青年商會

尋晚朋友帶我去參加一個青年商會o既簡介會﹐同行仲有友人文地﹐我地兩個會去﹐一來基於朋友o既Invitation﹐二來﹐識多個朋友都好o丫嘛。

 

 

約在七點幾﹐我同文地都係超準時放工o既人﹐所以好早就到上環﹐永安、先施都行埋喇﹐咁當然我地真係只係行囉。等在好耐、唔知行邊先好才夠鐘﹐該商會都有其他朋友一齊﹐一行差不多十人先去晚飯﹐本來話食小小o野﹐邊係食小小﹐跟本就係一個晚飯。在晚飯中途同其他人傾計﹐閒閒聊﹐其實識人都幾舒服啦﹐原來我都可以o架喎﹐所以其實真係唔駛驚識新朋友。但哩一晚o既時間唔知點解好似過得特別慢的一樣...

 

 

差不多九時多才真正開始簡介會﹐由會長親身介紹﹐各我地幾個解釋佢地哩一個會o既目的﹐聯繫﹐說完了已經十時多﹐不知何解這一天都已經很累﹐所以都沒思索要不要參加﹐但同行另一個新人就即場填表及寫支票﹐也受到佢地o既熱烈歡迎﹐我們另外三個人都要回家再考慮考慮﹐其實我覺得有D hard sell﹐雖然佢地勁講自己唔Hard Sell。

 

 

其實我對這個會的認知不多﹐就是知道十大傑出青年係佢地選出來的﹐其他都不大明白﹐同埋付會費以後又一定要參加活動的﹐對於我一個新人來說﹐好像太多o野要做﹐如果佢地有D攪好在o既活動先叫我們參加一下﹐了解一下﹐可能會更加明白。