公司我地部門黎在新同事 (下星期陸續有黎)﹐佢係一個德國人﹐但... 好無尾飛佗。
星期一：Arrival
星期二：正常
星期三：On Trip
星期四：十點半先至見人
星期五：十一點半先至見人
其實好尷尬﹐我只係一個小小的部門秘書﹐我覺得自己無權管轄你﹐不過... 你唔番都出o下聲o丫﹐有人問起我唔識答咁點算呢?
Call佢... 電話駁在去一個阿姐度... 阿姐又支吾以對﹐將我電話擺埋一邊就算﹐佢連線都唔收果o下抵死。
再Call佢個有Roaming的中國電話﹐唔通喎﹐點呀~~
到近十一點﹐再打國內電話﹐今次通喇﹐但由於我唔想佢覺得我『芒』住佢﹐唯有好客氣咁問﹐你會番黎嘛...? 定係你今日China Trip呀? (其實我知佢今日無Trip囉。)佢先至話就番喇就番喇﹐Lunch後見~~ (Lunch後見添~~
宜家D人係咪咁無尾飛佗﹐我地部門另一個Assistant又係﹐Schedule成日變又唔出聲﹐靚女呀靚女﹐好多人會問我你地番唔番o架﹐唔番你都講聲o丫﹐人地問起我咩都唔知真係好無道理o架﹐同埋人地只會覺得我不力o架咋。
我究竟幾時變在做D同事o既褓母呀?!?!!
話咁快就放完一個假喇﹐點解好似尋日先開始放咁o架....
我哩個新年假﹐用三日Annual Leave換來連放九日﹐Suppose應該好爽﹐其實可以更爽﹐如中間唔駛逐家逐舍去拜年﹐我地o既新年假期會過的更開心、更順暢﹐唉.... 不過算啦﹐日子已過﹐唔想都無法子﹐咁... 哩九日最好o既係﹐就算拜年﹐都可以中午先至起身囉.... 哇哈哈....仲要哩九日當中包括在大約五日左右o既極凍日子﹐就算中午都係得九度.... 
黎緊哩個星期﹐氣溫將會回升至大約廿零度﹐係咪Short o架﹐溫差咁大o既?? 即係話﹐要洗衫就快手D喇﹐好快又來回南天哩..... 抽濕機又要出動了!
好o勒... 過年哩個Project過後﹐係時候準備下一個Project!! 就係我同油麵o既Honeymoon之旅﹐地點係日本!!! 又要努力Search酒店同埋旅行資料喇!!! Yeah Yeah Yeah~~~
去拜年多日﹐今日有朋友來拜年啦!!!
有朋友仔帶在新玩意來 (對我來講新而已﹐佢地已經玩到熟晒!)﹐哩套玩意叫Rummikub! (點讀? 我都好想知喎。)
玩法係...首先要找出一組組的數目字﹐可以係數目字一樣而顏色唔係一樣﹐又或顏色一樣但數目字順序﹐同埋可以將D數目字推來推去以可以自己出牌! 但... 第一Round嘛﹐要所有自己出o既數目字加埋有三十先可以開始﹐如果一直都無﹐就要一直加牌﹐直至夠牌出為止。
似唔似打麻雀呢? 其實... 都幾似....
o拿o拿o拿... 一直出不了牌的情況....
有兩隻仲做了雙層巴士一樣﹐唔夠位擺﹐要疊上去!
哩個遊戲係都幾考我地o既變通能力﹐將所有牌推來推去﹐每組不可以少過三隻數字﹐初初都驚自己攪唔掂﹐不過So Far都Ok﹐雖有甩漏﹐但... 還可以... 還可以...
