哩幾日唔知點解咁橋﹐有咁多郊外活動呀! 早兩日去在踩單車﹐今日就去在飛鵝山行山。
有人輕鬆之際﹐仲未知今日著在好錯o既衫。
今日跟油麵D friend行山﹐又係佢話好輕可﹐咁我搵唔到運動褲﹐咁咪是旦著囉﹐點不知﹐差D攪到我要撘直昇機番黎。
終於去到起點喇。
有人仲以為今日係咁二行下‧‧
然後有人起勢咁拉筋‧‧
然後先至起程。
第一站景點：
第二站景點：
其實映哩張相之前﹐即係休息之前﹐我已經暈佗佗喇﹐我真係有諗過﹐係咪今日我要撘直昇機番落地面；又話好輕可o既?!?! 點解會咁辛苦o架?!?!?!? 不過領隊話﹐可能我暈因為行得太急。
高D再黎‧‧
Wow...
其實我地o既腳下係咁o架‧‧
叫我沿路番轉頭o既話﹐我相信我已經Call在飛行服務隊喇。
再高D時‧‧
終於都到最高點喇!!
去都剛好到在黃昏﹐如果大家唔嫌棄拍得太快﹐請睇Video啦。
攰死喇﹐不過﹐見到咁靚o既風景﹐辛苦都唔係唔值o既﹐但我如果再行﹐就一定要投資小小行山衣著至得喇。
小墨家族年年初三都會搵D o野玩﹐今年由Indoor移師Outdoor!
當然唔係全部都係我地o既人啦﹐只不過﹐原來初三真係咁多人去户外活動!!
小Helen都踩埋一份呀!!
好多年無踩過哩一條線喇﹐好似溫故知新的一樣! 同埋成條路都整得好靚o丫!!
奧運馬術比賽後﹐哩度又回復原貌了‧‧
踩下要等下啦﹐我係中間的﹐呆笨朗同我表弟、表妹們就踩得超快!
宜家由大圍去沙田段路整得好靚!! 以前係路邊沙塵滾滾﹐宜家會由科學園隔開﹐係海傍邊果度踩! 不過哩‧‧以前果架有o野食o既船就無在喇﹐取而代之係多在幾個小食亭同埋好多好靚o既廁所!! D廁所仲有D阿姐抹地o架!
我第一次到科技園﹐覺得佢真係好靚呀! 不過覺得﹐如果係度番工﹐係咪成日無得出去食飯?! 日日帶飯都好頭痛呀!!!
幾經辛苦﹐終於都去到大埔喇﹐媽踩到索晒氣‧‧我地要慢慢等佢地‧‧
回程喇‧‧媽已經交番車﹐撘巴士番屋企﹐十五人出發﹐有七人係大埔交車﹐有八人踩番轉頭番大圍!
番到沙田區都黃昏咯‧‧
交埋車仲黑齊天喇‧‧對腳好攰呀‧‧今日好夠皮呀‧‧
又到在新一年喇﹐大家逗得多唔多利是呢?? 我每年收o既利是﹐比上不足、比下有餘﹐所以我都提醒自己﹐利是其實係一個祝福﹐俾利是o既人想我順順利利。
年年初一﹐姑媽都會安排午餐團拜﹐今次係旺角某小型酒店‧‧
食物是無往年我們去尖沙咀那家咁多﹐那邊都比較熱鬧﹐但我還是覺得試試新地方都唔錯。今日走足四場﹐好忙呀~~ 都未試過年初一咁多地方去拜年﹐但都是應該的‧‧
今年跟往年有點不一樣﹐也許是收利是的最後一年吧﹐總覺得心情有點點不一樣‧‧﹐因為每每親戚們派o既時候都會提及『出年你要派俾我個仔(女)喇!!』
對啊‧‧你們沒有看錯‧‧下年我要加入派利是一族了!!
我跟油麵今年年尾結婚了‧‧
所以今年要四出﹐盡量逗多D利是呀!!!
今日係鼠年最後一日﹐聽日就到牛年喇!!! 哩兩日係屋企都執在好多o野﹐掉都掉在唔少﹐終於明白點解 D Auntie成日都話唔好買咁多o野﹐因為買得多、掉得多﹐又或者係屋企搵地方擺都好頭痕!!!
