2007年小墨乜事都有得回顧

咁又一年喇﹐同上年一樣﹐來個小墨雜項事回顧先

。咁當然﹐其實都係我自己review一下哩一年攪在D咩....

 

 

本來說龍年人在今年應該特別好運﹐但不知何解﹐年初開始就已經頭頭踫著黑

。整整一年﹐心情都麻麻地﹐年頭時跟朋友去睇相(馮氏家族人睇到時唔好講番俾小墨媽聽啊!!)﹐都講在我今年都是一般﹐見証了人不會只分12種

﹐12星座或12生肖之說不要太信啊!!!

 

 

大約五月﹐最後一科DMS考試都完結了﹐有人回家途中坐係小巴上流眼淚

﹐雖然不可說是什麼大的困難旅程﹐但總算叫做完成了﹐感觸總有一點點﹐更何況我係眼淺o既人﹐路上發了好幾個sms﹐跟幾個幫忙過的朋友說謝謝

。過後﹐我要再向前行‧‧‧﹐悟‧‧下次‧‧我要戴四方帽!!!!

 

 

睇在咁多年捐血o既廣告同Poster﹐六月時終於鼓起勇氣﹐跟mon mon一齊去捐血

﹐嘩... 打麻醉針仲痛過捐血啊﹐好似將D藥夾硬迫入去皮下咁；見到自己包血時覺得有點激動﹐血啊~~~ 我o既血啊~~~ 心裡諗﹐你地乖乖地去幫人啦﹐不過我就無緣同佢地黎張合照；但10月去o既時候﹐mon mon同La La都可以同佢地包血映相喇﹐佢地就好啦

﹐點解我唔映埋一份?? 因為‧‧因為‧‧果日紅十字會唔俾我捐血囉!!! (我果日做小測時唔合格。

)

 

 

九月頭﹐終於收到公司通知﹐我番埋十月二日就唔駛再番喇﹐都話在總有一日係咁o架啦

﹐想當日唔知邊一個高層仲猛咁話唔會﹐係... 唔會... 講果下咪唔會囉﹐有時間限制o架嘛﹐會Expire o架!! 我唔係話公司呃我﹐但.. 自己點都會估到前路係點o架囉。去個旅行先﹐番來至慢慢再搵工啦!!!

 

 

十月又係我出外旅遊o既時節﹐今年都係泰國﹐但地點係華欣﹐旅伴係Frankie (早說了她是女來的!!)﹐我地兩個未去過華欣o既人竟然夠膽唔跟團自己盲中中咁去﹐咁好好彩﹐路上非常順利﹐間酒店仲好鬼靚添

﹐到番黎果陣﹐真係覺得未夠喉o架!! 不過既然咩都已經訂晒﹐想留都唔得啦!!!

 

 

十一月尾十二月﹐幸運之神開始眷顧﹐見工唔係見好多就有著落﹐亦算係想點有點啦﹐仲想點o丫﹐已經好好彩了。最後仲可以潛番TST番工﹐實在係好開心﹐咁當然﹐希望哩一份工順順利利啦!!

 

 

哩一年事就唔係好多﹐非常非常平穩﹐um.. 希望明年好彩D啦﹐例如快D搵番個碼頭啦﹐泊唔泊得埋岸一件事﹐搵在先算啦﹐唔係成村人見一次講一次話介紹人俾我識﹐o希... 你估我唔想咩

﹐有至得o架嘛。

 

 

祝大家有個更好o既2008!!!