走過東薈城

星期日﹐晨早小墨媽來拍醒呆笨朗說『起身了﹐一陣就要出去了。』然後再伸手來上隔床『喂喂家姐﹐我地去食Buffet你去唔去啊??』小墨睡眼星松....說：『什麼?? 那裡?? o下?? 東涌?? 有無遠D啊?? 不過我今日無o野做﹐um.. 是旦啦...』其實都唔係好早﹐不過星期日係懶人日

﹐就算醒在都唔願起身o架啦﹐更何況本身我仲未醒o既添。不過我真係無咩幾何同佢地去食o野﹐所以見今日﹐就... 是旦啦。

 

 

今日係仲有契媽一家﹐去東涌Novotel食；契媽同小墨媽都有一個共通點﹐就係依賴身邊o既人去記o野﹐當我問小墨媽究竟係邊度食﹐小墨媽o既答案係『我唔知啊﹐你打去問契媽啦。不過你契媽都唔知o架喇﹐你問你契爺啦。』真係short short地

﹐平時又係成日都係咁﹐佢問我地點﹐我唔知佢講咩o既時候﹐佢就不停會話『哩... 果間哩...左面係xxx﹐右面係xxx﹐係咩咩路口轉過去o架哩﹐你知唔知我講邊度啊???』唉.... 我只會答﹐我真係唔知你講緊咩囉。

(連阿寶即契媽個女都話佢媽都係咁樣o架。)

 

 

今日哩餐Buffet 都Ok﹐都算幾多o野食

﹐契媽推介佢o既羊扒﹐話好好味喎﹐我覺得Ok啦﹐未至於超勁好味﹐而佢o既刺身只有兩種選擇﹐沙律D菜幾新鮮﹐同埋一般冷盤都Ok﹐但... 無我近年好鐘意o既沙律醋

。餐湯只有兩種湯﹐一個係青豆湯、另一款係紫菜海鮮湯﹐無忌廉湯﹐人家最鐘意飲忌廉湯類如周打啊哩D o架嘛。

不過佢o既甜點都幾多款﹐啡朱古力同白朱古力噴泉都有

(如果Bevis見到一定好鐘意)﹐有好多Mouss Cake﹐Cheese Cake﹐生果﹐Tiramsu﹐仲有Buff﹐雪糕﹐窩夫哩!!!! 不過Tiramsu只係一般因為佢用一隻個底唔平o既大碟來做﹐變在有D部份無餅底﹐有D就有餅底 + 勁多酒!! 唔平均喇!! 但Puff 就有成碟任你食!!!!

 

 

後尾食食下﹐都有同小墨爸同小墨媽映相﹐仲有呆笨朗﹐契爺、契媽﹐某日我突然醒覺﹐我同其他朋友都有好多相﹐映親都發狂的映﹐但偏偏﹐同屋企人映真係少之又少﹐所以我都自己提議來張相﹐不過今日哥哥沒參與﹐所以無映全家福﹐上一次o既全家福都已經係7年前o既事Lu....

模特兒呆笨朗出場!!!

 

 

食在Buffet後係東薈廊度行在一陣﹐Outlet雖然係平D﹐但大部份係斷碼同埋唔係即季o既衫﹐睇完都買唔到o野﹐但o岩o岩到果陣以為好多o野睇囉。