初四 - 石澳

睇都睇得多人地o既相喇﹐所以非常好奇﹐就跟人地所講﹐去實地考察下究竟現場究竟係點o既呢?!

 

 

自與油麵開始攪結婚o既o野﹐有時八掛都會睇下人地D結婚相﹐有時一幅牆﹐一個街角﹐原來都可以好特別咁映到一D好靚o既相。今次我地去o既係石澳!

 

 

景點一：橙色三層高石屋

 

 

景點二：國內有大量之舊石屋一間

 

 

景點三：綠色石屋

 

 

景點四：甩甩漏啡色磚頭

 

 

景點五：扮懸崖一個

 

 

正呀!! 不過哩‧‧可能因為初四o既關係﹐好多人未番工仲周圍咁拜年﹐一街都係車﹐攪到想係果幅牆度映張正D o既相都唔得。

 

 

映完﹐走埋﹐先至醒起我點解唔扮公仔映相?!

 

 

哈哈‧‧‧

Pre-母親節

熱~~ 熱~~ 熱死了~~

 

 

早幾日仲係涼涼地﹐今日就熱

到爆炸了﹐但馮家一行四車十幾人去晒BBQ﹐係.... 又係BBQ﹐我開始要舉白旗了

﹐唔可以再B喇﹐會死的。

 

 

一如所料﹐ 只係等車位已經等得發瘋了﹐係等車位途中﹐仲要親眼見証一架旅遊巴o既車尾撞到一架車o既車頭

﹐陰公﹐見架車花晒啊~ 可憐地私家車o既車主仲未知自己架車已經受傷了；另外﹐仲睇住D人爭車位而口角

﹐爭贏的司機是後到的﹐早到的司機向他麻怨幾聲說他『打尖』﹐但他竟跟早來的司機說：『點知你等位o即﹐你唔講點知。』我覺得佢係一隻蟹囉﹐點講o即﹐駛唔駛寫張大字報貼係車頂公告天下啊?? Short Short地。

 

雖然熱

得要昏倒﹐其實天空真的很藍哩~~~

 

 

細渝玩水特別開心

﹐雖然步履也未完全穩﹐但玩水卻又驚又興奮哩!!! 她穿的可是真泳衣來的啊!!!

 

而小墨只會出腳.... 不出樣了....

 

今天準備的食物﹐足夠我們再多BBQ一次﹐可是﹐不成了不成了

﹐請先暫時停止這活動﹐真的不行了~~~~ 其實正如小墨爸講﹐我地好應該早點去﹐然後各人可以自備泳衣落水﹐如果下水禮在沙灘也不錯啊!!!

 同埋今日唔駛熱得咁辛苦。

 

 

最後﹐預祝各位母親於下星期的母親節裡快樂!!!!