今年第一隻傻‧‧啊..唔係﹐係糭至o岩!!

尋日食在我今年第一隻糭!!

黃色果D係黃糖﹐唔知由幾時開始﹐屋企就無在白沙糖﹐不過應該係最近o既事﹐馮師奶唔知聽邊個講話白沙糖唔好﹐所以就轉o勒

。咁哩樣我都聽過﹐但我講就唔聽、人地講就聽囉

。同埋大家有無發現食糉係有兩派o架哩?

一派係豉油黨﹐另一派係糖黨﹐佢地係互相覺得對方非常奇怪點會同自己唔同派哩?

有人話：『糭係咸o既點會點糖!!』亦有人話：『俾番D糖我﹐你唔食但我食。』其實哩個好睇家族習慣哩。

 

 

D糭係由馮師奶親手包o既﹐年年佢都包一大堆派街坊 

(街坊指我D舅父、舅母、叔叔、姑姐佢地)﹐年年如是﹐點解馮師奶哩D咁摩登o既師奶都識呢﹐係因為馮老太(即我阿"女麻")o既傳授

；想當年我仲係豆丁之時﹐都有拎住D糭葉係樹扮晒蟹﹐但學極都學唔識

﹐包極都包到甩甩漏。一路煲﹐D糯米就係咁漏﹐又或者變在超級大糉﹐包到雞手鴨腳

；自始﹐小墨只需坐埋一邊﹐年年就會有糉食

。我媽D餡料都足o架﹐仲自己攪埋D咩紅豆糉、眉豆糉﹐半隻咸蛋黃之類。想當年都有拎過D俾『祖林』﹐佢都話好味o架!!