南山村品香樓

哩間o野其實一D都唔新發現喇﹐第一次去都以年計﹐係Jimmy哥帶埋我一家咁去開飯﹐不過當時間舖好似無咁大﹐宜家佔在五個舖位啊!! 其間都已經差不多遺忘了... 只係記得有一個地方有小菜食的﹐又係九龍的

。某日﹐啤梨同我講不如去南山村食﹐有個菜館好有鑊氣的﹐咁佢一講南山村﹐我就醒起當年其實已經去過﹐咁再去都識路o勒。

 

 

其實近哩幾個月都好似去在二、三次﹐因為鑊氣夠、我又鐘意食炒餸

、同埋平o丫嘛!! 某次一個係外地來的舊同事﹐因為佢次次黎香港﹐同佢食o既o野都不見得好好食、又貴﹐所以哩一次就同佢去食香港比較地道o既小炒﹐還好﹐佢都話好味。

 

 

今晚輪到小墨媽話去o勒(因為我最近同佢講過一次﹐所以佢又心思思去食喇。)﹐我地四個人﹐叫在四個餸﹐個伙計仲送一個例水(滾湯)﹐阿朗由於肚餓上腦o既關係﹐勁飲﹐差不多有三份二o既湯入晒佢個肚﹐都Short Short地。

 

 

圖中o既係粟米班塊, 魚香茄子煲同埋咩金銀蛋浸白菜仔﹐後面仲有一個蒜香黃金蝦未到。其實佢D炸o野幾唔錯﹐圖中哩一個粟米班塊仲食得出係脆的﹐佢另有一個餸叫糖醋桂花魚都幾好味!!

 

 

哩度食小炒得黎都企企理理、乾乾淨淨﹐唔會好似火炭大排檔咁亂七八糟﹐我相信如果下次叫D食大排檔會肚痛o既人黎食都應該無問題。(無錯﹐我講緊你啊張總!! 嘿嘿嘿...

) 但D伙計講野好似食晒D食字咁唔係好聽到佢講咩﹐另外... 成日唔加茶囉!! 都唔知係咪想我地order飲品。

 

品香樓地址：石硤尾南山村南豐樓204-205, 210-213號平台。

Tel : 2778-8792 and 2778-9678