智寶的感覺

番在三日工﹐暫時仲未習慣哩一度﹐不過三日都仲係好少﹐應該再多D時間先知後來會係點樣﹐但暫時仲未有歸屬感﹐可能因為未習慣D同事﹐同埋果個任何人都睇到你做緊咩o既Working Area。

 

 

係BV時個位都好開揚﹐但可能又係習慣o既問題﹐同埋我以前個位正D﹐後面無咩人﹐偶爾偷偷雞做自己o野都唔覺﹐但哩度﹐人人行過都睇到﹐又未知邊一個係忠、邊一個係奸﹐實在唔敢露出真性情啊!!! 但我唔知點解覺得﹐隔離Department D人好似好D﹐可能因為我實在聽到我自己Department o既人講好多人o既是非而我又唔明啦；另... 阿姐o既無咩Sense o既作風﹐又好多人唔服佢喎﹐攪到我宜家都唔知點好﹐或者哩個係一個機會俾我練習一下交際手腕同埋忍耐力﹐但足以攪到我有點不安。

 

 

不過另一方面﹐我都係度諗其實我係咪方向錯了﹐Admin係咪根本唔係好o岩我呢? 我鐘意一個個Project﹐一張張單咁做﹐可以獨自處理亦要同人夾﹐但Admin唔係咁樣o既﹐濕濕碎碎﹐我都唔知係咪跟本我行錯方向﹐但行錯在咁又點算好呢﹐我已經落在場喇。係哩度最大o既得著係﹐悟... 我D英文都唔係咁差姐﹐so far 都未試過聽唔明佢地D鬼人講咩﹐不過哩間公司都真係好多鬼佬、鬼婆。

 

 

咁.. 我都有同自己講﹐乖啦﹐你估你仲係小妹妹咩﹐要俾多小小時間去體驗一下o架嘛。鐘唔鐘意係用直覺﹐直覺亦都取決在﹐究竟我鐘唔鐘意哩度﹐但好應該有點忍耐力﹐試試看﹐放D時間係哩一樹。希望阿姐唔好俾個陷阱我﹐希望D同事唔好再俾我覺得我係外來人啦。