三姊弟齊來學外語

我自從考完DMS個試之後﹐一心打算休息半年

﹐再重新上路去讀埋個Degree佢﹐休息o既意思係哩度黎講指... 完‧全‧唔‧讀‧書

﹐除在我o既小提琴之外

。本來見ar mui 讀日文幾好玩咁﹐我一早都諗趁唔趁哩幾個月去玩下﹐不過經再三考慮之後

﹐都係覺得﹐讀咩o丫讀﹐第時開學拎住D書有排你讀啦﹐同埋﹐其實ar mui 讀日文都唔係無壓力o架喎

﹐咁樣攞苦黎辛都係咪攪。但後尾﹐竟然我大細佬某日同我講﹐問我有無興趣陪佢讀日文﹐佢想我陪﹐讀完之後都想考埋日文公開試；我哩個家姐自問比兩個細佬獨立﹐從來覺得真係想學o既o野﹐係唔一定要搵人陪格﹐所以佢同我講哩番說話時﹐我除在心諗一句『藉口』之外

﹐係有點點覺得『攪錯啊﹐一點我同老竇o既風格都無。』

 

 

但係咁﹐自問我細佬雖然『CC、叔叔』﹐佢不嬲無咩要求更無咩大志

﹐難得佢開口問我﹐而我又其實幫到佢o既﹐咁所以咪... 幫下咁囉~

後尾不停問朋友仲有無人參加﹐有o既話就不如約埋啦

﹐分分鐘夠人數自己開一班夠晒合皮﹐應該都幾好玩

﹐但由於時間同埋喜好o既關係﹐就只叫到鍾小妹妹一齊﹐而我又貪口爽問阿朗(細細佬)玩唔玩﹐o丫o丫o丫~~ 個衰仔竟然話想學

﹐但再三追問之下﹐佢直認『係啊.. 想學黎打機

!!』姑勿論佢o既目的﹐但佢兩兄弟無咩要求o既習慣下﹐想學啊? 咁.. 學囉!!

 

 

尋日係番第一堂﹐哩位老師亦都係ar mui o既老師﹐佢肥o都o都幾可愛

﹐又幾鐘意笑o丫~ 我以為我細細佬都夠細個o架啦﹐點知同埋場仲有一個九歲o既小Dee Dee﹐佢好明顯係無咩興趣﹐係俾佢Daddy同哥哥迫佢上堂

﹐因為後尾老師問佢有D字點讀﹐佢有點點發脾氣話『唔識啊!

』﹐老師以為佢只係唔明﹐但再三指導下發現﹐其實佢唔多有心機咁

﹐所以都放佢一馬。唔知佢番屋企會唔會俾佢Daddy修理修理呢?

不過宜家上在第一堂﹐已經覺得好似好深喎

﹐並唔係想像中咁易﹐不過... 我有兩位前輩(大細佬同ar mui) o既幫忙﹐有咩都可以即問哩﹐希望.. 我最後唔會因為怕在而退出喇~