不外如是

番在工就黎兩個星期喇﹐雖然附近o既舖頭都未熟得晒﹐但都Ok啦。

 

 

不過今日放工o既時候再諗﹐唔知點解﹐覺得宜家公司的位置﹐未黎番工o既時候就覺得﹐好啊好啊﹐我都好想番來哩一區﹐但番在之後又覺得不外如是。N咁多年前係哩一區﹐覺得好正o架﹐附近又旺、又多舖頭﹐成日有得行真係好正啊；但番在之後﹐我都無正正經經行過﹐日日Lunch都係Office食飯盒﹐放工又拿拿林走﹐好似唔想留係哩度附近咁樣。

 

 

有一朝我係度諗﹐唉.... 以前番九龍灣原來都唔錯o丫﹐放工番屋企又快﹐朝早番工又可以晏D先至出門口﹐唔駛同呆笨朗仲有小墨爸爭厠所﹐宜家朝早個洗手間都好忙o架﹐先係笨蛋朗、然後到我、再到小墨爸﹐學PY話齋﹐好有次序啊! 排隊啊!!! 不過PY堅持『Gateway好、Gateway正、Gateway跨啦啦』。但唔知點解﹐我已經覺得佢無好多年前咁吸引喇﹐可能... 真係人大了﹐睇o既o野又多在﹐我已經同以前有分別了。

 

 

不過對我黎講最想係朝早可以撘巴士番工﹐其實朝早撘巴士﹐又可以回下魂﹐又可以聽下收音機﹐真係好鬼嘆o架。