三月了﹐又到中學同學牛一的日子﹐今次佢地揀在去Outback度開飯。其實一知道佢地話係哩度開飯﹐我頭上就有個問題.... 究竟.... 有無o野o岩我食o架?!
一向西式餐廳的風格....
Menu....
其實o野食我覺得一般般啦﹐看來露比星期二會好少少﹐至於那些意粉.... 蘋果綠會好D。
開飯前被派去買蛋糕﹐今時今日﹐我覺得D餅店D蛋糕好唔掂﹐我只係想要個正正經經o既蛋糕﹐但通常去到都只有果幾款做緊Promotion o既蛋糕如天使、魔鬼、甚至如東海堂果個壽桃樣o既蛋糕‧‧N年前企係餅店門口唔知揀邊個蛋糕o既情況﹐哩幾年不翼而飛﹐大家想試下花多眼亂﹐非要跟佢地本Catalogue去order不可﹐但... 通常一訂就要兩磅! 大家都出黎食飯啦﹐邊可能食到兩磅o既蛋糕?! 叫做有一個切下咪算囉!
其實最近我覺得凱詩唔錯﹐好彩尋晚尖咀有﹐因為真係好多款揀﹐有芒果、什果、黑森林、栗子、Tiramsu﹐又或木糠布丁蛋糕都有....
哩個係今次揀o既芒果拿破倫!
上次表妹賀牛一﹐因為得我同佢兩個人﹐係旺角又搵唔到凱詩﹐只搵到東海堂、美心同聖安娜﹐最後... 我去龍島買在個朱古力蛋糕﹐反正錢又差不多﹐又唔駛大個﹐一樣o既錢換來一個更好味的﹐我覺得好抵!
沒有留言:
張貼留言