師奶仔?! 婆仔?! no no no... 係環保!!

你地睇下下面哩一包係咩黎o既??

燈燈燈櫈.... 其實係一袋我買o既新衫﹐自從試過幾次要決定係咪掉在屋企果D新『束束』o既紙袋、膠袋之後﹐我就向自己提倡﹐以後要自備購物袋!! 圖中果個白色o既袋係某次係『傘仔』買衫時送的﹐自始之後﹐我就成日帶住哩個袋去shopping﹐今日好彩帶住佢﹐如果唔係﹐我番到屋企又要諗左、諗右究竟掉唔掉膠袋、紙袋o勒。

 

雖則話我一個人做o既o野係唔夠﹐但起碼﹐我今日就慳番兩個紙袋﹐我一直都有同朋友宣揚我哩個舉動﹐希望總會有人被感染﹐希望做得幾多得幾多啦。其實我睇住人地(或自己)掉膠袋、紙袋﹐我真係有肉赤感

﹐個袋仲咁新就掉﹐好浪費o丫﹐就算留黎做垃圾袋都係浪費﹐我都唔知咁樣算唔算婆仔﹐不過實在非常『心安理得』囉。

 

喂喂... 各位﹐考慮下加入哩個行動啦。