Honeymoon - 東京、軽井沢、箱根

墨麵大婚後差不多三個月﹐我地聽朝終於出發﹐去我地o既蜜月之旅!

 

 

二月尾已不停搜羅資料Book邊樹酒店又平又方便、行程如何、撘咩車﹐唔知係咪太多年無去日本哩﹐突然驚驚地會係果邊迷路!

 

 

初初問傻哥日本東京 D 民宿﹐但最後都係選擇番酒店﹐因為原來我地撞在佢地兩大節﹐一個係佢地o既春分、另一個係打機迷類似香港動漫節的活動﹐方便的民宿都被Book得七七八八(按：傻哥仲話﹐佢地宜家係Book緊八、九月﹐另一個打機迷o既活動﹐話我咁遲先Book三月o既民宿喎。) ﹐然﹐亦發現經香港訂某港人常住酒店都唔係好貴﹐係行遠DD囉... 不過話晒都係大規模o既酒店﹐算啦。

 

 

旅程前後共10日﹐已 plan 會到o既地點包括東京、軽井沢、箱根﹐本來同事極力推薦伊豆高原﹐不過如果只花二日一夜 even 三日兩夜都係到喉唔到肺所以放棄了。想再造訪東京廸廸尼﹐但麵未去過東京廸廸尼o既都話覺得同香港類同﹐我地亦唔係廸廸尼迷﹐去得又要足一日﹐佢話會唔會去其他地方更適合﹐所以.... 東京廸廸尼鬼屋.... 下次有緣先至再番黎探你了‧‧‧

 

 

唔知點解好想去軽井沢﹐可能係受到Pre-Wedding時的Sample相吸引﹐好想去好想去!!!!! 所以哩個係必然o既地點!! 而箱根﹐係麵公司的同事推介﹐短Trip但又想玩浸溫泉的話係好o岩o架哩!! 我地揀在一間係自己房間有得浸風呂的溫泉酒店﹐而另一間係極極極地道o既民宿玩地道體驗!

 

 

另一高興係﹐如無意外會睇到櫻花! 因為今年櫻花早開了﹐大約廿三號就會開花﹐滿開就會係四月一日﹐雖然我地廿七號就完成旅程﹐但應該都唔會睇得太少!

 

極度期待哩個旅程哩!!! 仲有幾個鐘就出發喇!!!

我要學煮餸

雖然最近無咩講我係廚房o既枝節俾大家聽﹐但.... 我依然係努力學習當中!!!

 

 

試過買菜俾人呃! 明明幾蚊個o既生菜﹐菜檔幫工 Vs 新任煮婦﹐最後人家話$13﹐雖然我心裡有起疑﹐但又不敢多問下.... 俾錢! 但有小小不忿下走入屋企樓下的華潤望一望﹐噢.... 不到$5就有交易﹐笨在!

 

 

又試過企係人家菜檔左轉右轉都未俾錢﹐俾人眼望望....

 

 

哩兩個月有加油﹐但礙於相公非常揀飲擇食﹐好多o野都未曾一試如何煮....

 

 

但哩個星期.... 我叫在相公幫我錄起 D『都市閒情』﹐睇人地點煮家常便飯﹐從中偷師! 又係Blog度係咁搵人地 D 煮餸實錄番黎又學人炒炒貢!

 

 

總有一日﹐我會成為一個成功o既『煮婦!!!!!!』

大會堂

尋日去大會堂﹐出席在朋友仔的婚禮!

 

 

大會堂﹐係我最喜愛的婚禮場地；當日笨蛋的我與阿麵﹐一心諗住要黎大會堂行禮﹐卻沒有查過我地大婚日會否照常營業﹐自以為肯俾加班費就沒有問題﹐Book好酒樓後還要過在一段時間才發覺﹐該日肯俾錢佢地都唔做你生意囉。

 

 

哩一日﹐朋友仔o既婚禮﹐特意黎到見證一下。

大會堂o既禮堂好夠大﹐近似Size的尖沙咀文化中心﹐都唔夠哩度靚﹐紅棉道註冊署都靚﹐不過較細﹐但註冊署外就有大量映相位﹐因為係靚靚香港公園嘛。

 

 

一般註冊時﹐新娘只有兩個反應﹐一係傻笑不停﹐一係緊張到笑容有點緊；我當日係果一下子覺得﹐乜真係咁快手﹐入黎就企好然後宣誓o架o拿? 因為我與麵都想順順利利﹐所以好驚出錯﹐我全程緊著臉﹐同埋我好驚手震簽唔到名﹐而朋友仔哩﹐就好激動﹐全程都呆呆的想喊想喊咁。

 

 

番黎同麵講『大會堂個堂好有氣勢﹐唉... 果陣好想係度行禮。』但阿麵好得戚的話『無喇﹐你哩世都無機會喇。』

 

 

給未婚及將會結婚的好友﹐雖然我知道去到簽賣身契哩一個Moment時都會好難控制自己o既情緒 (無論係會喊定超級緊張致面容繃緊)﹐不過... 如果可以的話﹐記著放鬆D﹐唔好介意有機會發生的小小出錯位﹐都要開開心心咁去迎接哩一刻呀!