原本安排好初一到訪四家就可以完成向各位長輩拜年o既計劃被打亂了﹐承蒙小墨媽通知一半唔通知一半﹐攪到我初一未能於婆婆家向各位舅父舅母阿姨拜年及給各老表派我第一年o既利是﹐所以初二才去婆婆家、姨姨家﹐然後初四一舍、初五一舍﹐今日終於完成晒﹐明明請AL為放假的二人﹐攪到日日都周圍走無時停。
有D人可能會話﹐第一年去晒咁多舍都無所謂啦﹐但...講就輕鬆囉﹐叫你撘車去晒十幾家你都咪話唔辛苦。去都不是大問題﹐但佢地有D住係人煙稀少o既地方﹐一定要撘的士或叫戶主出黎車我地至去到o既地方；又或.... 你想去﹐都要對方係屋企至得格﹐我一句話黎拜年﹐就攪到人地街又唔去得要係屋企等我﹐其實.... 都幾唔好意思o架。
今日當完成晒各家拜年﹐我地兩個都番新城市行下﹐竟然咁大個商場有安排舞獅表演﹐係好多家店門口玩採青哩!! 不過新城市果然係新城市﹐勁多人!!!! 後尾因為買o野原固要走一轉上水﹐上水就無咩人﹐好好行﹐不過... 我相信如果日日都係咁o既景況﹐商場D舖頭應該摺得咯....
餘下來有兩批朋友會來我家拜年﹐星期六及星期日﹐而星期六那一批朋友們﹐我已經約好144來我家等你地喇!!!!
本來我不大想在家設置麻雀的﹐因余家細小嘛.... 但最後都有法子有麻雀了... 哈哈....
(多謝渝媽幫忙)
見阿媽攪團年攪得咁過癮﹐有大量家務未做o既墨麵二人﹐係都要出街食番餐街飯。
結婚前一個月﹐無乜胃口又唔係好敢食o野o既我﹐講在係結婚後要勁食一餐﹐但種種原因之o下﹐攪到今時今日都係未去『刷餐勁』的。咁今日放工﹐咁橋阿麵公司放早﹐我地唔怕一街人而可以去食早飯!
無錯... 又係佢﹐板長! 不過哩張相係新o架﹐唔係摷舊相用o架!
自第一次係板長食過珍寶帆立貝後﹐每次都要Order!
點解我次次都覺得元氣o既海膽好味D o架~~
哩碟... 都Ok啦....
發 mo畫錯在蟹麵豉湯... 最怕係街食蟹的啊....
見有網友仔食溫泉蛋咁開心﹐我又整一隻糖心的﹐不過.... 二人都係覺得麻麻地....
本來諗住食飽行花市的﹐但.... 落雨啦..... 咁去買少量賀年食品然後就打道回府了﹐算吧....
連續濕度達9x%的幾日後﹐二人耐不住掠極都唔乾的衫﹐終於買在部抽濕機!
有諗過駛唔駛買大部D、多Function D﹐不過考慮過後﹐其實我地主要都係要抽乾D衫﹐唔好掠極都唔乾﹐同埋.... 以前老家都係用緊同一牌子o既同一個升數﹐So Far用在咁多年都Ok o丫﹐最好o既係﹐係同升數o既抽濕機中﹐哩部係唯一可以乖乖地企係床下底o既一部。(都要考慮埋唔用時擺邊o架嘛...)
其實... 經星空先生提醒﹐我地係有考慮過直接將D衫拎落街磅洗﹐不過我好擔心如果無良o既洗衣店﹐用太高溫烘乾導致縮水﹐到時鐘意o既衫玩完的話﹐我咪仲頭痕!!
我本身係鐘意Pan記果部多D o架... 不過... 佢太高喇~~ 哩部... 剛剛好...
今晚係太子、旺角走了一轉!
由太子向旺角方向﹐需要橫過彌敦道﹐才可以向西洋菜街前進﹐係.... 旺角道附近o既其中一段路﹐紅公仔正亮起﹐但見一位途人﹐拉著買餸手推車﹐除除在馬路中心橫過﹐我就企係路邊﹐看著這人除除橫過一條好多車走過的路﹐但... 他的施施然﹐令我同麵都在奇怪... 究竟現在是綠公仔還是紅公仔呀? 我地再望望... o丫... 明明係紅公仔仲咁鬼多車﹐佢都仲可以咁大模施樣的﹐好o野!!
然後去到惠豐中心附近﹐依然是車水馬龍的一條馬路﹐後面突然有位婆婆大喝『行啦!!!!』然後我與隔離的那男人都不約而同各向一邊宿開﹐然後擰轉頭看看什麼事﹐然後再向公仔標示燈望過去﹐幹嘛!!!! 明明是紅公仔有什麼問題﹐然後阿婆還在卒卒念的好像我們在阻著她一樣! 神經病嗎??
