我們的Wedding Doll - 哈哈笑公仔

盤古初開﹐咩都未攪好﹐已經心儀找哈哈笑做Wedding Doll。

 

 

點解?! 因為... 好耐之前﹐耐到係我未同麵一齊﹐某次係街見到有哈哈笑Wedding Doll已經好鐘意；到開始攪婚事o既初期﹐某次同麵傾開﹐佢以為我會用我o既愛寵史諾比﹐但我即像加菲眼一樣的望住佢話『Snoopy點可能同Snoopy結婚o架?! 同埋Snoopy係仔黎o架! 仔點同仔結婚!!』係呀﹐我覺得好古怪﹐雖然鐘意個公仔﹐鐘意還鐘意﹐要正常至得格!!! 唔好夾硬將我明明係仔o既愛寵身加條裙就話係女﹐加件西裝仔就話係仔至得o丫。所以... 我接受唔到麥o麥 + 麥兜哩種idea O既wedding doll﹐但哈哈笑呢?? 哈哈笑無分男女o架嘛!!! 哈哈....

 

大婚早兩日﹐天文台依然話Big Day會落雨﹐我即刻係屋企15/16﹐點算哩... 我唔可以俾哈哈笑淋雨o架!!!! 花車東哥好好人﹐佢話拎定一隻佢提供的spare公仔出黎﹐如果落雨就用佢o既公仔﹐唔落雨就用我的哈哈笑﹐幸好最後天公造美﹐全日都無落雨﹐不過東哥都好好人﹐除在第一程車由得哈哈笑吹風之外﹐由第二程車開始﹐都幫我用一個好薄的膠套將哈哈笑封住﹐真係好多謝佢呀!!!!

做指甲

雖然墨麵大婚已完成﹐不過其實後段係忙到嘔﹐瞓都唔夠時間﹐無咩心情慢慢打Blog﹐所以有一部份資料都要繼續『準備篇』哩。

 

 

十個朋友﹐九個都說結婚指甲好應該造全紅色﹐只有一些網友會說... 乾淨整齊就可以了。

 

 

小墨並不喜歡全紅指甲﹐有說襯褂及金器非紅色莫屬﹐但請問同一日要襯婚紗及晚裝喎?? 一定會怪怪的﹐到後期... 都不管了... 自己喜歡最緊要哦!!!

 

 

最後... 造了這一種....

過了媽媽關﹐自己又接受得到是最好的!!!

 

 

謝謝好友報料﹐哩種甲看上去很像Gel甲﹐其實學名係什麼透氣營養蛋白甲﹐本來佢係要留長晒D指甲﹐但去到最後關頭﹐有兩隻完全斷掉﹐都唔知典算；好彩該店小姐好好人﹐幫我試造加長版﹐好彩成功了哩。

26 Dec 2009 - 墨麵大婚日

唔覺唔覺就結在婚幾日喇!!

 

 

話說果日一切算順利﹐Time Keeping都好好﹐不過事總不會完美的....  但有此成果已算好唔錯!

 

 

感謝各位勞苦工高o既兄弟姊妹﹐特別係姊妹們﹐你地對我真係好好!!!!! 錫晒你地!

花仔南南、大渝、細渝﹐仲有幫佢地打扮靚靚的兩位林太。

舅父阿姨們出手相助﹐在我上頭前趕到幫忙貼對聯及一屋囍字。

mua Candy﹐約佢五點到我屋企﹐佢真係四點五十五分就係我屋企樓下按鐘!

傻哥!! 幫我做在兩日看車仔﹐咁我同麵唔駛下下搵地方泊車﹐掉低架車就可以走在去!!

出路遇貴人﹐周圍都遇到出手相助的人!! 謝謝!!!

 

 

要多謝的人真係好多﹐希望各位曾出手幫忙的﹐深信我心底的極度感激!!!

 

 

 下一個mission... 就係保持靚靚﹐我要做靚太!!!!

囍帖

十一月尾過大禮﹐拖到十二月頭先至真正開始派帖﹐晚晚番屋企就好似工廠女工咁不停係度攪D帖﹐係差在未駛用毛筆 + 墨汁咋﹐點解? 因為最後全部帖都係.... 用手寫!

 

 

一定有朋友仔覺得我好笨蕉﹐點解要用手寫咁花時間哩﹐其實唔係特登o架﹐有網友仔知我一大早就已經買在Label﹐可恨的是.... 原來 D Label只適用於只請一個人上面﹐如果請先生/夫人甚至闔府統請的話﹐用Label 係超爆肉酸的! 所以唯有買支金色油﹐乖乖地係樹罰抄!

 

 

寫帖面... 原來應該由右至左﹐中文嘛... 但媽媽睇完唔明﹐講解在都唔明﹐再有人問佢﹐佢只答『唔知呀...』咁你問來做乜?! 跟住... 闔府統請又人話﹐應該係XXX先生然後隔離寫闔府統請....﹐然後.... 有些親戚又略嫌我寫得生疏﹐鐘意睇我寫埋我對佢地o既稱呼上去﹐當然唔係XXX大人果種﹐但... 其實有無人記得﹐親戚果D﹐個輩份應該係基於我老豆及阿媽o既角度去寫哩? 哩D真係公說公有理、婆說婆有理﹐人人鐘意o既都唔一樣﹐好難迎合晒咁多位o既角度﹐希望大家多多包涵啦。

 

 

我係用聘珍提供o既帖然後再自己出去印刷內頁的﹐在屋企開始包裝時才發覺﹐帖裡面很難放入一張美心餅卡! 就算放得進﹐帖面都唔平﹐有點怪﹐any肥... 成Set o野有帖、有餅卡、有利是啦!