今日晏晝執好晒D o野然後就出在街﹐嘩‧‧波鞋街o丫﹐多人到嘔
買完o野﹐去食飯﹐係市面上真係睇唔出邊樹經濟唔好
我的香草雞翼﹐初五再會吧‧‧
食飽飯﹐然後就去買花﹐已經擺在幾年桃花o既我﹐被制止再擺
每一檔都好多工作人員﹐人人都不停吶喊、叫賣﹐行到一半﹐覺得無咩花係特別想買的﹐所以就打算番轉頭去第一間
睇住一紥紥花俾人搶購﹐一個筒由十幾紥變到得番幾紥﹐即刻連自己都揀埋一份!! 最後都揀在一紥黃色鬱金香同一紥白色鬱金香﹐出門口遠處企在一陣﹐再折返買多紥襯花；番屋企插好﹐就係咁o既樣喇!
還可以吧? 哈哈‧‧
番埋剛過o既星期五之後﹐就開始在我連續九日o既大假!!
唔計上年待業時的短假﹐我都好多年無放多過長過五日o既有薪Annual Leave﹐當年係上環B記﹐就放過大約兩星期o既大假o既﹐仲要俾D同事笑『喂! 你既然番在香港就番工啦。』o希‧‧Annual Leave嘛﹐我請在假﹐咁梗係放啦!! 傻麼! 下星期o既初四同初五﹐我同油麵二人都攞在Annual Leave﹐所以‧‧哇哈哈哈‧‧九日呀!! 足足九日假呀! (連埋星期六、日)。
尋日朝起身﹐準備執o野之前﹐當然要醫下五臟廟﹐平時星期六我都會盡量同媽媽食﹐就上星期之嘛﹐帶在佢去食譚仔米線﹐佢平時唔會自己搵哩D佢未試過o既野來食﹐佢成日來來回回都係飲茶! 其實我唔係抗拒飲茶o既﹐不過如果茶樓有凍奶茶、凍擰茶加唔駛等位﹐咁我都會好豬持o架!!! 咁哩‧‧尋日費是落街﹐所以煮麵食﹐其實我都好耐無煮麵咯‧‧某次油麵拎在個蕃茄味o既麵俾我﹐未夠一個月﹐阿媽就落逐麵令﹐叫我快D煮黎食在佢﹐如果唔係就會變o架喇喎!! so I said 『.. mom﹐係麵黎o架﹐保存期成年o架﹐總之你由佢擺係度啦。』最後﹐尋日就係出前一丁與蕃茄麵之爭!! 而今日就係福麵o既天下。
可能太耐無食喇﹐好好味哇!!!!
由於樣樣都覺得唔急o既關係﹐最近只係繼續好努力的上網搵資料。
成日見到有好多人好鐘意果D新潮褂‧‧‧
顏色都好鮮艷﹐有D都幾靚﹐但望來望去﹐對我黎講都未去到非『新潮褂唔著』o既地步﹐某程度上﹐仲覺得傳統褂靚D添!!
係香港有一間好出名租新潮褂o既店叫Cocoon﹐一件裙褂租價動輒要二千幾三千蚊﹐D人仲要早成年前就要去租﹐如果唔係會無貨云云﹐好跨張呀﹐唔係唔靚﹐但未靚到咁囉。佢仲分正襟同埋側襟﹐側襟即係好似小鳳仙咁﹐但聞說側襟並非正室所穿﹐所以D媽媽一般會唔鐘意。我就鐘意傳統褂o勒﹐傳統褂都有好多款o架﹐選得o岩自己心水﹐其實都好靚﹐同埋哩D比較耐看﹐因為就算過在好多年﹐應該都依舊係好靚﹐夠長青呀! 特別係睇到人地個Blog果件傳統褂可以著到咁型﹐就知唔駛Cocoon都好掂啦!!
http://hk.myblog.yahoo.com/jw!Agy569qFGRlcplBTiTuT9ZCCdQ--/article?mid=2316
