好舒服啊‧‧

今日見放工無咩做﹐但又唔想番屋企喎﹐所以就搵o野做o勒。

 

 

事原有朋友尋晚去完做淋巴按摩﹐番來話感覺幾好﹐我見自己又無咩好做﹐D friend又唔係好得閒﹐咁今晚就輪到我自己去玩啦

。不過你都咪話.... 都幾舒服啊!!

我做在1 Part腳﹐悟... 個師傅手勢不懶喎﹐仲有個大電視對住我﹐所以我連平時睇唔到o既『娛樂直播』都睇埋﹐然後再至做淋巴﹐又係手勢幾好喎。

 

 

係就係有D痛

﹐無可避免格o勒

﹐不過全程感覺Ok﹐不過按下按下有D位真係『嘩嘩嘩嘩嘩... 救命』

﹐但都有睡意﹐所以都幾舒服。間o野又好似幾乾淨喎﹐我覺得都係值得推介o既

。我相信我都會再去哩﹐雖然佢位置隔涉在D (對我黎講。)

 

 

最衰自己無記性啦﹐唔記得係浸腳時映番張相番黎 post

﹐我覺得佢地設計浸腳o既盆幾攪鬼。下次啦... 下次先至映番黎啦!! 嘿嘿.... 同埋﹐拿拿林去飲多杯水先

﹐幫助排出廢物啊!!