年三十日、晚

今日係鼠年最後一日﹐聽日就到牛年喇!!! 哩兩日係屋企都執在好多o野﹐掉都掉在唔少﹐終於明白點解 D Auntie成日都話唔好買咁多o野﹐因為買得多、掉得多﹐又或者係屋企搵地方擺都好頭痕!!!

 

 

今日晏晝執好晒D o野然後就出在街﹐嘩‧‧波鞋街o丫﹐多人到嘔

﹐如果唔係油麵要買番對鞋﹐應該已經九秒九秒離開哩條街喇

。成條街﹐間間舖頭都話有折﹐八折、九折?!?! 但款就一般啦﹐見到我好鐘意果對火車頭波鞋終於大減價﹐但諗諗下﹐我真係太少著波鞋﹐都係算擺啦‧‧

 

 

買完o野﹐去食飯﹐係市面上真係睇唔出邊樹經濟唔好

﹐因為今年o既年三十晚﹐多在好多舖頭休息!!

包括譚仔、雲南過橋米線同埋一D時裝店呀﹐好似賺夠唔休做o既咁。

我的香草雞翼﹐初五再會吧‧‧

 

 

食飽飯﹐然後就去買花﹐已經擺在幾年桃花o既我﹐被制止再擺

；唯有睇下買其他花﹐無去年宵呀﹐只係去在花墟道﹐嘩‧‧都好多人哩‧‧間間都哄下﹐睇下有咩花好買!

每一檔都好多工作人員﹐人人都不停吶喊、叫賣﹐行到一半﹐覺得無咩花係特別想買的﹐所以就打算番轉頭去第一間

﹐途中都間間睇下邊D花靚D﹐後尾去到其中一間﹐我又哄下哄下咁睇花之際﹐工作人員突然更大聲叫囂﹐話『宜家D花有五折﹐即係半價﹐買啦買啦!!!』突然前面D花﹐有好多人伸隻手出黎搶花﹐嘩‧‧唔係化?!?!

 

 

睇住一紥紥花俾人搶購﹐一個筒由十幾紥變到得番幾紥﹐即刻連自己都揀埋一份!! 最後都揀在一紥黃色鬱金香同一紥白色鬱金香﹐出門口遠處企在一陣﹐再折返買多紥襯花；番屋企插好﹐就係咁o既樣喇!

還可以吧? 哈哈‧‧

 

 

 預祝大家牛年快樂呀!!!