廚房玩具 - 小焗爐

終於.... 終於.... 終於.... 買在喇!

 

 

相公極度抗拒微波爐﹐但小焗爐就有商量﹐今日終於都買在番黎喇。

 

 

雖然今晚未開始用﹐不過都拎佢出黎玩o下先....

 

 

將配件擺好....

 

 

小焗爐將會安坐o既位置....

 

我地過一、兩日就去抬個架番黎俾佢坐係廚房!!!!

 

PS: 預在唔會攪蛋糕﹐所以無溫度控制都無所謂啦﹐都係想『翻叮』麵包、烤下豬扒、雞翼、什至焗o下意粉咁姐﹐夠用o架喇!!!

蛋糕

三月了﹐又到中學同學牛一的日子﹐今次佢地揀在去Outback度開飯。其實一知道佢地話係哩度開飯﹐我頭上就有個問題.... 究竟.... 有無o野o岩我食o架?!

 

 

一向西式餐廳的風格....

 

 

Menu....

 其實o野食我覺得一般般啦﹐看來露比星期二會好少少﹐至於那些意粉.... 蘋果綠會好D。

 

 

開飯前被派去買蛋糕﹐今時今日﹐我覺得D餅店D蛋糕好唔掂﹐我只係想要個正正經經o既蛋糕﹐但通常去到都只有果幾款做緊Promotion o既蛋糕如天使、魔鬼、甚至如東海堂果個壽桃樣o既蛋糕‧‧N年前企係餅店門口唔知揀邊個蛋糕o既情況﹐哩幾年不翼而飛﹐大家想試下花多眼亂﹐非要跟佢地本Catalogue去order不可﹐但... 通常一訂就要兩磅! 大家都出黎食飯啦﹐邊可能食到兩磅o既蛋糕?! 叫做有一個切下咪算囉!

 

 

其實最近我覺得凱詩唔錯﹐好彩尋晚尖咀有﹐因為真係好多款揀﹐有芒果、什果、黑森林、栗子、Tiramsu﹐又或木糠布丁蛋糕都有.... 

 

 

哩個係今次揀o既芒果拿破倫!

 

 

上次表妹賀牛一﹐因為得我同佢兩個人﹐係旺角又搵唔到凱詩﹐只搵到東海堂、美心同聖安娜﹐最後... 我去龍島買在個朱古力蛋糕﹐反正錢又差不多﹐又唔駛大個﹐一樣o既錢換來一個更好味的﹐我覺得好抵!

指甲

婚前﹐考慮在好耐﹐做唔做Gel甲好呢?

 

 

其實小墨唔鐘意做Gel甲的﹐對於那些Nail Art亦興趣不大﹐所以指甲都是短短的﹐但話晒結婚﹐係咪應該整一整呢?

 

 

後尾同好友傾開﹐佢話佢修甲o既舖頭有種叫蛋白甲﹐唔駛磨甲就可以造上去﹐Big Day用完可以拆! Good!! o岩晒我!

 

小墨媽係咁對住我講在幾次﹐話大婚果日應該要全紅指甲油﹐人地都話在唔鐘意咯﹐我次次應佢果陣都話『係襯褂﹐咁我套婚紗點呀﹐唔要!!! 唔做全紅。』

 

 

不過唔要還唔要﹐如果有其他方法都可以考慮o既﹐最後﹐修甲師姐姐建議我做閃粉係指尖﹐有紅啦... 但又唔Out喎﹐仲唔會太紅添。

 

 

話時話﹐雖然我只收在權哥D相﹐但好似係千四張相入面先至得唔知一張定兩張睇到對手﹐不過....果日勁敬茶﹐應該... 親眼睇到o既人會多D...

馬拉松成績

 

小墨成績：

油麵成績：

 

但可惜﹐原來我地o既遲到係導致我地無證書o既原凶!

 

嗚.... 不過好彩我有大量相片證明我地係真係有參與過o架!