呃錢啊!!!

唉... 都唔知係我唔識o野定係我俾人搵笨了。

 

 

尋日朝想著對高跟鞋番工﹐點知出到門口先至發現只中一隻腳個『鞋碼』不翼而飛。拿拿林番入屋搵一搵個鞋盒睇睇有無『士啤』啦

﹐點知見有但唔o岩色﹐唉... 唯有直情換在對鞋佢然後拿拿林趕番工先啦﹐遲到喇嘛

。到今日拎住對鞋通街走﹐見朋友話係地鐵果D整鞋o既舖頭都Ok﹐價錢都可以﹐咁咪拎去囉

﹐對鞋大大話話先著過幾次﹐點知一整就整在我$45

﹐唉... 我真係覺得﹐有無咁貴啊...

見佢係咁二車兩下就$45﹐唉... 如果唔係我特登拎出去我就唔鬼係哩度整o架喇

。究竟係我食米唔知米貴定係我俾人呃啊?!?!

如果耐不耐就爛一對o既話﹐你都咪話唔難攪﹐以前唔著高跟鞋就唔係好覺有哩一樣o野﹐點知今年買在幾對就要面對哩個問題.... 唉.... 真煩啊。

 

 

攪完對鞋去在搵Bo Bo﹐太掛住Bo Bo隻手喇﹐佢做Facial

真係好正﹐對上果次去佢度幫襯都已經係年頭o既事﹐相比起其他朋友﹐我實在係太唔照顧自己.... 塊面o勒

﹐鬼咩﹐最怕就係樣樣都要Book﹐Book完又怕自己唔得閒﹐自己得閒果陣佢地就無期﹐好煩。不過有樣o野仲還得神落

﹐以我咁夜訓﹐Bo Bo話我個眼圈都未算好厲害

﹐不過就要加油做多D防曬。我都唔興搽防曬o既﹐因為成日番到公司先至幫塊面批盪

﹐乜o野UVA、UVB都吸晒啦﹐搽黎幫助好似不大

﹐不過為在可以好安全咁好陽光玩遊戲﹐我都要正視一下哩個問題了。