因為遲下約在阿Jim玩試映相﹐因為話晒都係新春﹐所以就要係過年前買定對鞋o勒。
聽好多ESD Life的準新娘講﹐佢地都話太子有間有利鞋店﹐D鞋好Ok﹐唔貴﹐咁當然D鞋唔係絕靚﹐但以著果幾日黎講(映相同埋Big Day)﹐非常Ok哇!!
有利鞋店有D成四吋高o既高跟鞋﹐本來我都好想買﹐不過真係要好大勇氣﹐因為到最後時要著成日o架﹐隻腳實痛死；鞋店老闆都好老實咁話：『靚梗係靚啦又夠高﹐但D力聚晒落腳趾﹐我話唔痛就呃你o既。』
所以思前想後﹐我都係買一對比較穩陣o既鞋好D‧‧‧
