熱心好、還是冷漠好

今日放工果陣﹐途經鑽石山﹐係地鐵站口﹐有位小姐圍住一個女士係度不停問佢有無事﹐咁行埋去睇睇啦﹐原來坐在係地下果位女士叉錯腳﹐個頭撞到地下﹐所以係度叫暈。

 

 

本來我想直行直過o勒﹐但又覺得好似冷漠在D喎﹐人家有事﹐睇下駛唔駛幫手都好o丫。咁我行埋去聽佢地講在一陣o野﹐D途人不停問佢『幫你Call車好唔好??』、『駛唔駛去醫院Check Check??』、『有無白花油啊?? 佢暈啊﹐同佢搽D油啦!!』一輪嘰嘰喳喳之後發覺原來有一個人都同佢算係識識地o既﹐咁我只係撘在一句：『就算唔去醫院都搵間疹所Check Check好D喎!!』然後佢地又再七咀八舌咁係度講點算點算﹐我自覺既然已經有足夠人手幫佢喇﹐我唔好留係度加多一樣意見喇﹐走啦!!!

 

 

我一邊行一邊唸﹐宜家幫人都真係好煩﹐幫又唔知會唔會自己太多事、太八﹐唔幫又覺得『冷血o架咩』。所以真係左右做人難啊!!