都仲有Expo! 到時更大型﹐可以到時先Join都無問題。

 

 

今日其中一間店Invite我去Expo﹐俾在張Invitation Card俾我﹐我同油麵今次可以免費入場喇!! 哩間舖真識做!!