我的星期一至星期五

最近每每見到各路朋友﹐都會被問起：『你番工番成點啊??』其實哩... 我份工應該係好多人夢寐以求o既工﹐一日有70%至80%時間係坐係度等時間過

﹐而剩下來的果小小﹐其實都唔係咩驚天大件事﹐因為已經包括在update一下每日最新schedule﹐同埋突然有人將D辦拿來我地部門做checking﹐而我要幫佢地mark低有咩sample啦﹐suppose要check D咩啦﹐幾多件啦﹐俾邊一個啦咁上下。

 

 

大部份人聽到之後都報以羨慕o既眼光

﹐覺得我搵到份唔駛點做o既工真係嘆啦﹐反轉都得喇﹐但只有曾經經歷過哩一類型工作o既人﹐先會明白固中無聊之處 (啟楠媽媽﹐你係第一個明白我感覺o既人啊!!!) ﹐容許我講一句﹐日日咁坐﹐真係唔知為咩；有人話既然份工咁閒﹐可以搵下Course讀下喎

﹐但我個位o既『養眼』程度真係﹐溫書的話﹐必要時間收唔切書﹐因為真係做咩都睇到﹐但Yahoo、Facebook、MSN就一Click就Shutdown

﹐方便得多。每日望住個鐘﹐佢每過一個鐘我就覺得﹐距離今日o既終點又行近一步喇﹐不過‧‧我唔知我可以忍得幾耐。

 

 

另外﹐自從黎在哩一間公司﹐我先至明白我地以前對新人o既不足之處

好似BV最後期o既露比咁﹐我地對佢o既照顧﹐當日係應該加強o既﹐不過我地平時講笑都同佢講埋一份、除在有時出街食Lunch唔記得預佢外﹐其實我地對佢都唔差o架喇；至於我宜家公司﹐我唔知佢地係真係對我有咁大戒心定係佢地太多密計要傾﹐我已經努力地表示友好﹐但佢地依然好似樣樣o野都唔理我o既一樣

；一般我地o既午餐都要係Conference Room度食因為老闆唔鐘意一個Office都係飯味﹐某日﹐我去買外賣番公司﹐Conference Room俾Account霸在做Audit﹐所以我地只可以係自己位度食﹐咁D同事明明叮緊飯o丫嘛﹐點知過在一陣全部唔見晒﹐我已經覺得奇怪啦﹐唔通佢地仲未叮完?? 點知到我食飽佢地都未番

；後來我先知﹐原來佢地去晒另一間房入面食﹐話費是俾HR投訴喎﹐但我明明已經係佢地視線範圍﹐佢地都唔叫我囉

。谷氣o既我打電話同PY嘰嘰喳喳發洩一輪

﹐下一下怒火...﹐但我已經覺得﹐我唔係好想留係度﹐我留係度究竟為咩... 真係有人工落袋就平平安安??

 

 

其實我因為哩件事而唔係好開心囉...