Shopping二人組

Shopping二人組今日又再出動﹐目標係化妝品﹐本來諗住行街但最後買完化妝品就走頭了。

 

 

你地咪睇我成日都得個買字﹐我有用化妝品o架

﹐不過唔係超級明顯之嘛。每日係塊面上面都會畫D顏色上去﹐自己覺得自己有閒情去化妝心情好D﹐而見到我o既人又唔會因為我面無血色而嚇親

﹐一個動作﹐大家好過﹐可樂而不為?! 雖然有說加一層化妝品係塊面好似唔係幾好﹐但唔化時又唔見得塊面狀態有幾好(分分鐘仲差過唔化)﹐所以我係會繼續用格!!

 

 

但今日經過海運﹐見到有新年o既Decoration﹐我同PY都映在相。PY話﹐覺得海運都幾好o丫﹐過時過節都有唔同o既裝飾﹐好有氣氛；咁當然啦﹐有好多人都會特登出黎映Decoration o架!!

 

 

晚飯後去了Haagen Dazs﹐PY喉嚨痛﹐吃很多東西都吃不出味道﹐依據鬼佬學說﹐喉嚨痛是可以食雪糕的

﹐所以我地食在晚飯後﹐准許自己食雪糕!! 由於有Coupon的關係﹐俾一球錢﹐可以變成兩球雪糕﹐仲可以選擇生果、Topping同埋Sauce添喎!!! 悟... 雖然冒住增肥o既危險﹐但...  嘆雪糕時﹐Haagen Dazs真係好合心意。而係屋企牙痕時﹐最好就係維記雪米糍喇!!! Yeah~

 

 

PS: 星期五﹐我要打電話同Supplier夾Technician 到廠時間﹐但... 當我『響朵』之時﹐Oh my god... 我依然講BV Joann.....﹐好彩公司個電話出名細聲﹐對方聽唔到o即﹐即刻轉口講番個o岩o既。我真係要好好修理一下自己喇~~~