係... 旺角係多人﹐但哩兩位道路使用者都異常怪誕﹐你們倆衝出馬路後如果被撞﹐究竟會話係邊個唔o岩o丫?? 明明係哩兩個人唔o岩﹐但害司機們被罵的狗血淋頭﹐你們走出馬路有人讓並不是必然啊!!! 苦了各位司機大佬大姐而已呀... 到時後﹐錯的就被說成是對的﹐對的又被說成是錯的﹐製造問題啊~~~
為在墨麵囍事﹐我前後買在三對鞋。
第一對﹐係映Pre-Wedding前買的﹐自以為買完安安樂樂﹐映相、甚至Big Day都靠晒佢﹐但原來唔係囉...
因為著著下覺得.... 個高度係咪唔係好夠﹐得兩吋﹐好似矮在D﹐諗諗下覺得係咪應該搵對高D o既哩‧‧‧
當我仲係樹15/16之際﹐同網友仔o既一次金都之行﹐途經其中一間鞋店﹐網友仔入去問如果俾對波鞋佢地加閃石要幾錢‧‧攪事之徒小墨就拎起人地o既高跟鞋左拼拼右看看﹐睇睇下仲著埋上腳﹐Wow... 好靚呀~~~~ 有人心郁度立時上升至90%﹐同埋哩對鞋可以造前Platform﹐望上去仲唔覺添﹐正呀....
然後同麵商量﹐麵話：『你鐘意啦。』就係咁﹐第二日就拉住麵去金都訂鞋﹐就係咁﹐兩個星期後﹐第二對高跟鞋就面世了。
哩對真係幾舒服﹐同埋Big Day果日﹐因為此鞋有『Cool』腳繩﹐完全無甩鞋o既擔憂﹐除在朝早著褂鞋外﹐全日其他時間都係著哩一對﹐不單無腳痛仲健步如飛!!!! 散席後拍埋最後一張相﹐心情依然非常趕緊o既我依然『跑』向新娘房﹐唯伴娘小姐立時提醒『散在席喇﹐換在衫就番屋企﹐唔駛再跑喇。』我到今日都仲好鐘意哩對鞋﹐雖然.... 佢同金都其他店的款其實都係大同小異。
最後一對係褂鞋﹐由於有利係專賣晚裝鞋同跳舞鞋﹐我完全無諗過佢會無貨﹐Big Day前兩星期先至去買﹐但原來係真係會我o既Size賣晒o架喎!
其實老早已經看上了此褂鞋﹐有如意結好可愛!!! 中途曾經想變掛﹐轉投更高跟的款式﹐及曾經考慮去買全金波鞋﹐但金波鞋很早就放棄了﹐因為小妹o既高度有限﹐我好希望可以高一點點﹐所以放棄了... 唔可以學小馬啦! 買褂鞋時想買更高跟﹐但喜歡的Cool腳款式已經唔出﹐又或另一些更高的﹐可是我又怕在Big Day PK! So... 還是回歸基本步吧!
Big Day高跟鞋：金都三樓333號舖 - 美滿鞋屋
褂鞋及第一對銀色高跟鞋：有利鞋店 (太子Nokia專門店左面幾個舖位的樓梯底及二樓)
變身不牛人已經第10個年頭了﹐擰轉頭望就好似只係昨日開始一樣﹐牛味... 我都仲有D印象o既﹐不過已經抅唔起我o既食欲喇﹐幾年前曾經試過將一件牛放近咀邊試圖咬落去﹐不過... 最後都係失敗的... 我將舊牛放低了﹐然後繼續食自己手上的一份豬扒。
自第一次不能成功捐血後﹐覺得變身做不牛人﹐最麻煩的就係有機會紅血素唔夠而被紅十字會拒我於門外﹐其他的﹐好像沒什麼大不了﹐什麼補血偏方我全部完全無考慮過... 直至最近﹐病後頭暈暈的感覺揮之不去﹐醫師見我說了很多天頭暈都無甚起色﹐幫我量過血壓就說我暈佗佗的原因應該是血壓低(上壓9x、下壓5x)﹐血壓高會爆血管我就明﹐咁血壓低又會點呢?? 同事說﹐血壓低一樣咁大鑊﹐因為有可能行行下街因血壓不足﹐所以Bulb唔到血上腦有機會休黑! 隨時暈倒街上然後醫院見~~~ 咁哩樣我又無諗咁多﹐我只覺得... 天呀... 當我係公司坐係寫字檯前那天旋地轉的感覺很要命﹐o野唔想做(雖然其實任何時候都唔想做o架喇)﹐不過連去Pantry吹水或飲水都無心機果下大鑊。
雖然唔知關唔關事﹐但我開始覺得﹐都要研究一下有咩補血小秘方﹐小墨媽聽見我話血壓低﹐佢拿拿林係櫃底抵晒D暖壺出黎﹐叫我焗紅棗水飲﹐然後有幾個同事知我係公司天旋地轉﹐又買埋D紅菜頭汁同我分享(因佢自己都需要飲)﹐姑姐更話叫我飲養命酒! 嘩o下.... 突然之間好似要補身咁﹐其實好驚﹐我只不過打算試小小姐﹐飲在幾日伯3我﹐見好少少o即就收手唔再攪﹐唉....
