又到在一年一度o既日子喇。
唔經唔覺﹐又過一年﹐上年o既今日﹐同ar mui、Dallas mom同Bevis下晝係Cova High Tea﹐我記得上年話下年(即今年)要移師去半島嘛﹐只不過﹐最後今年無哩個安排﹐可能因為唔係假期啦﹐又覺得無咩需要請假喎﹐咁所以‧‧繼續番工!!!
不過今年有D唔同﹐小墨媽係都要人家生日同屋企食飯﹐所以今年係咁多年以黎﹐第一年同屋企過正日；但問皇后想去邊食﹐佢又話叫我揸主意﹐連要搵埋哥哥食飯都係我親自出手﹐感覺怪怪的﹐同埋﹐今年前後左右無晒多年熟悉o既BV人﹐係公司只有好少人知今日是的我是牛一哩。(如果唔係Facebook﹐可能一個都無。)
生日願望﹐無咩特別諗﹐如果要講﹐都係個個樣樣都順利啦﹐雖然我係哩間公司已經係一個長期員工﹐我依然係覺得﹐長此下去不是辦法﹐我應該找一個可以令自己有點存在價值o既公司繼續工作﹐哩度太Hea了﹐其實都有點怕失去應有的工作能力。
好喇﹐最後多謝各位包括‧‧‧(打唔晒D人名唔好介意啊~~~)
向我爭取生日正日食晚飯o既人(係小墨媽啦!!)。
最近經常陪我係街做喪屍四圍行的人(到油麵了)。
各位請我食生日飯o既人。(食在、未食、唔知會唔會食的都多謝!!)
用sms、msn、Blog、Facebook同我講『生日快樂』o既人。
係Facebook send過生日卡俾我o既人。
叫我可以係佢Parking War度任泊一星期唔抄牌o既人。(雖然佢唔識睇中文)
打Intercom唱生日歌俾我聽o既人。(哩個又係唔識睇中文的!!)
同我食Lunch但唔知我生日o既人(嘩哈哈,,,, 係講緊你啊GG & 米高!!)
還有給我買蛋糕的老闆啊!!!
