我部6280終於都要退休了﹐最近同人講電話常斷線哩!!
那天﹐星期四﹐去旺角買電話﹐選了Nokia的6600S﹐也許你們想說『又係Nokia??』無錯﹐我都諗唔到買咩電話好﹐但我又唔鐘意Sonyericsson的機﹐用過喇﹐個Function好鬼蠢的!!! 又覺得自己未去到用PDA Phone喎﹐明明唔係好用電話o既相機﹐但又會因為佢而唔去考慮部機囉!!
o拿.. 用我自己手板做Scale會唔會易明D佢究竟幾細部?? 我都好驚跌佢落地﹐希望佢安安全全。
不過由於哩一款機太新﹐有有D bugs似乎係未解決；就例如你地所見到﹐我用緊果個Theme﹐係幾米的﹐但耐唔時係個Screen度就有一D痕係度閃下閃下
換機o既人當然唔受間舖頭o既歡迎啦﹐但油麵同小墨都唔係大吵大鬧o既人﹐唯有好言同佢講部機真有問題
最後... 係換極都係咁格﹐咁梗係啦﹐係Software問題﹐又想可以點換哩﹐所以換過另一部就算了。希望Nokia快D出新Verison﹐等我快D Update試下啦。
今日周圍走﹐一早起身﹐先過灣仔；回家；再去尖沙咀；然後過佐敦；再去太子；然後過海；再番太子；撘巴士歸家；完成一日o既旅程。好忙啊~~
好耐無慢慢咁行街﹐次次行親都滾水淋腳咁趕到不得了。點解我成日都覺得好趕好趕﹐因為我成日都偷時間﹐想係有限o既時間入面做最多o既o野。不過我今日Feel到自己真係開始在調節自己o既速度﹐為自己感覺到點點高興﹐因為我終於都肯改變喇。
最近我手提粒電都有點點問題﹐全日無講過幾多電話就沒什麼特別問題﹐可是像今日一樣講了幾個電話之後﹐佢就怪叫同我講肚餓；咪以為我煲電話粥﹐我無啊!! 最短果個電話三分鐘以內而最長果個才10分鐘﹐佢已經話無電﹐係咪有DD離譜呢? 我思前想後心諗『算啦.. 個電話又無事﹐買電話動不動千幾二千走唔甩﹐買新電係貴﹐但平過一個新電話好多啊!! 』所以今晚回程前就去Nokia Shop買在粒新電。好彩我最終忍痛俾錢咋﹐頭先拎粒新電出黎拆電話時就發現﹐原來本來舊果粒已經出現變形o既情況!!! 仲要好嚴重添喎!!! 好彩咋﹐如果唔係﹐我好可能係下一個係報紙頭條出現﹐話被手題電話爆炸炸親o既香港人!!
之所以話﹐各位啊﹐得閒就check check你地手提係咪任何一方面都正正常常﹐如果有問題你地就好快D整好佢喇﹐如果唔係有咩問題時﹐真係有排痛苦啊!!
更新on Oct 01：
我最終都係決定映相出黎俾你地知究竟舊電係什麼情況﹐因為真係要Alert一下大家。
看得出嘛?? 真係『特』在出黎o架!!! 你地偶爾要驗查一下啊知嘛??
另外﹐我尋日已經拎舊電去Nokia﹐諗住反映俾佢地知啦﹐點知個Staff愛理不理咁話Shop無人會處理哩個問題﹐係都要我打電話去Hotline喎﹐唉... D人今時今日o既服務態度真係差啊!! 你收起佢反映番公司咪得囉!
小墨媽同朗朗剛剛去完旅行回來﹐寧靜o既屋企回歸熱鬧﹐往時小墨爸一定同行﹐但今次公司事忙行唔開﹐另加本來哥哥住係爺爺間屋玩馬拉松裝修(邊有人只係整厠所+廚房﹐整足三個幾月都未整完。)所以仲係我地哩邊訓覺﹐所以今次我完全無放假o既感覺格﹐ 不過確係相對黎講比較安靜。
由於小墨媽係旅行社開茶會時﹐導遊已經向佢地通風﹐用『生滋』電話+某頻道﹐打番香港特別平﹐所以爸同媽o既電話掉轉黎用﹐誰不知到第三日﹐我地就開始覺得電話有唔妥喇。事緣小墨爸在家找不到叉電機﹐咁就問我有無諾記細插叉機﹐我梗係有啦﹐仲幫佢餵部6270食電﹐叉叉下﹐想拎開個電話啦﹐誰不知電話熱到燙手；小墨一向怕死﹐特別係半生不死﹐所以深怕電話爆炸﹐立即停止叉電o勒。同爸爸研究在一輪(爸爸係萬事通、個女有曾sir feel)﹐就話舊電有D唔妥﹐但無發大、無變形﹐唯有等媽子回來再問問平時有無唔對路；唔知係咁o岩得咁橋定同Nokia心有靈犀﹐今日Nokia出通告﹐原來哩款電係有問題要回收。
好彩無爆炸o即﹐否則唔靚之餘仲破相﹐你都咪話唔大鑊。
另外﹐我個電話同媽子果個非常相似﹐如果我舊電同佢o既係一樣model﹐咁我咪有新電用囉!! 呵... 不過宜家唔關我事哩‧‧‧