今日經過深水埗﹐平時唔鐘意食豬潤的我拉了阿麵去食豬潤麵﹐其實已經好不可思義o架喇... 平時o既我如果隻碗有一件都拎走佢的﹐今日我竟然提議食豬潤麵喔~~
咁哩間咁出名﹐佢D貨一定新鮮o既﹐在我口中味道雖未至於好正﹐但已經列入可接受的範圍﹐依然有機會Encore哩! 不過真係賺死間舖﹐一碗麵賣$22﹐我覺得好貴喔!!
很久沒有行山﹐美其名是要跟陽光玩遊戲﹐不如說是自己懶惰吧；朋友們說今次行的路線非常簡單﹐那... 好吧﹐一起親親大自然。
出發了... 在竹園住了那麼多年﹐要走這段斜路﹐這次還是第二次而已。
才剛出發... 已有隊友隋後了.... 其實這條斜路真的很要命的....
當年跟嫲嫲一齊住的時候﹐遠遠就只望見這裡有一幢大廈﹐永遠覺得很遠.. 很遠... 當年那大廈拆卸了﹐現在重新再起﹐現在這幢比以前好多了﹐設備當然更齊全﹐但我腦海依然是N年前的那幢大廈~
走到中段﹐看見這種山路﹐其中一位朋友很是雀躍﹐但.... 我們今天走的是輕鬆版﹐加上都唔肯定這路去那的... 朋友.... 走吧.... 別要想太多了....
快接近終點了... 因為看見了這紫竹亭....
到了... 到了....
這就是食豆腐花的地方....
看得出已用了多年的熱水器!
豆腐花、還有魚蛋﹐魚蛋$10 - 10粒﹐算好抵的了!!!
大家都很努力的吃...
而我...卻是努力的拍照...
離開後... 走了不久﹐看到這個標示.... 什麼廁所在20分鐘後的地方?? 如我真的要去﹐應該... 都趕不到的了...
幹嘛... 想用寶礦力洗頭嗎??
行完才來拉筋的幾位....
很久沒有走近大自然﹐今天感覺得到體力還可以啊!!! 跟友人提起再或或那裡有些不太難行的『郊遊』﹐再努力努力!!!
今年日本o既嘗櫻期係三月尾開始。
不過... 小墨同油麵Book唔到遲D o既機票去Honeymoon﹐宜家唯有三月中至偏少少尾啦﹐七日六夜﹐非常期待非常期待!!!!
忙碌攪結婚Over一年﹐婚後覺得時間多了許多唔知做乜好﹐宜家.... 終於又有點寄託了.... Yeah Yeah﹐努力搜集資料中!!!!
Target三晚係輕井澤或伊豆﹐要有浸溫泉!!!! 住鄉土一點的﹐自然一點的!! 然後踩番東京!! 我要去已經10年無去過o既日本Disney! 究竟果間靚靚鬼屋還在嗎?? 仲有果個攪到我驚玩機動的後樂園遊樂場仲係唔係樹?!?!
下一步要做的係.... 搵酒店!!!! 否則... 瞓街都似!!!
﹐立時覺得... 好抵呀~~~ 
