我和我的老表

本來今晚約在幾位老表食飯﹐身為大表姐o既我﹐得閒同D老表聚一聚都好應該

。不過後尾因為馮師奶話今晚就到多D人一齊食做節飯﹐所以下令我地哩個老表聚會改期

。咁都Ok o既﹐宜家改下星期﹐可能會有其他老表加入﹐雖然人多了﹐不過有樣o野無變o既係﹐最大o既依然係我

。都唔知點解﹐由細到大﹐都被冠『大家姐』、『大表姐』o既稱號﹐到宜家﹐仲做埋『大表姨』添 

!! 其實... 要計o既話... 我仲係一個大姨媽來的(我在國內的表妹已經育有一子)﹐不過我勁講笑話『大鑊喇!!』咁我國內哩個表妹才叫佢的囝囝叫我表姨好了。

 

 

我同D老表都算係咁喇﹐年齡有小小差距﹐但大個在之後依然可以一齊講笑﹐哩幾次見面仲可以一齊打機﹐就今晚之嘛﹐玩Zoo Keeper打低在Jimmy哥同佢細佬阿立﹐不過我知你地都係讓我姐

。嘿嘿嘿嘿...! 我地仲有個好古怪o既行動﹐當我地係屋企MSN 

o既時候﹐大家o既媽子會透過自己仔女係電腦

上面商量o野。某次又係咁﹐我地各自代大家o既媽子傳話﹐最後兩位媽子越講越多o野問﹐我地兩個索性擺工﹐叫佢地兩個打

擺啦。

 

 

又某年有次好經典o既舉動﹐想當年我婆婆大壽擺在幾圍﹐當大家食飽飽後﹐仲有大壽飽食﹐其實大家已經飽到上喉嚨﹐但又話壽飽唔可以浪費﹐那就人人硬住頭皮食啦﹐後尾頂唔住﹐仲有幾個壽飽擺在係度原封不動﹐Jimmy哥提議猜飽剪搥﹐每輸一次食一個

。我唔俾人『大』我o架嘛有時﹐咁咪同佢講『玩咪玩!』。但大家都不停搵back up﹐因為再食真係會嘔

﹐點知我前後輸在三次﹐佢輸在兩次﹐即係我有三個壽飽、佢有兩個壽飽﹐最後係度互『質』對方食晒D飽佢。當然.... 我好彩有呆笨朗同馮生幫手﹐否則即場勁嘔

都似﹐不過果次因為幾枱人都知我地係度玩咩﹐所以佢地睇得開心﹐我地又玩得開心。

 

其實我同我D老表都幾Ok o架!!