報紙陣

唔知我有幾多位朋友番工要撘地鐵o架哩?

又唔知有幾多位會係地鐵拿『都市日報』o既習慣??

 

 

我其實唔想撘地鐵番工o架﹐不過要撘果朝就即係我又遲在出門口喇﹐唯有飛地鐵趕時間啦。不過唔知大家有無發現自從有『都市日報』之後﹐成個車箱都變成一片報紙海呢﹐一個二個低頭埋首手上o既報紙。

 

 

其實好多人變相企o既時候﹐都會唔覺意留一D位俾自己睇多幾段短新聞﹐而係車箱外o既人又唔知道原來入面仲有好多位﹐不過只係大家無『企入D企入D』之嘛!! 所以如果上唔到車o既時候都好激氣o架﹐因為明明有位嘛!!

 

 

不過哩﹐有時都幾煩o架﹐如果我都拎埋一份就話大家都睇﹐但如果唔係﹐塊面就不停俾報紙撩o架喇。

 

 

唉‧‧所以﹐我始終都係想﹐早到DD﹐撘巴士好過啦。