 

 

由於手上只剩兩張帖﹐可以Post 喇!

有人問... 做咩得個背脊﹐有幾多人會Keep帖o丫﹐噓.... 婚宴後當大家掉我地張帖時﹐唔駛掉埋我地個樣o丫嘛!!!

 

 

鳴謝中學好友的幫忙... 設計了這個哩。

努力搬屋中...

近期o既Weekend好努力咁.... 搬屋! 上兩星期係先搬冬衣﹐然後再搬夏衣﹐再將哩幾個星期會著的幾件搬回竹園! 尋日... 有小量o既雜物都進駐沙田喇!!

 

 

首先係N年前日本之旅時買的電話卡.... 明明唔會打﹐偏偏覺得靚﹐不過N年後o既今日覺得﹐買黎儲... 都幾浪費地方。

一貫Sanrio作風﹐Colorful!

 

 

以前很喜歡記事簿﹐所以配了Snoopy活頁﹐但... 光只是買卻不捨得用.... N年後o既今日... 沒有發黃﹐唔錯唔錯。

 

 

剛o岩第一次領到提款卡時所派發的使用手冊‧‧‧

 

 

理財助手?? 真唔敢當呀.... 樣樣收費的哩.... 助手?!

 

 

又是N年前的日本旅遊時帶回來的東東.... 紙袋!!! 紙袋唔駛錢的﹐膠袋才收錢的啊!!

 

 

還有... 日本廸廸尼的Pass Holder!

噢! 對上一次去已經是2000年時了.... 左邊那個是第一次去時買的... 應該是199X年!

 

 

不知那年出版的地圖... 應該乜都變晒了﹐宜家要搵資料?! 去Centamap啦!!!

 

 

初初成立不太久的元綠壽B﹐我做埋Member o架!

 

 

原來我有咁多舊o野係樹....

大家一齊投個票啦!!!

各位﹐幫幫手o丫﹐我花女大渝有份參加小小Model親善大使呀!!! 幫手投多幾票啦!!

 

 

http://www.sdm.hk/web/

 

兒童組入面o既林曉渝就係喇!!!

 

 

各位幫手入去投個票啦!!!!!

剩下兩星期了‧‧

又一個星期了﹐每一日放工都有schedule﹐放工做得一樣就做唔到第二樣﹐好正常呀...

 

 

在剛過去的一星期﹐日日放工都有D攪作﹐星期一放工﹐因為漏在D o野係沙田﹐所以要特登番入去攞! 星期二去在睇腰骨醫生同埋奇妙姻典Rehearsal! 星期三約在一班舊同事食飯 + 派炸彈! 星期四去在做Facial同埋拎D姊妹裙俾姊妹們試! 星期五﹐兄弟姊妹Gathering! 雖然姊妹得三位代表﹐有一位仲係好夜先至收工﹐但總算完滿結束啦!!

 

 

下星期哩... 又來一堆schedule呀﹐weekend就留來搬屋了!

 

 

早兩天已經請好假﹐小妹會番埋21號﹐然後就直放﹐下年四號先至再係公司出現了﹐好似自出來做o野後﹐除在係屋企量地o既日子外﹐未試過放咁耐假....

 

 

仲有兩個星期... 係時候又揀一D相upload俾朋友們睇喇‧‧

 

 

哩輪都好忙... 明明好似唔應該有好多o野攪﹐但最後.... 係真係好多細節要小心哩....

 

 

都係果句啦.... 我Big Day日希望大家輕輕鬆鬆去Enjoy啦!

飯檯 + 餐檯櫈

係初初初頭時﹐我地確係有諗買二人檯﹐不過睇清楚以後覺得.... 未免太鬼鼠了﹐想二人同時用檯有點妄想﹐所以開始同麵講﹐二人檯太細了....

 

 

有段時期我地研究圓檯﹐無腳位嘛﹐不過好友們紛紛出言提醒唔好﹐話好浪費位置云云。

 

 

早兩星期前﹐媽媽幫我係九龍某商場看到一張應該幾適合我地o既飯檯! 外型非常Ok﹐因為是可伸縮的橢圓形檯!! 上星期六送貨了....

先拉出來...

 

 

兩邊都打開後的Size...

 

 

收檯後...

好慳位呀~~~~

 

 

然後... 星期日那天﹐去Ikea配了兩張櫈....訂貨後今晚順道去提貨....

 

 

阿麵開工喇...

 

 

掂喎﹐算幾快手哩....

 

 

Yeah.... 砌好了!!!

正!

好玩吸塵機

新居已埋尾﹐就久將我地o既o野搬入屋就住得喇。好想快D買吸塵機﹐成日覺得一地垃圾﹐掃極都唔乾淨!!

 

 

老早已經對Smartech產品有興趣﹐向朋友查詢使用情況﹐覺得應該還可以；其實都有去過百記睇﹐睇中一部Electrolux的﹐不過覺得Smartech產品較袖珍﹐最後親身去Smartech Counter睇實物後﹐都係買哩部啦。落Order後大約三日就送貨了...

其實哩部同好友家裡用的那部不一樣﹐這部是有線的﹐好友那部沒有的﹐但沒有線的那部﹐心理上覺得很不夠力﹐所以.... 還是選有線的吧!

 

 

要看看Scale嗎??

 

吸力足夠我地小屋仔有餘﹐仲可以收入櫃桶﹐正!