恭喜Cuby同Jonny大婚

今日係除在係我大細佬牛一之日﹐仲係Jonny先生大喜日子﹐恭喜佢同Cuby今日拉埋天窗!!!

 

咁當然﹐我地成棚舊同事好多人都被炸

﹐所以有成兩圍係我地所識o既人坐!!! 另一面﹐亦都有一群舊同事做兄弟姊妹。

 

 

哩一次係我自從政府放寬﹐婚禮可以係註冊處以外舉行以黎﹐參加o既第一個婚禮。雖說始終都係莊嚴o既事﹐但結婚監禮人就好應該再陪訓一下

﹐唔夠Pro啊﹐明明Jonny姓陳o架嘛﹐差D讀錯在為姓黃﹐再加上佢D英文好『得』下﹐聽到耳都側

﹐同埋我覺得個莊嚴性﹐係... 有待改善囉。我記得以前幫另一個朋友做姊妹﹐佢地係中環大會堂婚姻註冊處行禮﹐當時雖然比較嚴肅﹐但我更感覺到個婚姻係幾咁神聖

﹐同埋更加感動﹐我當日都有喊啊

﹐雖然果陣新娘新郎無咩特別o既說話俾大家﹐但... 相對今晚﹐我唔係好Feel到(定係我心態已經轉變了呢??)﹐除在新娘子感動到喊到不得了之外﹐阿新娘真係喊到差D收唔到聲啊~~

 

 

以下係今晚o既菜單... 其實十居其九婚宴都係哩種菜式.... 我地講笑咁講﹐應該點去Verify果打橙係唔係來自『金山西』o架呢??

 

姊妹們都盡量扮得靚靚﹐可惜佢地投資o既果條裙就.... 手工唔係好好

﹐話就話度身訂做﹐但就唔Fit囉；Flora條裙腰位打摺、Bevis腰位可以拉到幾吋o既位出來、Kate條裙過長﹐乜訂做唔係應該好Fit o架咩?? 變在最聰明係IC﹐佢唔訂造而係搵現成的﹐比佢地仲Fit仲合身。

 

 

下一個婚宴係高比係九月o既婚禮﹐小妹要做姊妹；而再下 個係Starsky﹐日期係2008年o既12月尾!! um... 高比果個我要好好修下身先﹐要見人o架嘛。

 

 

祝Cuby同Jonny永遠開心快樂!!!